Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

சட்டப்பேரவையில் அமைச்சர்களின் இன்றைய அறிவிப்பு!

சட்டப்பேரவையில் இன்று, அமைச்சர்கள் பலர் தங்கள் துறைகுறித்து பல்வேறு அறிவிப்புகளை வெளியிட்டுள்ளனர்.

தமிழக சட்டப்பேரவைக் கூட்டம் இரண்டாவது நாளாக இன்று நடைபெற்றது. எம்எல்ஏ-க்கள் பலர் தங்கள் தொகுதியில் நடைபெற வேண்டிய திட்டங்கள்குறித்து கேள்வி எழுப்பினர். இதற்கு அமைச்சர்கள் பதில் அளித்தனர். முதலில், உத்திரமேரூர் எம்எல்ஏ., சுந்தரின் கேள்விக்கு, மின்துறை அமைச்சர் தங்கமணி அளித்த பதிலில், திருமுக்கூடல், உத்திரமேரூரில் துணைமின் நிலையம் அமைக்கப்படும் என்றும், இதற்கான பணிகள் நடைபெற்றுவருகின்றன என்றும் கூறினார். மேலும், கிள்ளியூர் தொகுதி கருங்கலில் 230 கி.வாட் துணை மின்நிலையம் அமைக்க பரிசீலனைசெய்யப்படும் என்றும் அமைச்சர் தெரிவித்தார்.

அடுத்து, வேளச்சேரி தி.மு.க எம்எல்ஏ., வாகை சந்திரசேகரன் எழுப்பிய கேள்விக்கு, உள்ளாட்சித்துறை அமைச்சர் வேலுமணி அளித்த பதிலில்,  வேளச்சேரியில் பூட்டிக்கிடக்கும் சமூகநல கூடத்தை உடனே திறக்க நடவடிக்கை எடுக்கப்படும் என்று தெரிவித்தார். மேலும், 51 வட்டங்களில் சிறப்பு குற்றவியல் நீதிமன்றங்கள் அமைக்க நடவடிக்கை எடுக்கப்பட்டுவருகிறது என்றும் அமைச்சர் கூறினார்.

சோழிங்கநல்லூர் எம்எல்ஏ., அரவிந்த் ரமேஷ் எழுப்பிய கேள்விக்குப் பதில் அளித்த அமைச்சர் விஜய பாஸ்கர், சோழிங்கநல்லூரில் 100 படுக்கை வசதிகள்கொண்ட புதிய மருத்துவமனை அமைக்க திட்டம் உள்ளது என்றும், ஈஞ்சம்பாக்கத்தில் 9 கோடி ரூபாய் மதிப்பீட்டில் புதிய அரசு மருத்துவமனை அமைக்கப்படும் என்றும், 6 ஆண்டுகளில் 212 ஆரம்ப சுகாதார நிலையங்கள் அமைக்கப்பட்டுள்ளன என்றும் தெரிவித்தார்.

தி.மு.க எம்எல்ஏ., துரைமுருகன் எழுப்பிய கேள்விக்கு, அமைச்சர் விஜயபாஸ்கர் அளித்த பதிலில், காட்பாடி தாலுகாவாக அறிவிக்கப்பட்டால், தலைமை மருத்துவமனை அமைக்கப்படும் என்று கூறினார்.

தி.மு.க எம்எல்ஏ., இன்பசேகரனின் கேள்விக்கு, அமைச்சர் திண்டுக்கல் சீனிவாசன் அளித்த பதிலில், தருமபுரி மாவட்டம் மோட்டூர்மலை ஏரிமலை, அலகாட்டு மலைப் பகுதிகளில் சாலை அமைப்பதுகுறித்து பரிசீலனைசெய்யப்படும் என்று தெரிவித்தார்.

Stay Updated with Tamil Flash News - Facebook's 'FbStart' Tamil APP

தமிழ்நாடு சார்ந்த செய்திகளை உடனுக்குடன் தெரிந்துகொள்ள... தமிழ் ஃப்ளாஷ் நியூஸ் அப்ளிகேஷன்! ஃபேஸ்புக்குக்கே பிடித்த நம்பர் 1 தமிழ் நியூஸ் ஆப்... Tamil Flash News..!

பதிவிறக்க... க்ளிக் http://bit.ly/FreeTFN

Advertisement
Advertisement
Advertisement
Advertisement
Advertisement

எடிட்டர் சாய்ஸ்

வெறும் ஆறே ரன்கள்.. போட்டியில் தோல்வி! ஆனாலும் அனைவரின் மனதையும் நெகிழவைத்த அந்த கிரிக்கெட் மேட்ச்! #MustRead #MondayMotivation
Advertisement

MUST READ

Advertisement
[X] Close