Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

'ஆட்சி நல்லாயிருந்தா நாங்க ஏன் போராடனும்..?'- எடப்பாடி பழனிசாமிக்கு நெடுவாசல் சிறுவனின் கேள்வி...

'பெண்கள் மற்றும் குழந்தைகளை வைத்து போராட்டம் நடத்துவது பேஷனாகிவிட்டது' என்று போராட்டம் குறித்து எடப்பாடி பழனிசாமி தெரிவித்த கருத்தை கண்டித்து, இன்று நெடுவாசல் மக்கள் 89-வது நாள் போராட்டத்தை தொடர்ந்து வருகின்றனர்.

neduvasal

கடந்த 7-ம் தேதி தமிழக சட்டப்பேரவையில் மானிய கோரிக்கைகள் மீதான விவாதங்கள் நடைபெற்று வந்தது. அப்போது பேசிய முதலமைச்சர் எடப்பாடி பழனிசாமி, 'பெண்கள் மற்றும் குழந்தைகளை வைத்து போராடுவது இப்போது பேஷன் ஆகி வருகிறது' என்றார். இந்த கருத்துக்கு கடுமையான கண்டனங்கள் தெரிவிக்கப்பட்டன. குறிப்பாக பெண்களையும், அவர்கள் போராட்டத்தை இழிவுபடுத்தியதாகவும் எடப்பாடி பழனிசாமி மீது கடுமையான விமர்சனங்கள் முன்வைக்கப்பட்டன. இந்த கருத்து சட்டசபை அவைக்குறிப்பில் இருந்தும் நீக்கப்பட்டது.

sivatharshan neduvaasal

இதனிடையே ஹைட்ரோ கார்பன் திட்டத்தை எதிர்த்து போராடி வரும் நெடுவாசல் மக்கள், இன்று 89-வது நாள் போராட்டத்தை தொடர்ந்து நடத்தி வருகின்றனர். இன்றைய போராட்டத்தில் அவர்கள் எடப்பாடி பழனிசாமியின் கருத்துக்கு கண்டனம் தெரிவிக்கும் விதமாக பெண்கள் மற்றும் குழந்தைகளை வைத்து போராட்டம் நடத்தினர். இந்நிலையில் இன்று போராட்டத்தில் கலந்து கொண்ட சிறுவன் சிவதர்ஷன் (12) பேசுகையில், 'எடப்பாடி பழனிசாமி அய்யாவுக்கு வணக்கம். நாங்கள் பேஷனுக்காக போராடவில்லை. எங்கள் வாழ்வாதாரத்தை காக்க போராடுகிறோம். இந்த மக்களின் உணவுக்காக போராடுகிறோம். நீங்கள் நன்றாக ஆட்சி செய்தால் நாங்கள் ஏன் போராட வருகிறோம்' என்று கேள்வியெழுப்புகிறார்.

malarmani neduvasal

மேலும் போராட்டத்தில் ஈடுபட்டு வரும் மலர்மணி (50) கூறுகையில், 'பெண்களை இழிவுபடுத்தும் விதமாக பேசிய முதலமைச்சருக்கு நெடுவாசல் பெண்கள் சர்பாக கடுமையான கண்டனங்களை தெரிவிக்கிறோம். இன்று அவர் முதல்வராக இருப்பதற்கு காரணமாகிய ஜெயலலிதா, எத்தனையோ போராட்டங்களை நடத்தி இருக்கிறார். அது எல்லாம் பேஷனுக்காக செய்த போராட்டமா..? அப்படியெனில் அவர் கூறியது போல, 'எங்களின் பேஷன் போராட்டம்' அத்தனை எளிதில் முடிந்துவிடாது. சட்டமன்றத்தில் சிறப்புத் தீர்மானம் நிறைவேற்றும் வரை இப்போராட்டம் தொடரும். அதுமட்டுமில்லாமல், எங்கள் புதுக்கோட்டையைச் சேர்ந்த அமைச்சர் விஜயபாஸ்கர், முதல் கூட்டத்தொடரிலேயே தீர்மானம் நிறைவேற்றப்படும் என்று கூறினார். ஆனால் எதுவும் நடக்கவில்லை. இனியும் அவர்கள் வாக்குறுதியை நம்பப்போவதில்லை. எங்களுக்கு நிலையான முடிவு இதில் கிடைக்கும் வரை போராடுவோம்' என்கிறார்.    
 

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close