Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

செஸ் விளையாடுங்க... ஹேப்பியா இருங்க.

சதுரங்கம் என்னும் செஸ் விளையாட்டு, உலகம் முழுக்க ஒரே முறையில் விளையாடப்படும் அறிவு சார்ந்த விளையாட்டு. இது, ஏழாம் நூற்றாண்டில் இந்தியாவில்தான் உருவானது என்றும், பின்னர் மங்கோலியா வழியாக உலகமெங்கும் பரவியது என்றும் வரலாறு கூறுகிறது. இதன் சரியான விதிமுறைகள், இத்தாலியில் 16-ம் நூற்றாண்டில் உருவானது. 64 கட்டங்களை ராஜா, ராணி, சிப்பாய் உள்ளிட்ட காய்களைக்கொண்டு ஆடப்படும் இந்த விளையாட்டு, புத்திக்கூர்மைக்கு உதவும் ஓர் அரசமுறை விளையாடல். சதுரங்கம், மனித இனத்தின் ஆரம்பகட்ட விளையாட்டுகளில் ஒன்று எனப்படுகிறது. செ‌ஸ் ‌விளையா‌ட்டைத் ‌தொடர்ந்து ஆடும் சிறுவர், சிறுமிகளின் மூளை, நு‌ட்பமாகவு‌ம் அவர்க‌ளி‌ன் வேலைத்திறன் மே‌ம்ப‌டு‌வதாகவு‌ம் ஆ‌ய்வாள‌ர்க‌ள் கூ‌றியு‌ள்ளன‌ர். இது, உண்மையானது என்றும் அவர்களின் படிப்புத்திறன் மற்றும் ஞாபகசக்தியும் கூடுகின்றன என்றும் சமீப கால ஆய்வுகள் கூறுகின்றன.

செஸ்

மேலும், ஒரு கலையாகவும் அறிவியலாகவும்கூட வர்ணிக்கப்படுகிறது. மனிதர்கள் மட்டுமே ஆடிக்கொண்டிருந்த செஸ் விளையாட்டை, இப்போது ரோபோக்களும் ஆடத் தொடங்கிவிட்டன. ரோபோக்களை மிஞ்சும் சதுரங்க விளையாட்டு வீரர்களும் இருப்பது நமக்கான ஆறுதல்தான். ஓய்ந்து கிடைக்கும் நம்முடைய மூளைக்கு வேலைகொடுப்பதற்கு மட்டுமல்ல செஸ் விளையாட்டு, வறண்டுபோன நம்முடைய சிந்தனையைத் தூண்டும் ஓர் அரிய  விளையாட்டாகவும் பயன்படுகிறது. செஸ் விளையாடிவிட்டு, ஒரு கவிதையோ, நாவலோ எழுத முடியும் என்று நிரூபணம் செய்யப்பட்டுள்ளது. சரி, எதற்கு இந்த செஸ் புராணம் என்கிறீர்களா?

ஜூலை 20-ம் நாளான இன்றுதான் அனைத்துலக சதுரங்க நாள். 1924-ம் ஆண்டு ஜூலை 20 அன்று, உலக செஸ் கூட்டமைப்பு, பிரான்ஸ் நாட்டின் பாரிஸ் நகரில் நிறுவப்பட்டது. இந்த நாளின் நினைவாகவே, இன்று அனைத்துலக செஸ் தினம் கொண்டாடப்படுகிறது. இனி சிகரெட், குட்கா, மது போன்றவை எடுத்துக்கொண்டால்தான் படைப்புத்திறன் பெருகும் என்றெல்லாம் சொல்பவர்கள், செஸ் ஆடத்தொடங்குங்கள். ஆபத்தில்லாத நல்ல பழக்கம் இது.

Advertisement
Advertisement
Advertisement

எடிட்டர் சாய்ஸ்

“மாட்டின் மீதான அக்கறை, சிசுக்கள் மீது கிடையாதா?!” நெஞ்சு பொறுக்குதில்லையே #GorakhpurTragedy
Advertisement

MUST READ

Advertisement
[X] Close