Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

பெர்லின் சுவர் பிரித்தது...நெல்லைச் சுவர் பிணைத்தது!

ரண்டாம் உலகப் போருக்குப் பின், ஜெர்மனி இரண்டாக உடைந்தது. கிழக்கு, மேற்கு எனப் பிரிந்தது. பெர்லினில் இரு நாடுகளுக்குமிடையே பெருஞ்சுவர் கட்டப்பட்டது. ஒரே நாட்டு மக்களைப் பிரிக்கும் சுவராக நின்றது. வெறுப்புக்கும் போருக்கும் பிரித்தாளுமைக்கு அடையாளமாக அந்த ஆணவச்சுவரை பெர்லின் மக்கள் பார்த்தனர்.  வெறுப்பைக் கக்கும் அந்தச் சுவரால் நீண்ட காலம் நிலைத்து நிற்க முடியவில்லை. 1999-ம் ஆண்டு, மக்களே அந்தச் சுவரை உடைத்தும் தகர்த்தும் எறிந்தனர். பெர்லின் சுவர், அடையாளமே தெரியாமல் போனது.

நெல்லையில் உருவாக்கப்பட்டுள்ள அன்பு சுவர்

பாசத்துக்கும் நேசத்துக்கும் பெயர் போன நெல்லையிலும் இப்போது ஒரு சுவர் எழுப்பப்பட்டுள்ளது. அந்தச் சுவரின் பெயர், 'அன்புச் சுவர்'. இந்தச் சுவர், வேண்டுவோருக்கு வேண்டியதை வழங்க வேண்டும் என்கிற வகையில் எழுந்து நிற்கிறது. அதாவது, மக்களுக்குத் தேவையில்லாத பொருள்களை இங்கு வைத்துவிட்டால், தேவைப்படுவோர் அவற்றை எடுத்துக்கொள்வார்கள். இந்தியாவில் எங்குமில்லாத வகையில், இந்தத் திட்டம் நெல்லையில் அறிமுகப்படுத்தப்பட்டுள்ளது. 

சில நகரங்களில், வீணாகும் உணவுப் பொருள்களைச் சேமித்து, பொது இடத்தில் உள்ள ஃப்ரிட்ஜில் வைப்பார்கள். தேவைப்படுவோர், அந்த உணவை எடுத்துக்கொள்வார்கள். முதன்முதலில் நெல்லையில்தான் அனைத்துப் பொருள்களும் வைப்பதற்கு ஏற்ப சுவர் ஏற்படுத்தப்பட்டுள்ளது. நெல்லை மாவட்ட ஆட்சியர் அலுவலக வளாகத்தில் ஏற்படுத்தப்பட்டதுபோல,  நகரின் முக்கியப் பகுதிகளிலும் இதுபோன்ற சுவர் எழுப்பப்பட்டால், ஆங்காங்கே இருந்து பொருள்களைத் திரட்ட முடியும். நாளடைவில், பொதுமக்களே குழந்தைகளுக்கான உடைகள், காலணிகள், பொம்மைகள், நோட்டுப் புத்தகங்கள் உள்ளிட்டவற்றைப் புதிதாக வாங்கிவைக்கும் நிலையும் உருவாகும். 

இரண்டுமே சுவர்தான்; அடையாளம்தான் வேறு!

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close