Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

மதர் தெரசாவின் சிஸ்டர்ஸ் சாரிக்கு ட்ரேட்மார்க்!

கொல்கத்தாவை தலைமையிடமாகக்கொண்டு இயங்கிவரும் மிஷனரீஸ் ஆஃப் சாரிட்டி அறக்கட்டளை, 120 நாடுகளில் செயல்பட்டு வருகிறது. கத்தோலிக்க மதத்தின் தலைமையகமான வாடிகன் நகரிலும்கூட இந்த அமைப்பு சேவையாற்றுகிறது. அமைப்பைத் தோற்றுவித்த மதர் தெரசா, வெள்ளை நிறத்தில் நீல நிற பார்டருடன்கூடிய சேலை அணிவார். 1948-ம் ஆண்டு கொல்கத்தாவில் உள்ள கடை ஒன்றில், மதர் இதுபோன்ற மூன்று சேலைகளை வாங்கியுள்ளார். பின்னர்,  தன் அறக்கட்டளையில் பணிபுரியும் கன்னியாஸ்திரீகள் அனைவரும் இதே போன்ற சேலையை அணிய உத்தரவிட்டார். 

மதர் தெரசாவின் சிஸ்டர்ஸ் சாரி

மேற்கு வங்கத்தில் உள்ள வடக்கு மேக்னஸ் மாவட்டத்தில், இந்த ரக கைத்தறி சேலைகளைத் தயாரிக்க, கைத்தறி நெசவாலையை மிஷனரீஸ் ஆஃப் சாரிட்டி நடத்திவருகிறது. 'சிஸ்டர்ஸ் சாரி'  என்று அழைக்கப்படும் இந்தச் சேலை ரகத்திற்கு என்று மத்திய அரசு ட்ரேட் மார்க் வழங்கியுள்ளது. இனிமேல், மிஷனரீஸ் ஆஃப் சாரிட்டி அமைப்பின் அனுமதியில்லாமல் இந்த ரக சேலைகளை வேறு நிறுவனங்கள் உற்பத்திசெய்ய முடியாது. தொழு நோயாளிகள் உற்பத்திசெய்யும் இந்த ரக சேலைகளைத்தான் மிஷனரீஸ் ஆஃப் சாரிட்டியைச் சேர்ந்த கன்னியாஸ்திரீகள் அணிகின்றனர் என்பதும் குறிப்பிடத்தக்கது.  

தொழுநோயாளிகளுக்காக மதர் தெரசா தொடங்கிய நெசவாலையில்தான் இந்த ரக சேலைகள் உற்பத்திசெய்யப்படுகின்றன. இவர்களுக்கு உணவு, உறைவிடம், மருந்து மாத்திரைகள் அனைத்தும் இலவசம். மாதம் ரூ. 6 ஆயிரம் சம்பளமும் வழங்கப்படும். கூடுதலாக சேலை உற்பத்திசெய்தால், போனஸ் உண்டு. வெளி விற்பனைக்கு அனுமதியில்லை. இங்குள்ள 50 கைத்தறிகளில், ஏழு தறிகளில் மட்டுமே சிஸ்டர்ஸ் சாரிகள் உற்பத்தியாகின்றன. மற்றவைகளில் பெட்சீட், தொழு நோயாளிகளுக்கான ஆடைகள் உற்பத்தி செய்யப்படுகின்றன. 


 

Advertisement
Advertisement
Advertisement

எடிட்டர் சாய்ஸ்

“மாட்டின் மீதான அக்கறை, சிசுக்கள் மீது கிடையாதா?!” நெஞ்சு பொறுக்குதில்லையே #GorakhpurTragedy
Advertisement

MUST READ

Advertisement
[X] Close