Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

'அறுபத்து நான்கே விநாடிகள்தான்!'- வேதியியலில் அசத்திய ஏழு வயது சிறுமி

வேதியியல் மூலக்கூறுகளை ஒப்புவிப்பதில் சாதனை படைத்திருக்கிறார் சென்னையைச் சேர்ந்த ஏழு வயது சிறுமி நான்சி. 'அடுத்ததாக, கின்னஸ் சாதனைக்குத் தயாராக வேண்டும். மிகப் பெரிய ஆராய்ச்சியாளராக வேண்டும்' என உற்சாகத்தோடு பேசுகிறார் நான்சி. 

சாதனைச் சிறுமி

சென்னை, மாடம்பாக்கம் பகுதியைச் சேர்ந்த ஆரோக்கியராஜ்- லிசி பிரான்சிஸ் தம்பதியின் மகள் நான்சி. சேலையூரில் உள்ள தனியார் பள்ளியில் இரண்டாம் வகுப்பு படித்து வருகிறார். விளையாட்டு, படிப்பு என ஆர்வம் இருந்தாலும், வேதியியல் மூலக்கூறுகளை ஒப்புவிப்பதை பொழுதுபோக்காகவே மாற்றிக்கொண்டார். அண்மையில், வேதியியலில் உள்ள 118 மூலக்கூறுகளையும் வரிசை மாறாமல் 64 விநாடிகளில் ஒப்புவித்து ‘இந்தியன் புக் ஆஃப் ரெக்கார்ட்ஸ்’ சாதனைப் பட்டியலில் இடம்பிடித்திருக்கிறார். இதையடுத்து, பைபிளில் உள்ள பழைய ஏற்பாடு மற்றும் புதிய ஏற்பாடு ஆகியவற்றை ஒப்புவித்து சாதனை படைக்கும் முயற்சியில் இறங்கியிருக்கிறார். ‘கண்டுபிடிப்புகளும் விஞ்ஞானிகளும்’ என்ற தலைப்பின்கீழ் ஒப்புவித்து கின்னஸ் சாதனை செய்ய இருக்கிறார். இதற்கான அனுமதிக்காக நான்சி காத்திருக்கிறார்.

நான்சியின் தாயார் லிசியிடம் பேசினோம். " சிறு வயதிலிருந்தே மிகுந்த சுட்டியாக இருப்பாள். ஒருநாள் தற்செயலாக இயற்பியலில் உள்ள நியூட்டன் விதி உள்ளிட்ட முக்கிய விதிகளைப் பற்றிக் கூறும்போது, அதை உடனடியாகப் புரிந்துகொண்டு திருப்பிக் கூறினாள். இது எனக்கு ஆச்சரியத்தை அளித்தது. ஆனால், இயற்பியல் விதிகளைவிட வேதியியல் மூலக்கூறுகளை ஒப்புவிப்பது அவளுக்கு எளிதாகிவிட்டது. பள்ளி முடிந்து வீட்டுக்கு வந்ததும் வேதியியல் மூலக்கூறுகளைக் கூறுவதில் ஆர்வத்தைக் காட்டினாள். பள்ளி ஆசிரியைகளும் நான்சியை ஊக்கப்படுத்தினர். ‘இந்தியன் ரெக்கார்ட்ஸ்’-க்கான சாதனையை எளிதாகக் கடக்க முடிந்தது. கின்னஸிலும் நான்சி சாதனை படைப்பாள்" என்றார், உற்சாகத்தோடு. 

நான்சியோ, "என் அம்மா கொடுத்த பயிற்சிதான் காரணம். எதிர்காலத்தில் மிகப் பெரிய ஆராய்ச்சியாளராக வர வேண்டும்" என்றார் நம்பிக்கையோடு. 

Advertisement
Advertisement
Advertisement

எடிட்டர் சாய்ஸ்

“மாட்டின் மீதான அக்கறை, சிசுக்கள் மீது கிடையாதா?!” நெஞ்சு பொறுக்குதில்லையே #GorakhpurTragedy
Advertisement

MUST READ

Advertisement
[X] Close