Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

கால்பந்து உலகை மிரளவைக்கும் நெய்மர் விலை!

பார்சிலோனா அணிக்காக விளையாடி வந்த பிரேசில் வீரர் நெய்மரை ஒப்பந்தம் செய்ய பாரீஸ் செயின்ட் ஜெர்மைன் அணி 1,666 கோடி (buyout clause 198  மில்லியன் பவுண்ட்) வழங்கியுள்ளது. இந்தத் தொகையை ஏற்க லலீகா தரப்பு  மறுத்துள்ளது. ஃபிஃபா இந்த விஷயத்தில் தலையிட வேண்டுமென பி.எஸ்.ஜி அணி கோரிக்கை விடுத்துள்ளது. கால்பந்து உலகில் இதுதான் வீரர் ஒருவரின் டிரான்ஸ்பருக்காக வழங்கப்பட்ட அதிகப்பட்சத் தொகை இதுவாகும். ஐந்து ஆண்டுகளுக்காக இந்த ஒப்பந்தத்தில் நெய்மருக்கு வாரம் நாலரைக் கோடி சம்பளம் வழங்கப்படும். 

பி.எஸ்.ஜி அணியில் நெய்மர்

பி.எஸ்.ஜி கத்தார் நாட்டைச் சேர்ந்த தொழிலதிபர்  நாசர் அல் கெலஃபிக்குச் சொந்தமானது. 2011-ம் ஆண்டு இந்த அணியை வாங்கிய அவர் அதிகளவில் முதலீடு செய்து வருகிறார். ஸ்லாட்டன் இப்ரோஹிம்விச், எடிசன் கவானி, தியாகோ சில்வா, ஏஞ்சல் டி மரியா, ஜேவியர் பஸ்டர் போன்ற முன்னணி வீரர்களை வாங்கி பி.எஸ்.ஜி அணியைப் பலப்படுத்தி வந்தார். 

முன்னதாக நெய்மர் தரப்பிலிருந்து ஒருவர் மாட்ரிட்டில் உள்ள லா லீகா தலைமையகத்துக்கு டெபாஸிட் தொகை செலுத்த செக்குடன் வந்தார்.  ஆனால், லாலீகா தரப்பில் டெபாஸிட் தொகை ஏற்ப மறுக்கப்பட்டது. லா லீகா தலைவர் ஜேவியர் டேபாஸ் கூறுகையில் , ''buyout clause மற்றும் வீரருக்கான சம்பளம் எல்லாம் சேர்த்து இந்த ஒப்பந்தம் 450 மில்லியன் பவுண்ட் மதிப்பு கொண்டதாக இருக்கிறது. இவ்வளவு பணம் அந்த அணிக்கு எங்கேயிருந்து வருகிறது. பி.எஸ்.ஜி அணி நிதி முறைகேட்டில் ஈடுபடுகிறது'' எனக் குற்றம் சாட்டியுள்ளார். 

எனினும் நெய்மர் பி.எஸ்.ஜி அணியில் இணைவதில் உறுதியாக இருக்கிறார். அவருக்கு டீம் மேட் மெஸ்ஸி, சுவாரஸ் ஆகியோர் வாழ்த்து தெரிவித்துள்ளனர். 

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close