Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

பிரிட்ஜோ கொலை: விசாரணை அறிக்கையை ஆறு மாதங்களில் தாக்கல் செய்ய உத்தரவு!

 இலங்கைக் கடற்படையினரால் மீனவர் பிரிட்ஜோ சுட்டுக் கொல்லப்பட்ட சம்பவம் தொடர்பான விசாரணை அறிக்கையை  ஆறு மாதங்களில்  தாக்கல் செய்ய உயர் நீதிமன்ற மதுரைக் கிளை உத்தரவு பிறப்பித்துள்ளது

பிரிட்ஜோ
 

ராமநாதபுரத்தைச் சேர்ந்த ராஜு என்பவர்,  உயர் நீதிமன்ற மதுரைக் கிளையில் பொதுநலன் மனு ஒன்றைத் தாக்கல் செய்திருந்தார். அந்த மனுவில், 'மீனவர்கள்மீது தாக்குதல் நடத்துவது தொடர்ச்சியாக நடந்துவருகிறது. எந்த நடவடிக்கையாக இருப்பினும் இந்தியக் கடல் எல்லையில் மீன் பிடிக்கும் தமிழக மீனவர்களுக்கு உரிய பாதுகாப்பு வழங்க வேண்டும் என ஏற்கெனவே உயர் நீதிமன்றம் உத்தரவிட்டுள்ளது. ஆனாலும், இதுவரை தமிழக மீனவர்கள் 600 பேரை இலங்கைக் கடற்படையினர் சுட்டுக் கொன்றுள்ளனர். சில ஆண்டுகளுக்கு முன்பு கேரள கடல் பரப்பில் குமரி மீனவர்கள் இருவரை இத்தாலி வீரர்கள் சுட்டுக் கொன்றனர். அந்த இரு வீரர்களையும் கேரள போலீஸார் கைதுசெய்தனர். கொல்லப்பட்ட மீனவர்கள் குடும்பங்களுக்கு இத்தாலி அரசு தலா 1 கோடி இழப்பீடு வழங்கியது. ஆனால், இலங்கைக் கடற்படையினரால் சுட்டுக் கொல்லப்பட்ட பிரிட்ஜோ குடும்பத்துக்கு மாநில அரசு 5 லட்சம்தான் இழப்பீடு வழங்கியது. மத்திய அரசு சரியான இழப்பீடு வழங்கவில்லை' என மனுவில் கூறப்பட்டிருந்தது.

இந்த மனு இன்று நீதிபதிகள் சுந்தரேஷ், சதீஷ்குமார் அமர்வு முன்பாக விசாரணைக்கு வந்தது. அப்போது, மத்திய அரசுத் தரப்பில் ஆஜரான வழக்கறிஞர், சம்பவம் நிகழ்ந்த கடற்பகுதி எது என்பது குறித்து இன்னமும் கண்டறியப்படவில்லை. மாநில அரசே அதுகுறித்து கண்டறிய வேண்டும் என தெரிவித்தார். இதையடுத்து மாநில அரசுத் தரப்பில் ஆஜரான வழக்கறிஞர், ராமநாதபுரம் டி.எஸ்.பி ரவிக்குமார் இதுகுறித்து விசாரிக்கும் விசாரணை அதிகாரியாக நியமிக்கப்பட்டு விசாரணை நடைபெற்று வருவதாக தெரிவித்தார்.  இதை ஏற்ற நீதிபதிகள், விசாரணை அதிகாரி ரவிக்குமார், ஆறு மாதங்களில் மீனவர் பிரிட்ஜோ சுட்டுக் கொல்லப்பட்டது தொடர்பான விசாரணையை முடித்து, இறுதி விசாரணை அறிக்கையைத் தாக்கல் செய்ய உத்தரவிட்டார்.

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close