Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

இது நடக்கணும்... நடந்தே ஆகணும்!

ஃபாயில் போடுறது எப்படினு சொல்லித்தர்றதுக்கு கூட ஆப் இருக்கானு கேட்குற உலகம் இது. அந்த அளவிற்கு இந்த கால இளசுகளும் ஆப்ஸுகளும் நகமும் சதையும் போல, ஜாமுனும் ஜீராவும் போல வாழ்ந்துட்டு இருக்காங்க. இந்த ஜென் z தலைமுறை பெண்களுக்கு இருக்கும் பிரச்னைகளை தீர்க்க, இன்னும் பல ஆப்ஸ் தேவை மக்கா...! 

எனவே, பெண்களின் பொதுநலம் கருதி சில ஆப்ஸ்களுக்கு ஐடியா இங்கே...

’மூஞ்சியை கழுவு’ ஆப் :

நாள் முழுக்க 720 டிகிரிக்கு சுத்தி சுத்தி செல்ஃபி எடுத்து போட்டாலும் ஃபேஸ்புக்கில் நானூறு லைக்குக்கு மேல் தாண்டமாட்டேங்குதா? உங்களுக்காகவே இந்த மூஞ்சியை கழுவு ஆப். நீங்கள் ஒருநாள் முழுக்க எடுக்கும் செல்ஃபிகளை இதில் அப்லோட் செய்தால் போதும். அதுவே அவற்றில் கொஞ்சம் பார்க்குற மாதிரி இருக்கும் போட்டோவை செலக்ட் செய்து கொடுத்துடும். கூடவே, இந்த போட்டோவுக்கு எத்தனை லைக் வரும்னு குத்துமதிப்பா கணிச்சு உங்களை குதூகலப்படுத்தும். உங்க செல்ஃபி எதுமே சரியில்லைனா ‘அழுக்கு மூட்டை மீனாட்சி, மூஞ்சியை கழுவு மீனாட்சி’ என உங்களை அலார்ட் செய்யும்.

’படிக்காதவள்’ ஆப் :

க்ளாஸில் எடுக்கும் பாடங்களை நோட்ஸ் எடுத்து எடுத்து உங்கள் விரல்கள் நோவுதா? இந்தாங்கோ ‘படிக்காதவள்’ ஆப். நீங்க க்ளாஸில் இனி நோட்ஸ்லாம் எடுக்க வேண்டாம், இந்த ஆப்பை ஆன் செய்து உங்க டேபிளுக்கு கீழ வெச்சால் போதும் ( நீங்க வெச்சால் மட்டும் போதும் ) அதுவே ரெக்கார்டு ஆகி நோட்ஸ் எடுத்து கொடுத்துடும். அப்படியே புரொஃபஸர்கள் கேள்விகேட்டால், உங்களுக்கு பதிலும் சொல்லி கொடுத்துடும். சூப்பர்ல... இனி நீங்க ‘காதல் கொண்டேன்’ தனுஷ் மாதிரி க்ளாஸ்ல தூங்கினாலும், கேட்குற கேள்விக்கு கரெக்டா பதில் சொல்லலாம்.

’வெள்ளைசாமி பாட ஆரம்பிச்சுட்டான்’ ஆப் :

நைட் முழுக்க நைட் வாட்ச்மேன் மாதிரி முழிச்சுருந்து வாட்ஸ் அப்பே கதினு கிடந்து, காலாங்காத்தால ஆறு மணிக்கு கொட்டாவி விடும் தாய்குலங்களே... இந்த ஆப் உங்களுக்குதான். நேரங்கெட்ட நேரத்துல உங்களுக்கு தூக்கம் வந்தால் இந்த ஆப் ஆட்டோமேட்டிக்கா ஆன் ஆகி ‘கல்பனா அக்கா’ பாடிய பாடல்களை ப்ளே பண்ண ஆரம்பிச்சுடும். நைட் ஆனதும் எஸ்.ஏ.ராஜ்குமார், சிற்பி போன்றவர்களின் இசையால் உங்களை தாலாட்டி தூங்கவெச்சுடும். லாலாலலா...

’ஓவரா இருக்கா’ ஆப் :-

பொண்ணுங்க ஒரு பங்க்ஷனுக்கு எவ்ளோதான் சிக்கிரம் கிளம்பினாலும் கடைசி நேரத்துல ”மேக்கப் கொஞ்சம் ஓவரா இருக்கோ?”னு மனசுகுள்ள ஒரு ஹைப்போதெட்டிக்கல் கொஸ்டின் உருவாகும். லிப்ஸ்டிக் அதிகமாகிடுச்சோ? மஸ்காரா வேற கலர்ல போட்டிருக்கலாமோ?னு நீங்க கன்ஃப்யூஸ் ஆகவே வேணாம். உங்க குழப்பத்தை தீர்க்கதான் இந்த ஆப் ஐடியா. மேக்-அப் போட்டு முடிச்சதும் அதை போட்டோ எடுத்து இதுல அப்லோட் பண்ணா போதும். அதுவே எங்கெங்க மேக்கப் ஓவரா இருக்குனு கட்டம் போட்டு காமிச்சுடும். நீங்களும் உங்க ஃபிரண்ட்ஸ் கிட்ட "ஓவரா இருக்கா... ஓவரா இருக்கா?"னு கேட்டு அவங்களை கொலைவெறி ஆக்கவேண்டியதில்லை.

’யாருயா இவரு’ ஆப் :

ஃபேஸ்புக்கில் புதுசா ஒரு ஃபிரெண்ட்ஸ் ரிக்வஸ்டோ, மெசேஜோ வருதா? அது யார்... அது ஒரிஜினில் ஐடியா? ஃபேக் ஐடியா? என எல்லாத்தையும் அந்த ஐடியின் எஸ்.டி.டி முதற்கொண்டு டீடெயில்லா சொல்லிடும். இன்னும் ஒரு படி மேலே போய், மொக்கை போடும் ஐடிகளை அதுவே ப்ளாக் பண்ணி விட்டுடும். இந்த ஆப்ஸ் உண்மையிலேயே வரணும், பெண்களின் வாழ்வில் ஒளியேற்றனும்...

- லோ.சியாம் சுந்தர் -

மாணவப் பத்திரிகையாளர்

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close