Vikatan.com

www.vikatan.com would like to send you push notifications.

Notifications can be turned off anytime from browser settings.

பெண்களுக்கு மரியாதை... வரவிருக்கும் கூகுள் எமோஜிகள்!

து எமோஜிகளின் காலம். சிரிப்பது, அழுவது என்ற இரண்டு உணர்வுகள் தாண்டி காதல், கோபம், வருத்தம், குழப்பம் என அத்தனை உணர்ச்சிகளையும் ஸ்மைலிகள் என்னும் எமோஜிகள் பிரமாதமாகப் பேசுகின்றன. 
 
இந்நிலையில், பெண்களின் உரிமைக்கான குரலாகவும், வேலை என்பது பெண்களுக்கு அவசியம் என்பதை உணர்த்தும் வகையிலும் 13 புதிய எமோஜிகளை இவ்வருட இறுதியில் வெளியிட உள்ளது, பிரபல தேடுதல் வலைதளமான கூகுள்.
பெண்கள் என்றாலே ஆடை, மேக்கப் என்று அவர்களின் வெளித்தோற்றங்கள் மட்டுமே அடையாளமாக முன்னிறுத்தப்படுகின்றன. ஆனால், எல்லா துறைகளிலும் இன்று ஆளுமைகளாக அசத்திக்கொண்டிருக்கிறார்கள் பெண்கள். அவர்கள் வெற்றியை அங்கீகரிக்கவும், கௌரவிக்கவும் இந்த எமோஜிகள், ‘உழைக்கும் பெண்கள்’ என்ற குறியீட்டின் அடிப்படையில் வெளியாக உள்ளன என்று கூகுள் தெரிவித்துள்ளது.
 
உடல்நலம், அறிவியல், மருத்துவம், தொழில்நுட்பம், கல்வி, விவசாயம், உணவு, இசை உள்ளிட்ட 13 துறைகளில் பெண்களின் உருவமைப்புகளை இந்த எமோஜிகள் வெளிப்படுத்த உள்ளன. 
 
" பெண்கள் குறித்த பாசிட்டிவான முன்னெடுப்புகளை உலகுக்குத் தரவே இந்த புதிய எமோஜிகளை வடிவமைத்துள்ளோம். இது நிச்சயமாக சர்வதேச அளவில் அவர்களுக்கான மரியாதையில் நேர்மறை அலைகளை உருவாக்கும்" என்று இந்த எமோஜிகளை வடிவமைத்த கூகுளைச் சேர்ந்த நால்வர் அணி தெரிவித்துள்ளது.
 
இந்த வருடத்தின் இறுதியில் பெண்களுக்கு மரியாதை செய்யும் எமோஜிகள் பயன்பாட்டுக்கு வரும் என்றும் தெரிவித்துள்ளது கூகுள்.
 
பெண்மை போற்றுதும்!
 
- பா.விஜயலட்சுமி

எடிட்டர் சாய்ஸ்

MUST READ