Vikatan.com

www.vikatan.com would like to send you push notifications.

Notifications can be turned off anytime from browser settings.

கோ-எட் பள்ளி மாணவர்கள் நன்றாக படிக்கிறார்களா? - ஆய்வு சொல்லும் ஆச்சர்ய தகவல்!

தமிழகத்தில், ஆண்கள், பெண்கள் என தனித்தனியாக இயங்கும் பள்ளிகளில் படிக்கும் மாணவர்களைவிட, 'இருபாலர்'களும் படிக்கும் பள்ளி மாணவர்களே அதிக அளவில் தேர்ச்சி பெறுவதாக சொல்கிறது ஓர் ஆய்வு.

'ரிப்போர்ட் பீ' எனப்படும் தனியார் அமைப்பு, கல்வித் துறையில் பல்வேறு ஆய்வுகளை மேற்கொண்டு வருகிறது. கல்வி முறையில் செய்ய வேண்டிய மாற்றங்கள் குறித்து, பல்வேறு கல்வி நிறுவனங்களுக்கு ஆலோசனைகளை வழங்கி வருகிறது.

தமிழக அரசு நடத்தும், 10 வது மற்றும் பிளஸ் 2 தேர்வுகளில், கடந்த நான்கு ஆண்டுகளின் தேர்ச்சி விகிதங்கள் குறித்து, இந்த அமைப்பு ஆய்வு செய்தது. 2012 முதல் 2015 வரையிலான தேர்ச்சி விகிதங்கள் கணக்கில் எடுத்துக் கொள்ளப்பட்டன. இதில், 2015 ம் ஆண்டில், பிளஸ் 2 தேர்வை, 6,258 பள்ளிகளைச் சேர்ந்த மாணவர்கள் தேர்வு எழுதினார்கள்.

இதில் ஆண்கள் பள்ளிகளில் படித்த மாணவர்களின் தேர்ச்சி விகிதம், 59.8 சதவீதம். பெண்கள் பள்ளிகளில் படித்த மாணவியரின் தேர்ச்சி விகிதம், 66.2 சதவீதம். அதே நேரத்தில் இருபாலர் பள்ளிகளில் படித்த மாணவர்கள் தேர்ச்சி விகிதம், 63.6 சதவீதம். மாணவியரின் தேர்ச்சி விகிதம், 66.8 சதவீதம். பிளஸ் 2 தேர்வில், ஆண்கள் பள்ளியில் படித்த மாணவர்களைவிட, இருபாலின பள்ளியில் படித்த மாணவர்கள் தேர்ச்சி விகித வேறுபாடு, 5.3 சதவீதம் அதிகமாக உள்ளது.

அதே நேரத்தில் பெண்களிடம் இந்த வேறுபாடு வெறும், 0.6 சதவீதம் மட்டும்தானாம். கன்னியாகுமரி, திண்டுக்கல், நீலகிரி, நாமக்கல், திருச்சி, நாகப்பட்டினம் ஆகிய மாவட்டங்களில், இரு பாலின பள்ளியில் படித்தவர்களை விட, ஆண்களுக்கான பள்ளியில் படித்த மாணவர்களின் தேர்ச்சி அதிகமாக உள்ளது. இதற்கு காரணம் இந்த மாவட்டங்களில், கல்வியறிவு விகிதம் மிக அதிகமாக உள்ளதுதான். 

அதே சமயம் மன அழுத்தம், ஒழுக்கம், வேலைக்குச் செல்வது, கட்டமைப்பு, விடலைப் பருவம் ஆகிய காரணங்களால், மாணவர்களின் படிப்புத் திறன் வேறுபடக் கூடும் என்கிறது  இந்த ஆய்வு.

எடிட்டர் சாய்ஸ்