Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

'விண்ணைத் தாண்டி வருவாயா' த்ரிஷாவைத் தெரியும்... ஆயிஷாவைத் தெரியுமா?

           

வானில் ஏரோப்ளேன் பறக்கும் சத்தம் கேட்டால், குழந்தைகள் பூரிப்போடு வானை அண்ணாந்து பார்த்து ஆச்சர்யப்படுவதுண்டு. ஆயிஷா அசிஸ், அப்படி ஆச்சர்யப்பட்டதோடு நிறுத்திவிடவில்லை. தானும் ஒரு நாள் விண்ணைத் தொட்டு விமானம் ஓட்ட வேண்டும் என்று ஆசைப்பட்டாள். தன் கனவைப் பின்தொடர்ந்து ஓடினாள். 20 வயதான ஆயிஷா, இன்று இந்தியாவின் இளம் விமானி. காஷ்மீரின் முதல் பெண் விமானி! 

ஜம்மு காஷ்மீரின் பாரமுல்லா மாவட்டத்தைச் சேர்ந்தவர் ஆயிஷா. 17 வயதிலேயே ஒரு விமானத்தைச் செலுத்த உரிமம் பெற்ற முதல் காஷ்மீர் பெண். அவரது வெற்றிப் பயணம் அசாத்தியமானது. சிறு வயதிலேயே குடும்பத்துடன் மும்பைக்கு  வந்துவிட்ட ஆயிஷாவுக்கு, வருடத்துக்கு ஒன்றிரண்டு முறை மும்பையிலிருந்து காஷ்மீருக்கு ஏரோப்ளேனில் செல்லும் வாய்ப்புக் கிடைத்தது. அப்போது ஆயிஷாவின் சகோதரன் பயத்தில் தூங்க, அவரோ ஏரோப்ளேனின் ஒவ்வொரு அசைவையும் அனுபவித்து சிறுகச் சிறுக பறந்து விண்ணை தொடும் மகிழ்ச்சியை அனுபவிப்பார். தானும் ஒருநாள் இப்படி விமானம் ஓட்ட வேண்டும் என்ற ஆசை பிறந்தது அவருக்கு.

"வித்தியாசமாக ஏதாவது சாதிக்கும்போது மற்றவர்களுக்கு முன்னுதாரணமாக இருக்க முடியும்" என்று கூறும் ஆயிஷா, "பெண்கள்  செய்யக்கூடாத வேலைகளில் விமானி வேலையும் உள்ளது. அதனால்தான் அந்த வேலையை நான் தேர்ந்தெடுத்தேன்.

      

பன்னிரெண்டாம் வகுப்பு படிக்கும்போதே நாசாவில் நடத்தப்பட்ட விண்வெளி பயிற்சி முகாமில் பங்கேற்க இந்தியாவிலிருந்து ஆயிஷா தேர்வு செய்யப்பட்டார். பயிற்சி முகாமில் தனது ரோல் மாடலான சுனிதா வில்லியம்ஸை சந்திக்கும் வாய்ப்பு ஆயிஷாவுக்கு கிடைத்துள்ளது.

ஆயிஷா விமானி ஆக வேண்டும் என்ற உடனே அவரது பெற்றோர் மும்பையில் இயங்கும் விமான ஒட்டுனர் பயிற்சி வகுப்பில் சேர்த்துவிட்டார். அப்போது அவர் பத்தாம் வகுப்புதான். அந்த பயிற்சி வகுப்பில் 40 பேர் இருந்தார்கள். அதில் 18 வயது குறைவாக இருந்த ஒரே பெண் ஆயிஷாதான். மேலும் தன்னுடைய முதல் முயற்சிலே விமானிக்கான லைசென்ஸ் வாங்கினார்.

என்னை விமானி என்றவுடன் பலரும் என்னை ஆச்சர்யமாக பார்க்கிறார்கள். இதற்கு என்னுடைய வயது காரணமா அல்லது விமானி என்பதால் இந்த ஆச்சர்யமா என்பது தெரியவில்லை. விமானம் ஒட்டும் போதும் பயமாக இல்லையா என்று கேட்கிறார்கள். சாவு என்பது எப்போது வேண்டுமானாலும் வரும். அதை கண்டு பயந்து விட கூடாது" என்கிறார்.


வாழ்த்துக்கள்  ஆயிஷா...!

கோ. இராகவிஜயா
(மாணவப் பத்திரிகையாளர்)

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close