Vikatan.com

www.vikatan.com would like to send you push notifications.

Notifications can be turned off anytime from browser settings.

ரயிலில் தனியே பயணிக்கும் பெண்களுக்கு 10 டிப்ஸ்கள்

 

1.நீங்கள் தனியாக ரயிலில் பயணம் செய்யத் திட்டமிட்டால், டிக்கெட் முன்பதிவின்போதே பெண்களுக்கான இடஒதுக்கீட்டில் டிக்கெட் புக் செய்யுங்கள்.

2. ஏற்கனவே எந்தத் திட்டமிடாமல் இல்லாமல் அவசரமாக பயணம் செய்யும்போது, முன்பதிவில்லாத பெட்டியில் பயணம் செய்ய நேரிடும். அப்படிப்பட்ட சூழலில்கூட பெண்களுக்கென ஒதுக்கப்பட்ட பிரத்தியேக பெட்டியில் பயணம் செய்யலாம்.

3. படுக்கை வசதியுடன் டிக்கெட் முன்பதிவின்போது அப்பர் பெர்த் எனும் மேல்வரிசை படுக்கையினைத் தேர்வு செய்யலாம். இது தனியாக  செல்லும் ரயிலில் செல்லும்பெண்கள் வசதியாகவும், பாதுகாப்பாகவும், பயணம் செய்ய உகந்ததாகும்.

4. நீங்கள் தனியாக பயணம் செய்யும் போது, உங்களுடன் பயணிப்பவர்களுடன் அதிகம் பேசுவதைத் தவிர்த்துவிடுங்கள். பேசியே ஆக வேண்டிய சூழல் ஏற்பட்டால் உங்களைப் பற்றிய எல்லா தகவலையும் அவர்களிடம் கூறாமல், ஓரிரு வார்த்தைகளில் பதில் சொல்லவும். உங்கள் தனிப்பட்ட விபரங்கள், முகவரிகள், தொடர்பு எண்கள் ஆகியவற்றை ஒருபோதும் எவரிடமும் பகிராதீர்கள்.

5. ரயில் பயணத்தின்போது செல்போனில் பேசநேர்ந்தால் மிக மெதுவாக அடுத்தவருக்கு கேட்காதவண்ணம் பேசவும். நீங்கள் சப்தமாக பேசினால் அதிலிருந்து அவர்கள் உங்களைப்பற்றி தகவல்களை தெரிந்து கொள்ளநேரிடும்.இவை தேவையில்லாத பிரச்சணைகளுக்கு ஆரம்பமாக அமையலாம்.

6. எந்த ஒரு சூழ்நிலையிலும் நீங்கள் அசௌகரியமாக உணர்ந்தால் உடனடியாக டிக்கெட் பரிசோதகரை அணுகி புகார் செய்யவும். மிகவும் அவசரம் என்றால் அந்த இடத்தைவிட்டு உடனே நகர்ந்துவிடவும்.

7. ரயிலில் பயணம் செய்ய தேவையான முகவரிச்சான்று இருக்கிறதா என்பதை ஒரு முறை செக் செய்து கொள்வது அவசியம். அப்படி நீங்கள் மறந்து விட்ட சூழலிலும் டிக்கெட் பரிசோதகரிடம் தகவலைத் தெரிவித்து அதற்கான கட்டணத்தை கட்டவும். பதற்றத்தில் மற்றவர்களிடம் உதவியை நாடி சிக்கலில் மாட்டிக்கொள்ளாதீர்கள்.

8. நீங்கள் கொண்டு செல்லும் பொருட்களைப் பத்திரமாக கையாளுங்கள்.மற்றவர்காளின் முன்னிலையில் உங்கள் பைகளை திறந்து மூடுவதை தவிர்ப்பது நல்லது.

9.. கண்ணுக்கு உறுத்திடாத சாதாரண உடைகளை அணியுங்கள்.

10. அதிக ஆபரணங்கள், விலை உயர்ந்த பொருட்களை எடுத்துச் செல்வது, அணிந்து கொள்வதைத் தனியே பயணம் செய்யும் பெண்கள் தவிர்த்து விடுங்கள்.

 - இரா.சுப்பிரமணியன்.

 

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

எடிட்டர் சாய்ஸ்

பரப்பன அக்ரஹாரா சிறை முதல் அப்போலோ அறை வரை...! - ஜெயலலிதாவின் இரண்டு வருட டைம்லைன் #2YearsOfBangaloreVerdict
placeholder

தமிழகமே எதிர்பார்த்துக்கொண்டிருந்த வழக்கில், இரண்டு ஆண்டுகளுக்கு முன் இதே நாளில்தான் தீர்ப்பு வந்தது. வருமானத்துக்கு அதிகமாகச் சொத்து சேர்த்ததாகத் தொடரப்பட்ட அந்த வழக்கில், அ.தி.மு.க பொதுச் செயலாளர் ஜெயலலிதாவுக்கு, நான்கு ஆண்டுகள் சிறைத் தண்டனையும், 100 கோடி ரூபாய் அபராதமும் விதித்து, பெங்களூரு சிறப்பு நீதிமன்றம் தீர்ப்பு அளித்தது. தீர்ப்பு வந்து 731 நாட்கள் ஆகிவிட்டன. அந்த வழக்கிலிருந்து அவர் விடுதலையும் செய்யப்பட்டு, அதன்பின் ஒரு பொதுத் தேர்தலில் மீண்டும் வென்று முதல்வராகவும் பொறுப்பேற்றுவிட்டார். எல்லாம் அவருக்கு நன்றாகப் போய்க்கொண்டிருந்தபோது, ஒரு வியாழக்கிழமை இரவு உடல்நிலை சுகவீனம் அடைந்து அப்போலோவில் அனுமதிக்கப்பட்டார்.

MUST READ