Vikatan.com

www.vikatan.com would like to send you push notifications.

Notifications can be turned off anytime from browser settings.

இணையத்தை கலக்கும் சேலை டிரெண்ட்! #100SareeDays

சேலை

தினம் தினம் புதுப்புது விஷயங்கள் வந்து இணையவாசிகளுக்கு தீனி போடுவது வாடிக்கை ஆகிவிட்டது. அமெரிக்க அழகிகள் தொடங்கி அமைந்தகரை அநியாயம் வரை எல்லாவற்றுக்கும் ஹேஷ்டேக் போட்டு கொண்டாடியும், கேள்விகள் கேட்டும் வருகிறார்கள் நெட்டிசன்ஸ். அப்படி சமீபத்தில் வைரல் ஆன விஷயம் #100sareedays. ”நம் அம்மாக்கள் 365 நாட்களும் சேலை அணிகிறார்கள். நாம் ஏன் அணியக்கூடாது” என்ற கேள்வியுடனும், பெண்களிடையே சேலையை பற்றிய ஆர்வத்தை தூண்டுவதற்காகவும் ஆரம்பிக்கப்பட்டதுதான் #100sareedays. தினம் தினம் ஒரு சேலை அணிந்து அந்த படத்தை இந்த ஹேஷ்டேகில் ஷேர் செய்ய வேண்டும் என்பதுதான் இதன் கலாசாராம்.

இதில் அதிரிபுதிரி ஹிட் அடித்து இணைய பிரபலம் ஆகியிருக்கிறார் ஐஷ்வர்யா. தொலைகாட்சிகளில் செய்தி வாசிப்பாளராக இருந்த ஐஷ்வர்யாவை, இன்னும் அதிகமானோர்க்கு தெரிய வைத்தது சேலை டிரெண்ட் தான். 50 நாட்களுக்கும் மேலாக தினம் ஒரு சேலை என படங்களும், அதைப்  பற்றிய தகவல்களையும் ஷேர் செய்து வருகிறார். ட்விட்டர், ஃபேஸ்புக் என தினமும் இவரது புதிய படத்துக்காக காத்திருப்பவர்களின் எண்ணிக்கை ஆயிரங்களில் இருக்கிறது. அவரது சேலையை பற்றி பெண்கள் பேசி தீர்க்கிறார்கள்.

முதல் 50 நாட்கள் அவர் சமூக வலைதளங்களில் பகிர்ந்த படங்களின் தொகுப்பைக் காண இங்கே க்ளிக் செய்யவும்

Pic courtesy: https://twitter.com/Aishwarya12dec

தொகுப்பு : கார்க்கிபவா

 

 

எடிட்டர் சாய்ஸ்

MUST READ