Vikatan.com

www.vikatan.com would like to send you push notifications.

Notifications can be turned off anytime from browser settings.

பெண்களைக் கொல்லும் ஆயுதமாகிறதா... காதல்!

காதல்

தேனி மாவட்டம், ஆண்டிப்பட்டி அருகே உள்ள ராஜகோபாலன் பட்டியில் 10-ம் வகுப்புப் படிக்கும் மாணவி விஜி (பெயர் மாற்றப்பட்டுள்ளது). அவர் பள்ளி சென்றுகொண்டிருந்தபோது, கல்லூரி மாணவர் நவின்குமார் அவரை கத்தியால் குத்திவிட்டு தப்பியோடிவிட்டார். காரணம்..?! ஆம்... அது நமக்குச் சுலபமான யூகம்தான். ஒருதலை காதல். விஜி, நவின்குமாரைக் காதலிக்க மறுத்ததால் நடந்த விபரீதம் இது.

என்ன கொடுமை இது? மனம் கொதிக்கிறது. பெண் பிள்ளைகள் உள்ள வீடுகளில் எல்லாம் இதுபோன்ற செய்திகள் தரும் கலக்கம், மிக அதிகம். காதல் என்பது உன்னதமான ஓர் உணர்வு. ஆனால் இன்றோ காதலெனும் பெயரில் கொலைவெறி கோரத் தாண்டவமாடும் இதுபோன்ற விபரீதங்கள் தொடர்கதை ஆகிக்கொண்டிருக்கின்றன. மனநோய் பீடித்த சிலரின் வெறியாட்டம் இது என்று அசட்டை செய்ய இயலவில்லை. காரணம், கொலையாளிகள் அனைவருமே ஏதோ ஒரு குடும்பத்தின் நம்பிக்கையாக இருந்த, அவர்கள் நம்பி வளர்த்த பிள்ளைகள்தான்.

தூத்துக்குடி சர்ச் ஒன்றில் பிரான்சினா என்ற இளம் ஆசிரியை அவர் மீது காதல் கொண்ட வெறியனின் கத்திக்கு இரையானார். சோனாலி என்ற மாணவி அவர் மீது காதல் கொண்ட சக மாணவனால் கல்லூரி வளாகத்தில் கட்டையால் அடித்துக் கொல்லப்பட்டார். 17 வயது நவீனா, தன்னைப் பல மாதங்கள் தொடர்ந்துவந்து தொல்லை கொடுத்த 34 வயது நபரால் நெருப்புக்கு இரையாக்கப்பட்டார். முகநூலில் அறிமுகமான முகமறியாத நபர் ஒருவர் ஊர்விட்டு ஊர் வந்து பெண்ணைத் தாக்கிய கொடுமையும் செய்தியாக அறிந்தோம். இந்தக் குரூர நிகழ்ச்சிகளுக்குச் சிகரம், ஸ்வாதி என்ற இளம் பெண் சென்னை ரயில் நிலையத்தில் பட்டப்பகலில் பலர் நடுவே அரிவாளுக்குப் பலியானது. இந்த வாரம், விஜி!

ஒரு கையில் காதல் கடிதமும் மறு கையில் அரிவாளும், ஆசிட் குப்பியும் ஏந்தி வருகிறது இன்றைய பயங்கரவாதக் காதல். இதை  தொலைக்காட்சிகளும், சினிமாவும் உசுப்பேற்றுகின்றன. ஒரு பெண்ணைத் தொடர்ந்து வந்து வம்பு செய்வது காதல் என்ற ஒரு கோட்பாடே பூதாகாரமாக உருவெடுத்திருக்கிறது.

'உன்னைப் பாக்கவே பிடிக்கல' என்று விலகும் பெண்ணிடம், 'என்னப் பாக்கப் பாக்கத்தான் புடிக்கும்' என்று வசனம் சொல்லும் கதாநாயகர்களை உருவாக்கியவர்கள், இப்போது, 'உனக்குப் பிடித்திருக்கிறதா? நிச்சயமான பெண்ணையும் துரத்தித் துரத்திக் காதலிக்கலாம். அவளை உன்னைக் காதலிக்க வைக்கலாம்' என்ற புது நியாயம் சொல்கிறார்கள்.

இப்போது நடைபெறும் மெகா சீரியல் ஒன்றில் கொண்டை போட்ட இளம் வில்லன் ஒருவன் தான் அடைய விரும்பும் பெண்ணைத் தாக்கிக் கைகால்களைக் கட்டிப் போட்டுக் கள்ளிப் பெட்டியில் அடைத்துக் கடத்தி வந்து மிரட்டுகிறான்.

'என்னைக் காதலிக்க மறுத்தால் உன்னை என்ன செய்கிறேன் பார்...' என்ற மிரட்டல் யாரிடமிருந்து எப்போது வரும் என்று பெண்களும் பெற்றோர்களும் பதைக்கும் நிலை இன்று.

சமீபத்தில் தொலைக்காட்சி விவாதம் ஒன்றில்... ஒரு புறம் இளைஞர்கள், இன்னொரு புறம் இளம் பெண்கள். பெண்களை ஆண்கள் காதல் என்ற பெயரில் விடாப்பிடியாகத் தொடர்வதும், தொந்தரவு செய்வதும் தவறாகுமா என்பதுதான் நடுவரின் கேள்வி. 'முதலில் பிடிக்கவில்லை என்று சொன்ன பெண்ணின் மனம் மாறி அந்த ஆணை ஏற்றுக் கொள்ளும் சாத்தியம் இருக்கிறதா?' என்று நடுவர் போட்ட கிடுக்கிப் பிடியில் மிரண்டு போய் ஓரிரு பெண்கள் 'இருக்கிறது' என்று தயங்கிச் சொல்லும் நிலைக்குத் தள்ளப்பட்டனர்.

காதல் என்ற பெயரில் துரத்துவதையும், தொடர்வதையும், தொல்லை கொடுப்பதையும் ஆதரித்து வக்காலத்து வாங்க திரைப்பாடல் ஆசிரியர் ஒருவரும் இயக்குநர் ஒருவரும் அங்கே வரவழைக்கப்பட்டிருந்தனர். முத்தாய்ப்பாக மூன்று இளம் தம்பதியர் வந்தனர். முதலில் காதலை ஏற்க மறுத்த பெண்ணே மனம் மாறித் தன்னைத் தொடர்ந்த ஆணை மணந்து கொண்ட சுயசரிதைகளைச் சொன்னார்கள்.

அங்கு அழைக்கப்பட்டு வந்தவர்கள் ஆசிட் தாக்குதலுக்கு இரையான பெண்களாகவோ அல்லது கொலை செய்யப்பட்ட பெண்களின் பெற்றோராகவோ இருந்திருந்தால், இப்படிப்பட்ட அபத்தமான கோணத்தில் அந்த வாதத்தை எடுத்துச் சென்றிருக்க முடியுமா?

காண்பதும், கேட்பதும், படிப்பதும் மக்களிடையே எத்தகைய விளைவுகளைத் தூண்டும் என்பதை உணர்ந்து ஊடகங்கள் பொறுப்போடு செயல்படுவது அவசியம். காதல் என்பது கலர் பார்ப்பதும், ஃபிகர் பார்ப்பதும், கலாய்ப்பதும், கடலை போடுவதும் என்று நினைப்பது விடலைப் பருவத்தின் விளையாட்டு. அது கொலை வரை நீடித்தால் அது மனநோய். அந்த நோய் வராமல் தடுக்கவும், வந்தால் எப்படி அதைக் குணப்படுத்துவது என்று ஆராய்வதும்தான் அவசரத் தேவை.

எல்லாவற்றுக்கும் மேலாக, குடும்பங்களில் இருந்து ஊடகங்கள்வரை பெண்ணுக்குத் தர வேண்டிய மரியாதை, பாதுகாப்பு குறித்து  ஆண்களிடம் சொல்லவேண்டியதே காலத்தின் தேவை.  காதல் என்ற பெயரில் தன்னைத் தொடரும் நபர் பற்றிப் பெண்கள் யாரிடம் புகார் தெரிவிப்பது, அதற்கான தொடர்பு எண்கள் என்ன, அதன் மீது எடுக்கப்படும் நடவடிக்கைகள், புகார் அளிக்கும் பெண்ணின் விபரம் குறித்து காக்கப்படும் ரகசியம் உள்ளிட்டவற்றைப் பற்றி பேச வேண்டும். ஒருதலைக் காதல், காதல் தோல்வி என்றிருக்கும் ஆணை மனோதத்துவ ஆலோசனை மையங்களுக்கு அழைத்துச் செல்வது, அவர்களைக் கண்காணிப்பில் வைப்பது உள்ளிட்ட ஏற்பாடுகள் பற்றி விவாதிக்கலாம். ஆபத்தான சூழலை எதிர்கொள்ளவது பற்றிய கற்பிக்கலாம்.

அமெரிக்காவில், ஆபத்தில் இருக்கும் ஒரு பெண் 911 என்ற எண்ணுக்கு போன் செய்தால் சைரன் கூவலுடன் மூன்று நிமிடங்களுக்குள் போலீஸூம் தீயணைக்கும் படையும் வந்துவிடும். பெண்கள் பாதுகாப்புக்கென அழைக்க நம் ஊரில் உள்ள எண்கள் பெயரளவில் மட்டும் இல்லாமல், உடனே வந்து உதவும் பறக்கும் படை தேவை.

ஒவ்வொரு ஊரிலும், தெருவிலும். கண்ணியமும், தீரமும் வாய்ந்த ஆண்கள் அணி திரண்ட ஸ்வாதிப் படை ஒன்று உருவாகவேண்டும். சுற்றியுள்ள பெண்களின் உடலுக்கும், உயிருக்கும் பாதுகாப்புத் தரும் மக்கள் படையாக அது செயல்பட்டால் சமூகத்தில் பரவி வரும் இந்தக் காதல்வெறி வைரஸின் தாக்குதலிலிருந்து பெண்கள் காப்பாற்றப்படலாம். அந்த வைரஸினால் புத்தி கலங்காமல் ஆண்களும் காப்பாற்றப்படலாம்.

 - சுஜாதா விஜயராகவன்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ