Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

டீன் ஏஜில் ஏற்படும் 10 மாற்றங்களும் அதன் தீர்வுகளும்!

டீன் ஏஜ்

''ஒவ்வொருவரின் வாழ்க்கையிலும் முக்கியமான பகுதி, டீன் ஏஜ் பருவம். இது சந்தோஷமான காலம் மட்டுமல்லாமல், சிக்கலான காலமும்கூட. எப்படி?

10-ம் வகுப்புக்கு மேல், ஒவ்வொரு மாணவரும் தன் வாழ்க்கைக்கான கல்வியைத் தேர்ந்தெடுக்கவும், நன்றாகப் படித்து, அதிக மதிப்பெண்களைப் பெறவேண்டும் என்ற அவசியமும் உண்டாகிறது. இதே காலத்தில் ஆண், பெண் இரு பாலரின் உடல்ரீதியான மாற்றத்தினால், வெளியில் சொல்ல முடியாத உணர்வுகளை மனம் கூடுகட்டத்தொடங்கிவிடும். சிலரிடம் மட்டும் அதிக அன்பு தோன்றும். இவை மட்டுமல்லாமல், இத்தனை காலம் ஒன்றாகப் படித்தவர்கள்... ஆண்டுத் தேர்வு முடிந்ததும் பிரியப்போகிறோமே என்கிற கவலையும், நட்பைப் பலப்படுத்தவேண்டும் என்ற ஆவலும் தோன்றும். இந்தப் புயலில் பத்திரமாகக் கரை சேர்ந்துவிட்டால், வெற்றி பெறலாம். இதற்கு, பெற்றோர்களின் அணுகுமுறையும் நல்ல சூழ்நிலையும் அமையவேண்டும்'' என்கிறார், சர்வதேச மனிதவள மேம்பாட்டுப் பயிற்சியாளர் மற்றும் 'பேஸ்' மேலாண்மை நிறுவன இயக்குநர் வெ.இராமன்.

டீன் ஏஜ் வயதில் உண்டாகும் மாற்றங்கள்:

1. ஆண், பெண் இரு பாலரிடத்தும் ஏற்படும் உடல்ரீதியான மாற்றங்கள்
2. எதிலும் ஈடுபாடற்ற மனநிலை
3. பெற்றோர்களிடம் அதிக இடைவெளி உண்டாக்குதல்
4. நண்பர்களிடம் அதிகநேரம் உரையாட விரும்புதல்
5. புதிதாக ஏதேனும் செய்ய விரும்புதல்
6. தானே முடிவு செய்ய நினைப்பது
7. அலைபாயும் மனது
8. தனி அங்கீகாரம் எதிர்பார்க்கும்
9. கட்டுப்பாடுகளிலிலிருந்து வெளிவர நினைத்தல்
10. தனிமையை விரும்புதல்

தீர்வுகள்:

1. தன் மகனோ, மகளோ இன்னும் சிறு குழந்தைகள் இல்லை என்பதை முதலில் புரிந்துகொள்ள வேண்டும்.
2. கம்ப்யூட்டர், செல்போன்  போன்ற அத்தியாவசிய கருவிகளைத் தேவையான அளவுக்கு பயன்படுத்துவதும், அதன் மூலம் அறியப்படும் ஃபேஸ்புக், டிவிட்டர் போன்ற தனிமையில் சந்தோஷம் தருபவைகளிலிருந்து விலகியிருப்பதும் நல்லது.
3. பிடித்த டிரெஸ்ஸை வாங்குவதற்கும் பிடித்த சினிமாவைப் பார்ப்பதற்கும், பாடல்களைக் கேட்பதற்கும் தடைவிதிக்காமல், அதன் நன்மை, தீமையைப் பக்குவமாக உணரச் செய்யலாம்.
4. பெற்றோர்களின் ஐடியாவைப் பிள்ளைகளின் ஐடியாவாக மாற்றலாம்.
5. பிள்ளைகளிடம் அதிகாரியைப்போல எப்போதும் நடந்துகொள்ளாமல் நண்பனாக, தோழியாக இருப்பதே நல்லது. அப்போதுதான் அவர்கள் மனதில் உள்ளதை வெளிப்படையாகச் சொல்வார்கள்.
6. சந்தேகப்படுவதை விட்டுவிட்டு, பிள்ளைகள்மீது நம்பிக்கை வைக்க வேண்டும்.
7. பெற்றோர்களைப்போலவே பிள்ளைகளும் இருக்க வேண்டும் என நினைக்கக்கூடாது.
8. பிள்ளைகளுக்கும் பொறுப்புகள் உள்ளது என்பதை பெற்றோர்கள்  உணரவைக்கலாம்.
9. நிகழ்ச்சிகளுக்குச் செல்லும்போது குழந்தைகளை அழைத்துச் செல்வது அவசியம். மற்றவர்களிடம் அறிமுகப்படுத்தவும், அவர்கள் உயர்வாகக் கருதும்படிப் பேசுவதும் முக்கியம்.
10. ஏதாவது ஒரு விளையாட்டில் ஈடுபட வைத்தால், அதில் கற்றுக்கொள்ளும் ரூல்ஸ்  இவர்களை முறைப்படுத்தும்.

இவற்றையெல்லாம் சட்டமாக இல்லாமல் அன்பாக வெளிப்படுத்தினால், குழந்தைகள் பெற்றோர்களை நம்புவார்கள். சிக்கலின்றி டீன் ஏன் பருவத்தைக் கடப்பார்கள்.

- கே.ஆர்.ராஜமாணிக்கம்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close