Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

”நான் ஏன் ஷேவ் பண்ணிக்கணும்?” அதிர வைக்கும் பெண்ணின் வைரல் வீடியோ #ViralVideo

ஷேவ்

பெண்கள்  தங்களை  அழகுப்படுத்திகொள்வது என்பது ஆதிகாலத்தில் இருந்தே நடைமுறையில் இருக்கும் விஷயம்!  ஒரு காலத்தில்,  நீளமான கூந்தல் வளர்க்கும் பெண்களுக்கு சமூகத்தில்  தனிமரியாதை  இருந்தது.  ஆனால், பெண்கள் வேலைக்குச் செல்ல ஆரம்பித்த காலத்தில், பராமரிக்க கடினமாக இருந்ததால், கூந்தலை குட்டையாக வெட்டிக்கொண்டார்கள்.  

தங்களை பராமரிக்க பெண்கள் எடுத்துக் கொள்ளும் சிரத்தையில் ஒன்றுதான் ஷேவிங். கைகாலில் ஆரம்பித்து அந்தரங்க உறுப்பு வரை தேவையில்லாதவை என்று கருதப்படும் ரோமங்களை ஷேவிங் செய்து கொள்வது என்பது பேஷனாக அல்லாமல் சுத்தத்தின் வெளிப்பாடாக நினைக்கிறார்கள் பெண்கள். 


அப்படி ரோமங்கள் அகற்றப்படுவது என்பது அதிக நேரம் பிடிக்கும் காரியங்களில் ஒன்றாகிப் போகிறது. சிலருக்கு அவை தினமும் செய்யப்படும் வேலைகளில் ஒன்றாகும். சுத்தத்துக்காக என்றாலும் இத்தனை நேரம் பிடிக்கும் ஒரு காரியத்தை செய்ய சலிப்படையும் பெண்கள் நாடுவது அழகு நிலையத்தை! ஆனால் 'ஏன் ஷேவ் பண்ணிக்கணும்' என்கிற கேள்வியோடு தன் உடலில் உள்ள ரோமங்களை ஷேவ் செய்யாமல் தான் ரசிப்பதை பற்றி பேசிய பெண்ணின் வீடியோ வைரலாகியிருக்கிறது.


அமெரிக்காவைச் சேர்ந்த மோர்கன் மைக்னஸ் (Morgan Mikenas) என்ற ஒரு பெண் உடற்பயிற்சியாளர், உடலில் ரோமங்களை  ஒரு வருட காலமாக  அகற்றாமல் வைத்திருக்கிறார். இதற்கான  காரணங்களை,  அவர் வீடியோ பதிவாக, “யூடியூப்” வலைதளத்தில் வெளியிட்டிருப்பது  பெரும் வரவேற்பைப் பெற்றுள்ளது.

ஷேவ்

”ஓய் ஐ டொண்ட் ஷேவ்” (Why I dont shave) என்ற  பெயரில் வெளியிட்டிருக்கும் வீடியோவில் கூறியிருப்பது இவைதான்...

”நான் என் உடலில் இருக்கும் ரோமங்களை அகற்றுவதை நிறுத்தியதற்கு முதல் காரணம், இதை செய்வதால் எனக்கு  அதிக நேரம் விரயம் ஆகிறது. குளியலறைக்கு சென்று, என் உடலில் உள்ள ரோமங்களை அகற்றி,  தலைக்கு குளித்து, அதன்பிறகு உடம்புக்கு குளித்து... என பல மணி நேரம் பிடிக்கிறது. 

ஒரு நாள் “நாம் ஏன் இதனை செய்துகொண்டு இருக்கிறோம். இதனை செய்வதால், எவ்வளவு நேரம் விரயம் ஆகிறது என்று தோன்றியது. முன்பெல்லாம் என் உடம்பில் இருந்த ரோமங்களை அகற்றாவிட்டால், என் உடலெல்லாம் அழுக்காக இருப்பது போல, அருவெறுப்பாக உணர்வேன். அதனால் நேரம் கிடைக்கும் போதெல்லாம் அடிக்கடி உடல் ரோமங்களை நீக்கி சுத்தமாக வைத்துக்கொள்வேன்.


தொடர்ந்து இதையே செய்து கொண்டிருந்த போது ஒருநாள் ரோமங்களை அகற்றாமல் அப்படியே விட்டால் என்ன என்று தோன்றியது. நிதானமாக சிந்தித்து பிறகு முடிவெடுத்தேன் 'என் உடலில் ரோமங்கள் எப்படி வளர்கிறதோ, அப்படியே வளரட்டும். இதில்  வெட்கப்படவோ அவமானப்படவோ ஒன்றுமில்லை. என் இயற்கையான அழகை பாதுகாக்க விரும்புகிறேன்.

இதற்கு  மற்றொரு காரணம், ரோமங்களை ‘ஷேவ்’ செய்யும்போது, அரிப்பு, ஊசி குத்துவது போன்ற உணர்வு, ஒருவிதமான  அசெளகரியத்தை உணர்ந்தேன். இப்போது ஷேவ் செய்யாத என் உடலில் ரோமங்கள் அடர்ந்து இருப்பது எனக்கு மிகவும் செளகர்யமாக இருக்கிறது. நான் இப்படி இருப்பது என் காதலனுக்கு பிடித்திருக்கிறது. என் இயற்கை  அழகை அவர் ரசிக்கிறார். 

மேலும்,  என்னைப்போல் எல்லோரும் அக்குள் மற்றும் காலில் ரோமங்களை அகற்றாமல்  இருக்கவேண்டும் என்று சொல்லவில்லை. என்னை  பொறுத்தவரையில் 'உங்களுக்கு எது செளகரியமாக இருக்கிறதோ அதையே பின்பற்றுங்கள் என்றுதான் கூறுகிறேன் ” என்று மோர்கன் பேசியிருக்கிறார். . 

தனது ‘இன்ஸ்டாகிராம்’ பக்கத்தில், கிட்டதட்ட 15000 ரசிகர்களை கொண்டிருக்கும்  மோர்கன், வித்தியாசமாகவும் வெளிப்படையாகவும்  கூறிய கருத்துகளுக்கு மேலும்  ‘லைக்ஸ்’ அள்ளியிருக்கிறார்.  

மோர்கன் மைக்னஸின் வீடியோ பதிவை பார்க்க: 

 

 

 

- எம்.ஆர்.ஷோபனா

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close