Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

பீட்சா, கேக்... மினியேச்சர் ஆர்ட்டில் கலக்கும் பல் மருத்துவர் கிரித்திகா!

மினியேச்சர்

சித்திரமும் கைப்பழக்கம்” என்கிற பழமொழிகளுக்கேற்ப தன் சிறுவயதில் மினியேச்சர் பொருட்களின் மீது ஏற்பட்ட ஆர்வத்தை விடாமல் தொடர்ந்து வருகிறார் பல் மருத்துவரான கிரித்திகா பிரியதர்ஷினி. பென்சில் லெட் ஆர்ட், மெழுகு ஆர்ட், பேப்பர் டால், டாய் க்ளே என்று கலைகளில் அசத்துகிறார் இந்த மருத்துவர்

''என்னுடைய அம்மா சேலையில் எம்பிராய்டரிங் பண்ணுவாங்க. சின்ன வயசுல அம்மா பக்கத்துல உட்கார்ந்து அவங்க பண்ணறதை பாத்துட்டே இருப்பேன். அவங்க இல்லாதப்ப நானே எதையாவது செஞ்சு வீட்டை ரணக்களமாக்குவேன். ஆனா வீட்டுல யாரும் திட்டினதுகூட இல்ல. புள்ள எதோ விளையாடிட்டு இருக்கானு கண்டுக்காம விட்டிருவாங்க. அதுதான் என்னை இந்தளவுக்கு வளர்த்திருக்குனு நினைக்கிறேன். நான் மூணாவது படிக்கிறப்ப ஆரம்பிச்ச பயணம் இப்ப பல் மருத்துவரான பிறகும் தொடருது. வீட்டை விட்டு வெளிய கிளம்பினாலே நான் பார்க்கிற பொருட்களை எல்லாம் எப்படி வடிமைச்சிருப்பாங்கனு யோசிப்பேன். அதை வீட்டுக்கு வந்த பிறகு அப்படியே வடிவமைச்சு பார்ப்பேன்.

மினியேச்சர்

 

மினியேச்சர் மைக்ரோ ஆர்ட், பென்சில் லெட் ஆர்ட், மெழுகு சிலை ஆர்ட், பேப்பர் டால், டாய் க்ளேனு பல வகைகள்ல மினியேச்சர்கள் செய்வேன். இதுக்கான கிளாஸ் எங்க எடுக்கிறாங்கனு கேள்விப்பட்டு சென்னை, மும்பைனு பல இடங்களுக்குப் போய் பயிற்சி எடுத்துகிட்டேன்.

மினியேச்சர்


கிளாஸ்ல கத்துகிடுறதை வீட்ல வந்து செய்து பார்க்கிறப்ப பல பென்சில், மெழுகுனு வேஸ்ட் பண்ணியிருக்கேன். இருந்தாலும் விக்ரமாதியா மாறி விடாம உடைச்சு உடைச்சுதான் இன்னைக்கு பர்பெக்டா கத்துக்க பழகியிருக்கேன்.

கிரித்திகா


ஒரு முறை தப்பு பண்ணி அதுக்குப் பிறகு அழகா வடிவமைச்சுட்டோம்னா பிறகு நமக்கே நம்பிக்கை வந்துரும். அப்படிதான் நான் இந்தக் கலைகளை எல்லாம் கத்துகிட்டேன். உண்மையை சொல்லணும்னா நான் பி.டி.எஸ் படிக்கும்போது பற்களை பூச்சு எப்படி அரிக்குதுனு நானே மினியேச்சர்ல செய்ஞ்சு பார்ப்பேன். அப்படி படிச்சதுனால மனப்பாடம் பண்ணாமலேயே படிப்பை முடிக்க முடிஞ்சது. நான் பண்ணினதுலேயே ரொம்ப பிடிச்சதுனா அது கம்பியினால டால்தான். கம்பியை வைச்சு டால் தயாரிச்சு அதன் மேல பேப்பர் ஒட்டிட்டால் கம்பி டால் ரெடி. அதைப் பார்த்த என் கஸ்டமர்ஸ் பாராட்டினாங்க. நான் செய்ற பொருட்களை எல்லாம் என் ஃபேஸ்புக் பேஜ்ல போட்டோவா போஸ்ட் பண்ணுவேன். அப்படிதான் எனக்கு கஸ்டமர்களும் கிடைக்கிறாங்க. பெண்களுக்கு பிடிச்ச வாட்சை முழுக்க முழுக்க ஹேண்ட் மேடா பண்ணினேன். நல்ல ரெஸ்பான்ஸ் கிடைச்சது. 4,500 ரூபாய்க்கு மெட்டீரியல் வாங்கி அதுல ரெண்டு டால் செய்யலாம்.ஒரு பொம்மையை 3500க்கு விற்கலாம். நம்ம எவ்வளவு கடின உழைப்பை இதுல போடுறோமோ, அந்தளவுக்கு நல்ல லாபமும் பார்க்க முடியும். புரொபஷனலா ஒரு ஆர்ட் கேலரி ஆரம்பிக்கணும். கிரியேட்டிவா நிறைய நுட்பக் கலைகளை கத்துக்கணும், பெஸ்ட் கலைஞர்னு பேர் வாங்கணும்.
ஆல் தி பெஸ்ட்..!!

Advertisement
Advertisement
Advertisement
Advertisement
Advertisement

எடிட்டர் சாய்ஸ்

என்ன செய்தார்கள் தமிழ்நாட்டின் 39 எம்.பி-க்கள்? - முழுமையான பெர்ஃபாமன்ஸ் ரிப்போர்ட்
Advertisement

MUST READ

Advertisement
[X] Close