Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

’பிளே பாய்' ஹெஃப்னரின் வாழ்க்கை முறை பற்றி, அவரின் தோழிகள் என்ன சொல்கிறார்கள்? ஓர் அலசல்! #PlayBoy

Chennai: 

‘'நீங்கள் ஹெஃப்னரை நேசித்தாலும் வெறுத்தாலும், அவர் அமெரிக்க கலாசாரத்தில் உருவாக்கிய தாக்கத்தை மட்டும் மறுக்க முடியாது'' - 91 வயதில் உயிரிழந்த ஹூக் ஹெஃப்னர் (Hugh Hefner) மறைவுக்கு இப்படி இரங்கற்பா எழுதியிருக்கிறது அமெரிக்க பத்திரிகையான, நியூயார்க் டைம்ஸ். 'பாலியல் புரட்சியாளர்' என்கிறது பி.பி.சி. 'அரசியல் ஆர்வலர் மற்றும் கொடை வள்ளலான ஹெஃப்னர் வெறும் பத்திரிகையை உருவாக்கவில்லை. ஒரு முழுமையான வாழ்வியல் முறையையே உருவாக்கியவர்' என்கிறது இன்னொரு பத்திரிகை. 

ஹூக் ஹெஃப்னர்... கடந்த வாரம் முழுக்க சமூக வலைதளங்களில் அதிகம் விவாதிக்கப்பட்ட  பெயர்களில் ஒன்று. யார் இந்த ஹெஃப்னர்? ஏன் ஹெஃப்னரின் இறப்பைச் சமூக வலைதளங்களும் பத்திரிகைகளும் துயரத்துடன் சொல்கிறது. 

ஹெஃப்னர் இந்தச் சமூகத்தில் ஏற்படுத்திய தாக்கம் அப்படி. அமெரிக்காவில், 'ஆண்களுக்கான பிரத்யேக பொழுதுபோக்கு பத்திரிகை' என்ற பெயரில் ஆரம்பிக்கப்பட்ட 'பிளே பாய்' பத்திரிகையின் நிறுவனர். 1953-ம் ஆண்டில், 600 டாலரை முதலீடு செய்து ஆரம்பிக்கப்பட்ட 'பிளே பாய்', 1960-ம் ஆண்டில் ஒரு மில்லியன் பிரதிகள் விற்றது. 1970-களில் அது ஏழு மில்லியனைத் தொட்டது. 'பிளே பாய்' பத்திரிகை ஆரம்பிக்கப்பட்டபோது இருந்த அமெரிக்கா, தற்போது நாம் பார்க்கும் அமெரிக்காவாக இல்லை. அது நிறைய பழைமைவாதங்களைக் கொண்டிருந்தது. அந்த நேரத்தில்தான் உடலுறவைப் பற்றி வெளிப்படையாக எழுதியது 'பிளே பாய்'. பெண்களின் அரை நிர்வாண, முழு நிர்வாணப் படங்கள் நடுப்பக்கத்தில் வெளியானது. ஹெஃப்னரின் வார்த்தைகளில் கூற வேண்டுமானால், இருட்டில் வைக்கப்பட்டிருந்த செக்ஸை வெளிச்சத்துக்குக் கொண்டுவந்தது.

பிளே பாய்

அமெரிக்காவில் மட்டுமன்றி, 1950-ம் ஆண்டுகளுக்குப் பிறகு உலகம் முழுக்க உருவான பாலியல் தொடர்பான உரையாடலுக்கு ஏதேனும் ஒரு வகையில் காரணமாயிருந்தது, 'பிளே பாய்.' பல பத்திரிகைகளின் நடுப்பக்கங்களுக்கு இந்த பிளே பாய்தான் ‘ஹெட்மாஸ்டர்’. 

”பொதுவெளிகளில் பாலியல் வெளிப்பாட்டை ஊக்குவிக்காவிட்டால், தனிப்பட்ட வாழ்க்கையில் ஆரோக்கியமில்லாத பாலியல் வெளிப்பாடுகள் நடக்கும். நீங்கள் செக்ஸைப் புத்தகங்களிலும் பத்திரிகைகளிலும், சினிமாக்களிலும் அடக்கிவைப்பதினால் ஒரு புண்ணியமும் இல்லை” என்பது ஹெஃப்னரின் நிலைப்பாடு. 

பழைமைவாதத்தில் உழன்ற அமெரிக்காவில் ‘யார் வேண்டுமானாலும், எப்போது வேண்டுமானாலும், யாருடன் வேண்டுமானாலும் உடலுறவுகொள்ளலாம்’ என்பதை வலியுறுத்துவதாக இருந்தது 'பிளே பாய்'. அதில் விளம்பரப்படுத்தப்பட்ட செக்ஸ் பொம்மைகள் அமோகமாக விற்றன. இன்றைக்கு இருக்கும் ஆபாச வலைதளங்களின் மொத்த வருமானம் 100 பில்லியனைத் தாண்டுகிறது. அமெரிக்காவில் மட்டும் 10 பில்லியன் ஆண்டு வருமானம். செக்ஸ் டாய்களின் ஆண்டு வருமானம் 15 பில்லியனைத் தாண்டுகிறது. இவை எல்லாவற்றுக்கும் ‘அ’ எழுதியவர் ஹெஃப்னர்.

ஹெஃப்னர்

அமெரிக்க அரசியலில் ஹெஃப்னரின் செல்வாக்கு நம்மால் யூகிக்க முடியாதது. இரண்டாம் உலகப் போருக்குப் பிறகு நடைபெற்ற உள்நாட்டுக் குழப்பங்களைச் சமாளிக்க, அமெரிக்க அரசாங்கத்துக்கு ஹெஃப்னர் தேவைப்பட்டார். அமெரிக்க அரசாங்கத்தை மட்டுமன்றி, ஹாலிவுட் உலகத்தையே கையில் வைத்திருந்தார். தனது பத்திரிகைபோலவே வாழ்க்கையையும் அனுபவித்தார். 'பிளே பாய் மேன்ஷன்' என்கிற ஒரு மாளிகையைக் கட்டி, கேர்ள் ஃப்ரெண்டுகளுடன் வாழ்ந்தார். இதற்காகவே கொண்டாடப்படுபவராக மாறியிருக்கிறார் ஹெஃப்னர். 

தன் காதலிகளிடம் போதை மருந்துகளை உட்கொள்ளக் கட்டாயப்படுத்துவதும், கூட்டு உடலுறவுக்குக் கட்டாயப்படுத்துவதும், ஒன்பது மணிக்கு மேல் வெளியே செல்லக் கூடாது என்பதும், அவர்களை வீட்டிலேயே பூட்டிவைப்பதும் பெரிய பாலியல் விடுதலை அல்லவா? 

ஆம்... இதுதான் அந்த பிளே பாய் மேன்ஷனின் விதிகள். மேன்ஷனில் ஹெஃப்னருடன் சேர்ந்து வாழும் யாருக்கும் வேறு ஆண் நண்பர்கள் இருக்கக் கூடாது. போதை மருந்தை எடுத்துக்கொண்டால், கிளர்ச்சியை ஏற்படுத்தும் என்பதுதான் ஹெஃப்னரின் தீராத நம்பிக்கை. ஹெஃப்னரால் வயாகரா இல்லாமல் வாழ முடியாது. ஒரு நாளைக்கு 17 பெண்களிடம் உடலுறவில் ஈடுபடும் ஹெஃப்னர், எந்த காண்டமும் பயன்படுத்த மாட்டார். பால்வினை நோய்க்கான சோதனையையும் எடுத்துக்கொள்ள மாட்டார். ஒரு பெண்ணுடன் உடலுறவில் இரண்டு நிமிடமே செலவழிப்பார். இதையெல்லாம் ஹெஃப்னர்கேட்கும்போது ஒரு சைக்கோ தோற்றம் மனதில் உண்டாகிறது அல்லவா? 

இதையெல்லாம் சொல்வது, மேன்ஷனில் அவருடன் வாழ்ந்த பெண்கள்தாம். ஹெஃப்னர் அவருடைய வாழ்க்கையில் ஒரு முழுமையான உடலுறவுகொண்டதே கிடையாது. முத்தமில்லா காமம்தான் ஹெஃப்னருடையது. இப்படித்தான் வயது முதிர்ந்தும் வாழ்ந்தார். இப்படித்தான் கேர்ள் ஃபிரெண்டுகளைப் பாலியல் அடிமைகளாக வைத்திருந்தார். அவருடைய எல்லாப் புகைப்படத்திலும் ஒரு போலியான புன்னகை தெரியும். ஹெஃப்னர் வாழ்ந்தது ஒரு போலியான வாழ்க்கை. பிளே பாய் பத்திரிகையின் வாசகர்களையும் போலியான வாழ்க்கையைக் காட்டி அதற்குள் தள்ளினார்.

ஹெஃப்னர் கனவு காணச் செய்தார். ஒரு கோடீஸ்வரனின் வாழ்க்கையை, ரிக்‌ஷாகாரனிடம் விற்று அதைக் கனவு காணச் செய்தார். ஒரு கனவு உலகத்தில் அனைவரையும் வாழவைத்தார். நடைமுறை வாழ்வில் சாத்தியமே இல்லாத உடலுறவைக் காட்டினார். இன்றைக்கு ஆபாசப் படங்களால், இருபாலருக்கிடையே இருக்கும் மனரீதியிலான குழப்பங்களுக்கும், வக்கிரமான மனநிலைக்கும் இந்த மாகா பிரபுதான் காரணம். உண்மையில், 'பிளே பாய்' பாலியல் விடுதலையைப் போதிக்கவில்லை. ‘ஒரு பெண்ணுடன் எவ்வளவு வேண்டுமானாலும் உடலுறவு வைத்துக்கொள்ளலாம். அவள் கல்யாணம் என்றவுடன் தள்ளிவிட்டுவிடுவது’ என்ற பெண்ணுடல் சுரண்டல் தத்துவத்தை ஹெஃப்னரின் 'பிளே பாய்' சொன்னது. பெண்ணின் உடலை வணிகப்படுத்தியது. பெண்ணின் உடல்மீதான சந்தைப் பொருளாதாரத்துக்கு ஹெஃப்னருக்கும் மிகப்பெரிய சம்பந்தம் இருக்கிறது. 

 இதற்காக இவரை இப்போது குற்றம்சாட்டுவது இந்தக் கட்டுரையின் நோக்கம் கிடையாது. ஆனால், அவர் பெயரை கூகுளில் தேடினால், 'புரட்சியாளர்' என்றும் வருவது வேதனையளிக்கிறது. அந்த வருத்தத்தை அழுத்தமாக பதிய வைக்க வேண்டுமென்பதே என் எண்ணம்..!

இது தொடர்பாக, தங்கள் கருத்துக்களையும் மாற்றுக் கருத்துக்களையும் கமென்ட் பாக்ஸில் பதியுங்களேன்..! 

 

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close