Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

இலக்கியத்திற்கான நோபல் பரிசு: பெலராஸ் நாட்டின் ஸ்வெட்லானா அலெக்ஸிவிச் தேர்வு!

ஸ்டாக்ஹோம்: 2015-ம் ஆண்டிற்கான இலக்கியத்திற்கான நோபல் பரிசு பெலாரஸ் நாட்டு எழுத்தாளர் ஸ்வெட்லானா அலெக்ஸிவிச்சிற்கு  வழங்கப்படுகிறது.

ஸ்வீடன் தலைநகர் ஸ்டாக்ஹோமில் நோபல் பரிசு தேர்வுக் குழு இலக்கியத்திற்கான நோபல் பரிசை அறிவித்து, “நம் காலத்தின் வேதனை மற்றும் தைரியத்துக்கான நினைவுச்சின்னமாக இவரின் குரல்கள்  உள்ளன” என்று தெரிவித்துள்ளது.

ஸ்வெட்லானா அலெக்ஸிவிச் 31, மே, 1948-ம் ஆண்டு உக்ரைனில் உள்ள இவானோ-பிராங்கிவிஸ்க் என்ற நகரத்தில் பிறந்தார். இவரின் தாய் உக்ரேனிய நாட்டையும் தந்தை பெலாரஸ் நாட்டையும் சேர்ந்தவர்களாவர்.

பள்ளிப்படிப்பை முடித்த அலெக்ஸிவிச் ஆசிரியையாகவும் பத்திரிகைத் துறையிலும் பணியாற்றினார். 1967-72 இடையே மின்ஸ்க் பல்கலைக் கழகத்தில் இவர் இதழியல் கற்றார்.

2 ஆம்  உலகப்போரில் பங்கு பெற்ற நூற்றுக் கணக்கான பெண்களைச் சந்தித்து அவர் எடுத்த நேர்காணல்களின் அடிப்படையில் அலெக்ஸிவிச்சின் நூல்கள் வெளிவந்தன. முன்னாள் சோவியத் யூனியனின் மக்கள்  வாழ்க்கையை சித்தரிக்கும் நூல்களை எழுதினார்.

உலகை அதிர்ச்சிக்குள்ளாக்கிய  1986 ஆம் ஆண்டின் செர்னோபில் அணு உலை துயரம் பற்றிய இவரது “Voices from Chernobyl- chronicle of the future(செர்னோபில்லின் குரல்கள்) என்ற வாய்மொழி வரலாற்றுப் பதிவு அணு உலை பேரழிவில் சிக்கி அழிந்த மக்களின் துயரக் கதைகளை வலியுடன் வெளிப்படுத்தியது.

Zinky boys என்ற நூலில்,  ஆப்கானிஸ்தானில் சோவியத் யூனியன் நடத்திய  போர் பற்றிய பயங்கரமான சித்தரிப்பு வெளிப்பட்டது இலக்கிய உலகின் கவனத்தை ஈர்த்தது.

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close