Vikatan.com

www.vikatan.com would like to send you push notifications.

Notifications can be turned off anytime from browser settings.

2 கால்களை இழந்த குட்டிப்பூனையின் உற்சாக வீல் சேர் பயணம்: வைரல் வீடியோ!

டொரண்டோ: 2 கால்களை இழந்த குட்டிப்பூனை ஒன்று உற்சாகமாக வீல் சேர் பயணம் செய்யும் வைரல் வீடியோ, தற்போது வலைத்தளங்களில் பரவி அனைவரையும் மகிழ்ச்சியில் ஆழ்த்தி உள்ளது.

பிறந்த சில நாட்களிலேயே தனது இரண்டு பின்னங்கால்களும் செயலிழந்ததால் நடப்பதற்கே சிரமப்பட்டது ஒரு குட்டிப்பூனை. அந்த குட்டிப்பூனை படும் கஷ்டத்தை கண்ட கனடாவைச் சேர்ந்த 2 மாணவர்கள் இணைந்து, 3-டி தொழில்நுட்பத்தில் பிரிண்ட் செய்யப்பட்ட வீல் சேரைக் கொண்டு அந்த குட்டிப்பூனையை இயல்பாக நடமாட வைத்துள்ளனர்.

தனது அவஸ்தை  சரியான சந்தோஷத்தில், அந்தக் குட்டிப்பூனை வீல் சேரில் உற்சாகமாக பயணம் செய்யும் வீடியோவை அற்புதமான பின்னணி இசையுடன் ஒருவர் யூடியூபில் பதிவேற்றம் செய்துள்ளார்.

அந்த குட்டிப்பூனை ஜாலியாக வலம்வரும் வீடியோவை இதுவரை 25 லட்சத்திற்கும் மேற்பட்டோர் பார்த்துள்ளனர். தற்போது அந்த வீடியோ வலைத்தளங்களில் வைரலாகப் பரவி அனைவரையும் ஈர்த்துள்ளது.

நீங்களும் அந்த குட்டிப்பூனை ஆனந்தமாக நடந்துவரும் காட்சியை வீடியோவில் கண்டு ரசியுங்களேன்!

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ