Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

பாரிஸ் தாக்குதல்: இந்தியர்கள் பாதுகாப்பாக உள்ளனர்- தூதரக அதிகாரி தகவல்

பாரிஸ்: பாரிஸில் தீவிரவாதிகள் நடத்திய தாக்குதலில் இந்தியர்கள் யாரும் உயிரிழக்கவில்லை என்று பிரான்ஸூக்கான இந்திய  தூதரக அதிகாரி தெரிவித்துள்ளார்.
 

பிரான்ஸ் தலைநகர் பாரீஸில் அடுத்தடுத்து 7 இடங்களில் தீவிரவாதிகள் நேற்றிரவு தாக்குதல் நடத்தினர். கால்பந்து மைதானம், இசை கச்சேரி நடைபெற்ற அரங்கு என முக்கிய இடங்களில் நடத்தப்பட்ட தாக்குதலில் 160-க்கும் மேற்பட்டோர் கொல்லப்பட்டுள்ளனர்.

இந்த நிலையில், தாக்குதல் நடத்திய 8 தீவிரவாதிகள் கொல்லப்பட்டுள்ளதாக அங்கிருந்து வரும் தகவல்கள் கூறுகின்றன.

பட்சலன் இசை கச்சேரி ஹாலில் இருந்த 4 தீவிரவாதிகள் கொல்லப்பட்டதாகவும், அதில் ஒருவன் போலீசால் சுட்டுகொல்லப்பட்டதாகவும், ஏனைய 3 பேரும் தற்கொலை வெடிகுண்டை வெடிக்கச் செய்ததில் உயிரிழந்ததாகவும் ஏ.எப்.பி செய்தி நிறுவனம் தெரிவித்துள்ளது.

தேசிய விளையாட்டு அரங்கம் அருகே 3 தீவிரவாதிகள் கொல்லப்பட்டதாகவும், மற்றொரு தீவிரவாதி கிழக்கு பாரிஸ் தெருவில் ஒரு தீவிரவாதி கொல்லப்பட்டதாகவும் தகவல்கள் கூறுகின்றன.

இதனிடையே, பாரிஸில் தீவிரவாதிகள் நடத்திய தாக்குதலில் இந்தியர்கள் யாரும் உயிரிழக்கவில்லை என்று பிரான்ஸூக்கான இந்தியத் தூதரக அதிகாரி மணிஷ் பிரபாத் தெரிவித்துள்ளார்.

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close