Vikatan.com

www.vikatan.com would like to send you push notifications.

Notifications can be turned off anytime from browser settings.

ஐரோப்பாவில் சிரியா அகதிகள் போன்று பதுங்கியுள்ள தீவிரவாதிகள்: அதிர்ச்சி தகவல்கள்!

பாரிஸ்: பிரான்ஸ் தலைநகர் பாரிஸில் தீவிரவாதிகள் தொடர் தாக்குதல் நடத்தியது போன்று மேலும் ஐரோப்பிய நாடுகளில் தாக்குதல் நடத்த திட்டமிடப்படுள்ளதாகவும் அதற்காக பல்வேறு இடங்களில் சிரியாவின் அகதிகள் போன்று பதுங்கியுள்ளதாகவும் அதிர்ச்சித் தகவல்கள் வெளியாகியுள்ளன.

கடந்த வெள்ளிக்கிழமை இரவு பாரிஸில் 7இடங்களில் 3 தனித்தனி குழுக்களாக புகுந்த 8 தீவிரவாதிகள் துப்பாக்கியால் சுட்டும், வெடிகுண்டுகளை வீசியும் தாக்குதல் நடத்தினார்கள். இதில் தாக்குதலில் 128 அப்பாவி மக்கள் கொல்லப்பட்டனர். தீவிரவாதிகளின் தாக்குதல்களைத் தொடர்ந்து பாரிஸில் ராணுவம் குவிக்கப்பட்டு உள்ளது. பாரிஸ் நகர எல்லைகளும் ‘சீல்’ வைத்து மூடப்பட்டன. இத்தாக்குதலுக்கு ஐ.எஸ். தீவிரவாத இயக்கம் பொறுப்பு ஏற்று உள்ளது. இதனையடுத்து ஐரோப்பிய நாடுகளில் பாதுகாப்பு நடவடிக்கைகள் தீவிரப்படுத்தப்பட்டு உள்ளன.

இந்நிலையில் இவ்விவகாரத்தில் அதிர்ச்சி தகவலாக, தாக்குதல் நடத்திய தீவிரவாதிகள் ஐரோப்பாவில் சிரியா நாட்டின் அகதிகள் போன்று போலியாக பதுங்கியிருந்து உள்ளனர் என்று தெரியவந்து உள்ளது. 

பாரிஸ் கொடூரத் தாக்குதலில் தொடர்புடைய இரண்டு தற்கொலை தீவிரவாதிகள், சிரியாவில் இருந்து போலியாக அதிகள் போன்றுவந்து பதுங்கியிருந்தனர் என்று ஆங்கில செய்தி நிறுவனம் ஒன்று தெரிவித்துள்ளது.

பாரிஸில் தற்கொலை தாக்குதல் நடத்தியவர்களில் இரண்டு பேர் அகதிகள் பாஸ்போர்ட்டில் இரண்டு வாரங்களுக்கு முன்னதாக கிரீஸ் வந்து உள்ளனர். தற்கொலை தாக்குதல் நடத்தியவர் உடலில் இருந்து பிரான்ஸ் நாட்டு போலீசார் கைப்பற்றிய சிரியா அகதியின் பாஸ்போர்ட்டில்  கிரிஸ் நாட்டு பதிவு எண்  உள்ளது. அதனால் இரண்டு தீவிரவாத குழுக்கள் சிரியாவில் இருந்து துருக்கி வழியாக கிரீஸ் நாட்டிற்கு பயணத்திருக்கலாம் என்று அதிகாரிகள் நம்புகின்றனர்.

தாக்குதல் நடத்திய மற்றொருவனிடம் இருந்து எடுக்கப்பட்ட பாஸ்போர்ட் எகிப்தில் எடுக்கப்பட்டதை காட்டுகிறது என்று செய்தி வெளியிடப்பட்டு உள்ளது. இத்தகைய தகவல்கள் பிரான்ஸ் உளவுத்துறையின் தோல்வியையே காட்டுகிறது என்று விமர்சிக்கப்பட்டு உள்ளது. இரண்டு பேர் கிரீஸ் நாட்டிற்கு கடந்த மாதம் வந்து உள்ளனர் என்று பிரான்ஸ் போலீசார் தெரிவித்து உள்ளனர். தாக்குதல் நடத்தியவர்களில் ஒருவன் இஸ்சொன்னேவில் இருந்துவந்த மொஸ்டேபை இஸ்மாயில் உமர் என்று பிரான்ஸ் மீடியா ஒன்று செய்தி வெளியிட்டு உள்ளது.

செர்பியா மீடியா மற்றொரு தீவிரவாதியின் பெயரை வெளியிட்டு உள்ளது. அவன் அகமத் அல்முகமது என்றும் பாரிஸ் செல்லும் வழியில் கடந்த அக்டோபர் மாதம் 3 ம் தேதி ஐரோப்பாவின் கிரீஸ் நாட்டின் லெரோஸ் தீவிற்கு வந்துஉள்ளான் என்றும்  தெரிவித்து உள்ளது. இவர்கள் அகதிகளாக சிறிய படகில் வந்து உள்ளனர் என்று தெரிவிக்கப்பட்டு உள்ளது.

இந்தத் தகவல்களையடுத்து ஐரோப்பிய நாடுகளில் பாதுகாப்பு தீவிரப்படுத்தப்பட்டுள்ளது.

எடிட்டர் சாய்ஸ்

MUST READ