Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ஐஎஸ் ஐஎஸ் நடத்தும் பள்ளிக்கூடம்!

ரு சிறிய பள்ளி, பத்து வயது கூட  ஆகாத குழந்தைகள் சிலர் அமர்ந்திருக்கின்றனர். ஆசிரியர் போல நிற்கும் ஒருவர் கரும்பலகையில் இருக்கும் உருது வார்த்தையை காண்பித்து, இது என்னவென்று கேட்கிறார். மாணவர்கள்(சிறுவர்கள்) ஒருமித்த குரலில் சொல்லும் வார்த்தை... 'ஜிகாத்'!

இந்தக் காட்சி நடப்பது ஆப்கானிஸ்தானில் உள்ள ஒரு சிறு கிராமத்தில். மாணவர்கள்
அமர்ந்திருக்க, ஐஎஸ்ஐஎஸ் என்றழைக்கப்படும் 'இஸ்லாமிக் ஸ்டேட் ஆஃப் ஈராக் அண்ட் சிரியா' என்ற தீவிரவாத அமைப்பை சேர்ந்த ஒருவர்,  அவர்கள் முன்னிலையில் பாடம் நடத்திக் கொண்டிருக்கிறார். பாடம் என்றால் வாழ்க்கைப் பாடமல்ல... மாறாக பலரின் வாழ்க்கையை அழிக்கும் துப்பாக்கியையும். வெடி குண்டையும் பற்றிப் படிக்கும் பாடம்.

ஆசிரியர்  போல நிற்கும் அந்த நபர்,  ஒவ்வொரு சிறுவனாக எழுப்பி, 'நாம் யாரைக் கொல்ல வேண்டும், எதற்காக கொல்ல வேண்டும்?' என்று கேட்கிறார். மாணவர்களிடம் எறி குண்டுகளைக் கொடுத்து, 'எப்படி பயன்படுத்த வேண்டும்?' என்று கேட்கிறார். துப்பாக்கிகளைக் கொடுத்து, 'எப்படி சுட வேண்டும்?' என சொல்லித் தருகிறார். ஒவ்வொரு கேள்விக்கும் மாணவர்கள் திறமையாக (?) பதில் சொல்கிறார்கள்.....காணொளியில் காட்சிகள் நீள்கிறது.

இறுதியில் பள்ளி முடிகிறது. அடுத்தத்  தலைமுறைக்கான ஐஎஸ் ஐஎஸ்  தீவிரவாதிகள் இங்கிருந்து உருவாக்கப்படுகிறார்கள். கூரான பிஞ்சு மனங்களை ஐந்திலேயே வளைத்துக் கொண்டிருக்கிறார்கள். தீவிரவாதத்தை வெட்ட வெளிச்சமாக கற்றுத் தருகிறார்கள்.

ஜிகாத் என்றால் கடவுளின் பாதையில் செல்வது. ஆனால் ஒரு சிறுவன் கையில் துப்பாக்கியைக் கொடுத்து கற்றுத் தருவது எந்த விதத்திலும் கடவுளின் பாதையில் செல்வதாகாது. தீவிரவாதம் எதற்கும் தீர்வாகாது என்பது அந்த பிஞ்சு மனங்களுக்கு என்றேனும்  ஒருநாள் தெரியும்......அன்று உலகம் அழகு பெறும். 

லோ.சியாம் சுந்தர்
( மாணவப் பத்திரிகையாளர்)

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close