Vikatan.com

www.vikatan.com would like to send you push notifications.

Notifications can be turned off anytime from browser settings.

போர்க்குற்றத்திற்காக தூக்கிலிடப்பட்ட வங்கதேச எதிர்க்கட்சி தலைவர்கள்!

டாக்கா: போர்க்குற்றத்திற்காக வங்கதேச எதிர்க்கட்சி தலைவர்கள் 2 பேர் தூக்கிலிடப்பட்டு உள்ளனர். இது, அங்கு பெரும் பரபரப்பை ஏற்படுத்தி உள்ளது.

வங்காளதேசத்தில் கடந்த 1971–ம் ஆண்டு பாகிஸ்தானுக்கு எதிராக சுதந்தர போராட்டம் நடந்தது. அதில், போர்க்குற்றத்தில் ஈடுபட்டவர்கள் மீது வழக்குப்பதிவு செய்யப்பட்டு தற்போது அவர்களுக்கு தண்டனை வழங்கப்பட்டு வருகிறது. இதில், அரசியல் கட்சி தலைவர்கள் பலருக்கு ஆயுள் தண்டனை மற்றும் தூக்கு தண்டனைகள் விதிக்கப்பட்டுள்ளன.

அதன்படி, வங்காளதேச எதிர்க்கட்சிகளான தேசியவாத கட்சி தலைவர் கலாஹுதீன் காதிர் சவுத்ரி மற்றும் ஜமாத்–இ–இஸ்லாமி கட்சியின் செகரட்ரி ஜெனரல் அலி அக்கான் முகமது முஜாகித் ஆகியோருக்கும் தூக்கு தண்டனை விதிக்கப்பட்டது.  தூக்கு தண்டனையை எதிர்த்து அவர்கள் உச்ச நீதிமன்றத்தில் மேல்முறையீடு செய்திருந்தனர். அந்த வழக்கை விசாரித்த நீதிபதிகள், அவர்களின் தூக்கு தண்டனையை உறுதி செய்தது. மேலும், ஜனாதிபதி முகமது அப்துல் ஹமீதும், அவர்களது கருணை மனுவை நிராகரித்தார்.

இந்நிலையில், அவர்கள் இருவரும் நேற்று நள்ளிரவு 12.55 மணிக்கு டாக்கா மத்திய சிறையில் ஒரே நேரத்தில் தூக்கிலிடப்பட்டு உள்ளனர். தூக்கிலிடப்படுவதற்கு முன், அவர்கள் இருவரையும் அவர்களது குடும்பத்தினர் சந்தித்து பேசினார்கள். தூக்கிலிடப்பட்ட சில மணி நேரங்களுக்கு பின், அவர்களது உடல்கள் உறவினர்களிடம் ஒப்படைக்கப்பட்டு உள்ளது. பலத்த பாதுகாப்புடன் இருவரின் உடல்களும் ஆம்புலன்சில் எடுத்துச் செல்லப்பட்டு அடக்கம் செய்யப்பட்டது.

இவர்கள் தூக்கிலிடப்படுவதை அறிந்ததும் இஸ்லாமிய ஜமாத்–இ–இஸ்லாமி கட்சி, நாடு முழுவதும் முழு அடைப்புக்கு அழைப்பு விடுத்து இருந்தது. டாக்கா மத்திய சிறை முன் ஏராளமான கட்சி தொண்டர்கள் திரண்டிருந்தனர். அதனால், வங்காளசேதம் முழுவதும் உஷார் படுத்தப்பட்டு பாதுகாப்பு ஏற்பாடுகள் பலப்படுத்தப்பட்டிருந்தன. தலைநகர் டாக்கா மற்றும் மற்றும் சிட்டகாங் மாவட்டம் உள்ளிட்ட பகுதிகளில் எல்லைப் பாதுகாப்பு படை ராணுவம் குவிக்கப்பட்டு பாதுகாப்பு பணியில் ஈடுபடுத்தப்பட்டன.

1971–ம் ஆண்டுக்கு முன் வங்காளதேசம் பாகிஸ்தானின் கிழக்கு பகுதியாக இருந்தது. பாகிஸ்தானுக்கு எதிராக நடந்த சுதந்திர போராட்டத்தின்போது அந்நாட்டு ராணுவத்துக்கு தற்போதைய சில எதிர்க்கட்சிகள் ஆதரவாக இருந்தன. சுதந்திர போராட்டத்தின் போது தூக்கிலிடப்பட்ட எதிர்க்கட்சி தலைவர்கள் முஜாகித், சவுத்ரி ஆகியோர் பாகிஸ்தானுக்கு ஆதரவாக செயல்பட்டனர். போராட்டத்தில் ஈடுபட்டவர்களை கடத்தி துன்புறுத்தினர். ஆயிரக்கணக்கானவர்களை கொன்று குவித்தனர். பெண்களை கடத்தி பாலியல் பலாத்காரம் செய்தனர் போன்ற குற்றங்களுக்காக அவர்கள் தூக்கிலிடப்பட்டு உள்ளனர்.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ