Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

லண்டன் மியூசியத்தின் வனஉயிரின புகைப்பட கலைஞர்களுக்கான விருது அறிவிப்பு

வ்வொரு வருடமும் லண்டன் இயற்கை வரலாற்று மியூசியம், சிறந்த வனஉயிரின புகைப்பட கலைஞர்களுக்கு  விருது வழங்கி கவுரவப்படுத்துவது வழக்கம். இணையத்தில் வாக்களித்து  மக்களே சிறந்த வனஉயிரின புகைப்பட கலைஞர்களை தேர்வு செய்வார்கள். அந்த வகையில் கடந்த 2015ஆம் ஆண்டுக்கான சிறந்த வன உயிரின புகைப்பட கலைஞருக்கான விருது கனடாவை சேர்ந்த டான் கடோஸ்கிக்கு வழங்கப்பட்டுள்ளது.

கனடாவின் வபூஸ்க் தேசிய பூங்காவில் மைனஸ் 30 டிகிரி குளிரில் சிவப்பு நரி ஒன்று ஆர்டிக் நரியை வேட்டையாடுவது போன்ற இந்த படத்துக்கு இந்த விருது கிடைத்துள்ளது. கேனான் ஈஓஎஸ் 1 டி கேமராவில் 400 எம்.எம். லென்சை பயன்படுத்தி இந்த புகைப்படம் எடுக்கப்பட்டுள்ளது.

இதே வரிசையில் நமீபியாவில் எடுக்கப்பட்ட இந்த ஒட்டகச்சிவிங்கிகள் படம் 2வது இடத்தை பெற்றுள்ளது. இதனை ஸ்பெயின் புகைப்பட கலைஞர் மரினா கானோ எடுத்துள்ளார்.

சிறந்த இளம் புகைப்படக்காரருக்கான விருது செக்குடியரசுவை சேர்ந்த ஆன்ட்ரெஜ் பிலானெக்கிற்கு கிடைத்துள்ளது. நார்வேயில் இவர் எடுத்த பறவைகள் புகைப்படத்திற்காக இந்த விருது வழங்கப்பட்டுள்ளது. இந்த புகைப்படம் நிகான் 800 கேமரா மூலம் எடுக்கப்பட்டுள்ளது.

பறவைகள் வரிசையில், இஸ்ரேல் புகைப்பட கலைஞர் அமீர் பென் டோவ் எடுத்த செந்நிற கால்களுடைய ஃபால்கான்ஸ் பறவைகள் படத்திற்கு கிடைத்துள்ளது. இந்த புகைப்படம் கேனான் ஈ.ஓ.எஸ். 1டி எக்ஸ் கேமராவில் 500  எம்.எம்.லென்ஸ் பயன்படுத்தப்பட்டு எடுக்கப்பட்டுள்ளது.

பறவைகள் பிரிவில் இங்கிலாந்து புகைப்பட கலைஞர் சார்லஸ் ஹாமில்டன் ஜேம்ஸ் எடுத்த ஆப்ரிக்க கழுகுகள் இறை உண்பது போன்ற புகைப்படம் 2வது இடத்தை பிடித்தது. இந்த படம் பானாசானிக் லூமிக்ஸ் ரக கேமரா பயன்படுத்தப்பட்டு எடுக்கப்பட்டுள்ளது.

நீர்நில வாழ்வன மற்றும் ஊர்வன வரிசையில் நெதர்லாந்தை சேர்ந்த எட்வின் ஜிஸ்பெர்ஸ் என்ற புகைப்பட கலைஞருக்கு  விருது வழங்கப்பட்டுள்ளது. இவரது புகைப்படங்கள் பி.பி.சி. இதழ் மற்றும் நேஷனல் ஜியோகிராபி புத்தகங்களில் அடிக்கடி இடம் பெறுபவை.

முதுகெலும்பு இல்லாத உயிரினங்கள் வரிசையில், இத்தாலி புகைப்பட கலைஞர் யூகோ மெலோனி எடுத்த இந்த வண்ணத்துப்பூச்சி படம் பெறுகிறது.

தாவரங்கள் வரிசையில் ஆஸ்திரிய புகைப்பட கலைஞர் எடுத்த ஜார்ஜ் பாப் எடுத்த, ஆயிரம் வருடங்கள் பழமையான இந்த சைப்ரஸ் செடி புகைப்படம் பெறுகிறது. அமெரிக்காவில் லுசியானா மாகாணத்தில் இந்த புகைப்படம் எடுக்கப்பட்டுள்ளது.

கடல் வாழ் உயிரினங்கள் வரிசையில், ஆஸ்திரேலிய புகைப்பட கலைஞர் மிக்கேல் ஏவால் எடுக்கப்பட்ட, திமிங்கலத்தின் வாயிற்குள் குட்டி மீன்கள் செல்வது  போன்ற இந்த புகைப்படத்துக்கு கிடைத்துள்ளது.

அழகிய மலைகள் வரிசையில், ஐஸ்லாந்தில் எரிமலை ஒன்று குழம்பு வெளியேறிய நிலையில் சாம்பல் படலத்துடன் காணப்படுவது  போன்ற இந்த புகைப்படத்துக்கு கிடைத்துள்ளது. இதனை ஸ்வீடன் புகைப்பட கலைஞர் ஹேன்ஸ் ஸ்ட்ரேன்ட் எடுத்துள்ளார்.

வானத்தில் இருந்து எடுக்கப்பட்ட புகைப்படங்கள் வரிசையில், ஸ்பெயின் புகைப்படக் கலைஞர் ஃபேர் சோலரால் எடுக்கப்பட்ட ,பாகியா டி ஸ்காடிஸ் வன உயரின பூங்கா படத்துக்கு கிடைத்துள்ளது.

இந்தியாவை சேர்ந்த தாமஸ்விஜயன் எடுத்த லங்கூர் குரங்குகள் குடும்பம் படமும் பரிந்துரைக்கப்பட்டிருந்தது. பெரிய குரங்குகளின் வாலில் குட்டி குரங்கு ஒன்று தொங்கி கொண்டு ஊஞ்சலாடுவதை போன்ற அந்த புகைப்படம் எடுக்கப்பட்டிருந்தது. எனினும் விருதுக்கு தேர்வாகவில்லை.



 

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement
Advertisement
[X] Close