Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

பிரபாகரன் ஊரில் மாபெரும் பட்டத் திருவிழா: கடலெனத் திரண்ட மக்கள் (படங்கள்)

தமிழர் திருநாளாம் தைப்பொங்கலைச் சிறப்பிக்கும் வகையில் இலங்கையின் யாழ்ப்பாணத்தின் வல்வெட்டித்துறையில் மாபெரும் பட்டப் போட்டித் திருவிழா வெகு விமரிசையாக இடம்பெற்றது.
 

தமிழீழ விடுதலைப் புலிகளின் தலைவர் பிரபாகரன் பிறந்த ஊரான வல்வெட்டித்துறையில் ஆண்டு தோறும் மிகப் பிரமாண்டமாக இந்தப் பட்டப் போட்டித் திருவிழா இடம்பெற்று வருகின்றமை விசேட அம்சமாகும்.

வல்வெட்டித்துறை உதயசூரியன் கடற்கரையில் நேற்று (15ம் தேதி) பிற்பகல் 2.30 மணிக்கு ஆரம்பமான இப்போட்டித் திருவிழாவில் பல்வேறு அழகிய வண்ணங்களில் உருவான ஏராளமான பிரமாண்ட பட்டங்கள் வானில் பறக்க விடப்பட்டன.
 

குறிப்பாக மயில், உளவு இயந்திரம், ரைட் சகோதரர்களின் விமானம், பறக்கும் தட்டு, இயந்திரப் படகு, கிறிஸ்துமஸ் வண்டி, மாட்டுவண்டி, பாம்பு, திருக்கை மீன் போன்ற பட்டங்கள் பார்வையாளர்களை வெகுவாக கவர்ந்திருந்தன.

இந்நிகழ்வுகளில் பிரதம விருந்தினராகப் பங்கேற்ற வடமாகாண முதலமைச்சர் சி.வி.விக்னேஸ்வரன் சிறப்புரையாற்றியதுடன், போட்டிகளில் பங்கேற்றவர்களுக்கு பரிசில்களையும் வழங்கி வைத்தார்.
 

பட்டத் திருவிழாவைக் கண்டுகளிக்க யாழ்ப்பாணத்தின் பல்வேறு பிரதேசங்களில் இருந்தும் பல்லாயிரக்கணக்கான மக்கள் வல்வெட்டித்துறையில் திரண்டதால் உதயசூரியன் கடற்கரை நிரம்பி வழிந்தது.

இந்நிகழ்வுகளைத் தொடர்ந்து புலம்பெயர் தமிழ் மக்களின் நிதியுதவியுடன் அமைக்கப்பட்ட அணைக்கட்டு திறந்து வைக்கப்பட்டதுடன், கல்வியில் சாதனை படைத்த கல்விச் சாதனையாளர்களும் கெளரவிக்கப்பட்டதனைத் தொடர்ந்து இன்னிசை நிகழ்வுகள் இரவு 11 மணி வரை இடம்பெற்றன. 

செய்தி, படங்கள் -
செ. கிரிசாந்

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close