Vikatan.com

www.vikatan.com would like to send you push notifications.

Notifications can be turned off anytime from browser settings.

ரயில் பாணிக்கு மாறும் விமானங்கள் : விபத்தா? இனி கவலை வேண்டாம் (வீடியோ)

யில் என்ஜினில் பெட்டிகள் இணைக்கப்படுவது போல விமானத்தின் கேபின் பகுதியுடன் விமானத்தின் உடல் பகுதியை இணைக்கும் புதிய தொழில்நுட்பத்தை ரஷ்யா கண்டுபிடித்துள்ளது. விபத்து ஏற்படும் போது பயணிகள் பகுதி மட்டும் தனியே பிரிந்து பாராசூட் உதவியுடன் தரை இறங்கும் வகையில் இந்த தொழில் நுட்பம் அமைந்துள்ளது.
           
ரஷ்யாவை சேர்ந்த டாடெரன்கோ விலாடிமிர் நிகோலெவிக் என்பவர் கடந்த 3 ஆண்டுகளாக ஆராய்ச்சி  நடத்தி அதில் வெற்றி கண்டுள்ளார். இந்த தொழில் நுட்பத்தின் படி விமானம் பறக்கத் தொடங்கும் போது,  நடு வானில் பறக்கும் போது, தரையிறங்கும் போது என எந்த சூழலிலும் அவசரக் காலங்களில் கேபினில் இருந்து விமானத்தின் உடல் பகுதி அதாவது பயணிகள் இருக்கும் பகுதி தனியே பிரிந்து விடும்.

கடலில் இறங்கினாலும் விமானம் பாராசூட் உதவியுடன் படகு போல மிதக்கத் தொடங்கி விடும். அதுபோல் பயணிகளின் உடைமைகளும் அதே பகுதியில் சேகரித்து வைக்கப்படுவதால்,  அவர்களது உடைமைகளும் பத்திரமாக பாதுகாக்கப்படும் .

ஆனால் இந்த தொழில்நுட்பம் குறித்து இரு வகையிலான கருத்து நிலவுகிறது.  தரையிறங்கும் விமானத்தில் உடல் பகுதி எங்காவது மலையிலோ அல்லது கட்டிடங்களிலோ இறங்க வாய்ப்பு அதிகம் என்றும் இது  அதிகம் செலவு ஏற்படுத்தக் கூடிய திட்டம் என்றும் குறை கூறப்பட்டுள்ளது.

விமானத்தின் உடல் பகுதியை தனியாக பிரித்து அதனை மீண்டும் கேபினுடன் பொருத்துவது என்பது விமான தொழில் நுட்ப பாதுகாப்பையே கேள்விக்குறியதாக்குவதாகவும் விமர்சனம் எழுந்துள்ளது.

எடிட்டர் சாய்ஸ்

MUST READ