Vikatan.com

www.vikatan.com would like to send you push notifications.

Notifications can be turned off anytime from browser settings.

ஸின்னியா (Zinnia) - விண்வெளியில் மலர்ந்த மலர்!

விண்வெளி எப்போதுமே வியப்பானதுதான். ஆய்வில் ஈடுபட ஈடுபட பல புதிய தகவல்கள் வெளிவரும். பல முயற்சிகள் வெற்றி பெறும். அப்படி கடந்த வருடத்தில் எல்லோரையும் வியப்பில் ஆழ்த்தி வெற்றி பெற்ற முயற்சிதான், விண்வெளியில் விவசாயம் செய்யப்பட்டு விளைவித்த சிவப்பு கீரை வகைகள்.      

நமது பூமியின் மேற்பரப்பில் அமெரிக்கா, ரஷ்யா போன்ற சில நாடுகள் ஒன்றிணைந்து அமைத்த, சர்வதேச விண்வெளி மையம் உள்ளது. இந்த மையத்தில்தான் நாம் மேற்சொன்ன  விவசாய வேட்டை நடந்து உள்ளது.

15 மாதங்கள் விண்வெளியில் விதைகள் வைத்து,  பின் ‘வெஜ் 01’ எனப் பெயரிடப்பட்டு விளைவித்த அச்சிவப்பு வகை கீரைகளின் சுவையிலும் குறைவில்லை. கீரையைத் தொடர்ந்து இப்போது மலர்களை மலர்வித்தும் வெற்றி கண்டுள்ளனர் விண்வெளி வீரர்கள்.

விண்வெளியில் மலர்ந்துள்ள முதல் மலரான ஸின்னியா (Zinnia) மலரானது, கண்ணை பறிக்கும் படியாக பளிச்சென மலர்ந்துள்ளது விண்வெளி வீரர்களை மேலும் மகிழ்ச்சியில் ஆழ்த்தியுள்ளது. இந்த ஸின்னியா மலரானது சவுத்தர்ன் வெஸ்ட் யூனிட்டைட் நாடுகளை தாயகமாக கொண்டது.

இந்த செய்தியை ட்விட்டரில் பதிவிட்டு, நாசா விண்வெளி வீரர் ஸ்காட் கெல்லி (Scott Kelly@StationCDKelly) தன் மகிழ்ச்சியை பகிர்ந்துள்ளார்.

செடிகளின் வளர்ச்சிக்கு தேவையான ஊதா, சிவப்பு நிற ஒளி அலைகளுக்கான எல் இ டி விளக்குகளும், செடிகளின் வளர்ச்சியை கண்காணிக்கும் விண்வெளி வீரர்களுக்கு, பச்சை நிற எல் இ டி விளக்குகளும் பயன்படுத்தப்பட்டன. மேலும் தேவையான நீர் சிரிஞ்சி மூலம் தரப்பட்டுள்ளது என்பதும் குறிப்பிடத்தக்கது.    

ச. ஆனந்தப்பிரியா

(மாணவப்பத்திரிக்கையாளர்)
 

எடிட்டர் சாய்ஸ்

MUST READ