Vikatan.com

www.vikatan.com would like to send you push notifications.

Notifications can be turned off anytime from browser settings.

'தாயின் வயிற்றில் இருக்கும் குழந்தைகளைத் தாக்கும் சிகா வைரஸ் இந்தியாவையும் தாக்கும்'!

ஜெனிவா: பெண்ணின் கர்ப்பத்தில் இருக்கும் குழந்தைகளைத் தாக்கி, மூளை வளர்ச்சியைப் பாதிக்கும் சிகா வைரஸ்,  இந்தியாவிலும் தாக்கத்தை ஏற்படுத்தும் என்று உலக சுகாதார அமைப்பு எச்சரித்துள்ளது.

கடந்த சில வாரங்களாக,  தென் அமெரிக்க கண்ட நாடுகளில் கடுமையான பாதிப்பை உண்டாக்கிவரும் சிகா வைரஸ் தாக்குதல் ஏராளமான குழந்தைகளை பாதிப்படைய செய்து,  பெரும் அதிர்ச்சியை உண்டாக்கியுள்ளது. மேலும் இந்த சிகா வைரஸ்,  தொற்று நோய் கொசுக்களால் பரவும் என்றாலும் பாலுறவு மூலமும்  பரவுவதாக விஞ்ஞானிகள் கண்டறிந்துள்ளனர். இதனால் வரும் 2018-ம் ஆண்டு வரை பெண்கள் கருத்தரிக்க வேண்டாம் என்று  பிரேசில், கொலம்பியா, எல்-சல்வடோர் உள்ளிட்ட தென் அமெரிக்க நாடுகளில் அறிவுறுத்தப்பட்டுள்ளது.


கருவில் இருக்கும் குழந்தைகளை தாக்கும் இந்த நோயின் அறிகுறிகளைக்கூட இதுவரை அறிய முடியாதது மருத்துவ உலகத்திற்கு புதிய சவாலாக உள்ளது. இந்த நோயால் பாதிக்கப்படும் குழந்தைகளின் தலை, மிகச்சிறியதாக இருக்க வாய்ப்புள்ளதாக கூறும் நிபுணர்கள்,  வெளியில் தெரியாமலும் இந்த வைரஸ் குழந்தைகளை தாக்கக்கூடியது என்றும் எச்சரித்துள்ளனர்.

இதனையடுத்து சிகா வைரஸ் நோய் கிருமிகளை கண்டறிந்து தடுக்கும் மருந்துகள் குறித்து அமெரிக்க மருத்துவ நிபுணர்கள் ஆய்வு மேற்கொண்டுள்ளனர். பிரேசில், கொலம்பியா, எல்-சல்வடோர் உள்ளிட்ட தென் அமெரிக்க நாடுகளில் வைரஸ் பரவலால் பெரிதும் அச்சம் நிலவி வருகிறது. அந்த வைரஸ் தொற்று பரவியிருக்கும் நாடு ஒன்றில் இருந்து,  அமெரிக்கா திரும்பிய வெர்ஜினியாவை சேர்ந்த ஒருவருக்கு அந்த வைரஸ் இருப்பது, கடந்த செவ்வாயன்று கண்டுபிடிக்கப்பட்டது.
 
பிறக்கும் குழந்தைகளில் குறைபாடுகளை ஏற்படுத்தக்கூடிய சிகா வைரஸை தடுக்கும் தடுப்பு மருந்துகள், அதற்கான சிகிச்சைகள் குறித்து விரைவாக கண்டு பிடிக்குமாறு  அதற்குரிய தீவிர நடவடிக்கைகளில் ஈடுபடுமாறு  அமெரிக்க அதிபர் ஒபாமா வேண்டுகோள் விடுத்துள்ளது குறிப்பிடத்தக்கது.

இந்தியாவில் ஏற்கெனவே  டெங்கு,  சிக்குன்குனியா போன்ற தொற்று நோய்  தாக்குதல்கள் பரவலாக உள்ளன. அதிலும் தமிழகத்தில் அவ்வப்போது இந்தக் காய்ச்சலுக்கு உயிரிழப்புகளும் நடக்கின்றன.  இத்தகைய சூழ்நிலையில்,மேலும் ஒரு வைரஸ் தொற்று நோய் ஆபத்து நிலவுவது கவனிக்கத்ததக்கது.

இதனிடையே இந்தியா போன்ற 23 நாடுகளுக்கு சிகா வைரஸ் நோய் எச்சரிக்கை உலக சுகாதார நிறுவனத்தால் விடுக்கப்பட்டுள்ளது.  

 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ