Vikatan.com

www.vikatan.com would like to send you push notifications.

Notifications can be turned off anytime from browser settings.

காதலர் தினம் கொண்டாட ஏற்ற நகரம் : உலகிலேயே' ரொமான்டிக் சிட்டி' பாரீஸ்!

காதலர் தினம் நெருங்கி வரும் வேளையில் உலகின் ரொமான்டிக் நகரமாக பாரீஸ் தேர்வு செய்யப்பட்டுள்ளது. ஐ.எஸ்.தீவிரவாதிகள் தொடர்ச்சியாக தாக்குதல் நடத்தி வந்தாலும் இந்த பிரெஞ்சு தலைநகருக்கு உலக மக்களிடையே சற்றும் மவுசு குறையவில்லை. காதலர் தினம் கொண்டாட ஏற்ற முதல் 10 நகரங்கள் பட்டியலில் பாரீஸ் நகரமே சிறந்தது என  69 சதவீத மக்கள் வாக்களித்துள்ளனர்.

இந்த பட்டியலில் 2வது இடம் இத்தாலி தலைநகர் ரோமுக்கு கிடைத்துள்ளது. இந்த நகருக்கு 56 சதவீத வாக்குகள் கிடைத்துள்ளது. அடுத்த இடத்தையும் இத்தாலியின் ஃப்ளோரன்ஸ் நகரம் பெறுகிறது.  இந்த நகரம் 43 சதவீத வாக்குகளை பெற்றுள்ளது. நியூயார்க் 26 சதவீதமும் பார்சிலோனா 24 சதவீதமும் ரியோடி ஜெனிரோ 23 சதவீதமும் பெற்று அடுத்தடுத்த இடங்களை பிடிக்கின்றன.அடுத்த நான்கு இடங்களை சான்பிரான்ஸிஸ்கோ, கான்கன், லண்டன், வியன்னா நகரங்கள் பெற்றுள்ளன.

டேட்டிங் செல்வதற்கு ஏற்ற நகரங்கள் பட்டியலில் 'ஹாலிவுட் புகழ்' லாஸ் ஏஞ்சல்ஸ் முதலிடம் பிடிக்கிறது. இந்த நகருக்கு 41 சதவீத வாக்குகள் கிடைத்துள்ளது. அடுத்த இடத்தில் நியூயார்க் வருகிறது. தொடர்ந்து மியாமி, பாரீஸ், ரோம், ரியோடி ஜெனிரோ, லாஸ் வேகாஸ், சான்பிரான்சிஸ்கோ, ஃப்ளோரன்ஸ், பார்சிலோனா ஆகிய நகரங்கள் முதல் 10 இடங்களுக்குள் வருகின்றன.

உலகிலேயே 'செக்ஸியஸ்ட்' சிட்டி வரிசையில் பாரீஸ் 61 சதவீத வாக்குகளை பெற்று முதலிடத்தை பெறுகிறது. அடுத்த இடத்தை பெற்றுள்ள பிரேசிலின் ரியோடி ஜெனிரோவுக்கு 37 சதவீத வாக்குகள் கிடைத்துள்ளது. ஃப்ளேரன்ஸ், மியாமி, லாஸ்வோகாஸ் ஆகியவை பிற செக்ஸியஸ்ட் நகரங்கள்.

ஜெர்மனியை சேர்ந்த ஜி.எப்.கே என்ற சந்தை ஆராய்ச்சி நிறுவனம் நடத்திய ஆய்வில் இது தெரிய வந்துள்ளது.

எடிட்டர் சாய்ஸ்

அப்போலோ டூ எம்.ஜி.ஆர் சமாதி... ஜெயலலிதாவுக்கு அரண் அமைத்த மன்னார்குடி!

MUST READ