Vikatan.com

www.vikatan.com would like to send you push notifications.

Notifications can be turned off anytime from browser settings.

மீள்குடியேற்றத்திற்கு ஏன் தாமதம்? ததேகூ-விடம் கேள்வி எழுப்பிய ஹுசைன்!

போரினால் பாதிக்கப்பட்ட மக்களின் மீள்குடியேற்ற நடவடிக்கைகளில் ஏற்பட்டுள்ள தாமதத்திற்கான காரணம் குறித்து தமிழ்த் தேசியக் கூட்டமைப்பினரிடம், ஐக்கிய நாடுகள் மனித உரிமை ஆணையாளர் ஹூசைன் கேள்வி எழுப்பியுள்ளார்.

எதிர்க்கட்சி தலைவர் இரா.சம்பந்தன் மற்றும் தமிழ்த் தேசியக் கூட்டமைப்பின் உறுப்பினர்கள் ஐக்கிய நாடுகள் மனித உரிமை ஆணையாளர் செய்ட் அல் ஹூசைனை சந்தித்து பேச்சுவார்த்தை நடத்தியுள்ளனர். இந்த சந்திப்பு கொழும்பிலுள்ள நட்சத்திர விடுதியொன்றில் இன்று காலை நடைபெற்றது.
 

இந்த சந்திப்புக்கு பின்னர் செய்தியாளர்களிடம் பேசிய  கூட்டமைப்பின் தலைவர் சம்பந்தன், வடக்கு மற்றும் கிழக்கு மாகாண மக்கள் எதிர்நோக்கும் பிரச்னைகள் தொடர்பாக பேசியதாகவும், இந்த பிரச்னைகளுக்கு அரசிடம் பேச்சுவார்த்தை நடத்தி உரிய தீர்வை பெற்றுத் தருவதாக மனித உரிமை ஆணையாளர் தமக்கு உறுதியளித்ததாகவும் தெரிவித்தார்.

அத்துடன், அரசியல் கைதிகள் மற்றும் மீள்குடியேற்றம் தொடர்பாக இன்றைய தினம் பேசியதாகவும் நாடாளுமன்ற உறுப்பினர் எம்.ஏ.சுமந்திரன் தெரிவித்துள்ளார்.

அதனைத் தொடர்ந்து, போரினால் பாதிக்கப்பட்ட மக்களின் மீள்குடியேற்ற நடவடிக்கைகளில் ஏற்பட்டுள்ள தாமதத்திற்கான காரணம் குறித்தும் செய்ட் அல் ஹூசைன் இதன்போது தமிழ்த் தேசியக் கூட்டமைப்பினரிடம் கேள்வி எழுப்பியுள்ளார்.

அத்துடன், பிரதமருடனான சந்திப்பின்போது மீள்குடியேற்றம் தொடர்பாகவும், அரசியல் கைதிகள் தொடர்பாகவும் பேசுவதாக ஐநா மனித உரிமை ஆணையாளர் உறுதி அளித்துள்ளதாக தமிழ்த் தேசியக் கூட்டமைப்பினர் தெரிவித்துள்ளனர்.

எடிட்டர் சாய்ஸ்

MUST READ