Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

பாகிஸ்தானுக்கு எப் -16 ரக போர் விமானம் வழங்க அமெரிக்க செனட் சபை ஒப்புதல்

பாகிஸ்தானுக்கு எப்- 16 ரக போர் விமானங்களை வழங்க அமெரிக்க செனட் சபை ஒப்புதல் அளித்துள்ளது.

எல்லாவிதமான கால நிலையிலும் செயல்படக் கூடிய இந்த எப் -16 ரக போர் விமானங்கள்,  ஈராக் போரின் போது முக்கிய பங்காற்றின. இந்த ரகத்தை சேர்ந்த 8 போர் விமானங்களை பாகிஸ்தானுக்கு அமெரிக்கா வழங்கவுள்ளது.  அமெரிக்க செனட் சபையும் இதற்கு ஒப்புதல் அளித்துள்ளது.  இதற்காக 690 மில்லியன் அமெரிக்க டாலர்களை பாகிஸ்தான்,  அமெரிக்காவுக்கு வழங்கும்.

''பாகிஸ்தானுக்கு வழங்கப்படும் இந்த போர் விமானங்களால், நவீன போர் சூழலுக்கு ஏற்ப பாகிஸ்தானின் விமானப்படை வலு பெறும் என்றும்,  தீவிரவாதிகளுக்கு எதிராக போராடவும் உதவியாக இருக்கும்'' என்றும் அமெரிக்கா தெரிவித்துள்ளது.

கடந்த அக்டோபர் மாதம், பாகிஸ்தான் பிரதமர் நவாஷ் ஷெரீப் அமெரிக்க பயணம் மேற்கொண்டார். அப்போது இது குறித்த பேச்சுவார்த்தையும்  நடைபெற்றது .

இதற்கிடையே பாகிஸ்தானுக்கு எப்- 16 ரக போர் விமானங்களை வழங்க  இந்தியா கடும் எதிர்ப்பு தெரிவித்துள்ளது. இந்த நடவடிக்கை அதிருப்தி அளிப்பதாக இந்திய வெளியுறவுத்துறை அமைச்சகச் செய்தி தொடர்பாளர் விகாஸ் ஸ்வரூப் தெரிவித்துள்ளார்.

இது குறித்து அவர் கூறுகையில், "ஒபாமா நிர்வாகத்தின் இந்த முடிவு அதிருப்தி அளிக்கிறது . பாகிஸ்தானில் தீவிரவாதத்தை ஒழிக்க அமெரிக்கா போர் விமானத்தை அளிப்பதாக கூறுவதை ஏற்றுக் கொள்ள முடியவில்லை.  இதற்காக இந்திய வெளியுறவுத்துறை தரப்பில் இருந்து  அமெரிக்க தூதருக்கு சம்மன் அனுப்பப்படும் . அமெரிக்காவின் முடிவுக்கு கடும் எதிர்ப்பு தெரிவிக்கும் வகையில் அந்த சம்மன் இருக்கும் '' என்றார்.

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement
Advertisement
[X] Close