Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

மரணத்தை தழுவிய அன்பு மகள்... ஒரு தாயாரின் உருக்கமான நடைபயணம்!

குணப்படுத்த முடியாத நோயால் உயிரிழந்த தன்னுடைய மகளை போல் இனி யாரும் உயிரிழக்க கூடாது என்ற எண்ணத்தில்  பெண் ஒருவர், நிதி திரட்டுவதற்காக சுமார் 8,000 கி.மீட்டர் தூரம் நடைபயணத்தை தொடங்கியுள்ளது பார்ப்பவர்களின் மனதை உருக வைத்துள்ளது.

இங்கிலாந்தில் உள்ள செல்டேன்கம் என்ற நகரில் நடாலியா(41) என்ற பெண், தனது 5 வயது மகளான எலிசபெத் ஸ்பென்சருடன் மகிழ்ச்சியாக வாழ்ந்து வந்துள்ளார். கிறிஸ்துமஸ் பண்டிகையை உற்சாகமாக கொண்டாட திட்டமிட்டிருந்தபோது, துரதிர்ஷ்டவசமாக அவரது மகளை வினோதமான நோய் ஒன்று தாக்கியுள்ளது. மகளின் நிலையை கண்டு அதிர்ச்சி அடைந்த தாயார்,  பிரிஸ்டோல் குழந்தைகள் மருத்துவமனையில் தனது மகளை அனுமதித்தார். ஆனால், குழந்தையின் நோய் எதிர்ப்பு சக்தி குறைந்துகொண்டு சென்றதால், அவரது உடல்நலனும் மிகவும் பாதிக்கப்பட்டது.
 

17 நாட்கள் கடுமையாக போராடியும், கிறிஸ்துமஸ் தினத்தை காணாமலேயே குழந்தை மரணத்தை தழுவியது. அன்பு மகளின் இழப்பை தாங்க முடியாத தாயார், பல நாட்கள் துயரத்திலிருந்து விடுபட முயன்றுள்ளார்.

அப்போது, ‘தனது மகளை இழந்தது போல் மற்றொரு தாயாரும் அவருடைய பிள்ளைகளை இழக்கக் கூடாது’ என முடிவெடுத்து,  தனது குழந்தைக்கு சிகிச்சை அளித்த பிரிஸ்டோல் குழந்தைகள் மருத்துவமனைக்கு நிதி திரட்ட நடைபயணம் மேற்கொள்ள தீர்மானித்தார். இதனை செயல்படுத்தும் விதமாக தனது மகளை இறுதியாக அழைத்துச்சென்ற டோர்செட் நகருக்கு நேற்று சென்று,  அங்கிருந்து தனது நடைபயணத்தை தொடங்கியுள்ளார்.

இது குறித்து நடாலியா கூறுகையில், "எனது மகளை பிரிந்த துன்பத்தை விட இந்த 8,000 கி.மீட்டர் தூரம் கடினமானது இல்லை. இந்த தூரத்தை கடந்து,  என்னால் இயன்ற வரை நிதி திரட்டி மருத்துவமனைக்கு அளித்து,  மற்ற குழந்தைகளையும் பாதுகாக்க முயற்சி செய்வேன்" என தெரிவித்தார்.

இந்த நடைபயணத்தின் மூலம், சுமார் 98.93 லட்சம் ரூபாய் நிதி திரட்ட  நடாலியா திட்டமிட்டுள்ளது குறிப்பிடத்தக்கது.

Advertisement
Advertisement
Advertisement
Advertisement
Advertisement

எடிட்டர் சாய்ஸ்

ஆனந்த விகடன் சினிமா விருதுகள் - ஸ்பெஷல் ஆல்பம்!
Advertisement

MUST READ

Advertisement
[X] Close