Vikatan.com

www.vikatan.com would like to send you push notifications.

Notifications can be turned off anytime from browser settings.

இந்துத் திருமணங்களைப் பதிவு செய்யப் போகும் பாகிஸ்தான்!

பாகிஸ்தானில், இந்துக்களே இரண்டாவது பெரிய சிறுபான்மையினர். இவர்களின் மக்கள் தொகை 33 லட்சத்தைத் தொடும்.

பாகிஸ்தானின் சிந்து மாகாணத்தில் இருக்கும் சிந்தி மக்கள் கூட்டத்தின் "இந்துத் திருமண மசோதா 2015" நேற்று நிறைவேற்றப்பட்டது. இதன் மூலம், பாகிஸ்தான் நாட்டிலேயே இந்து, ஜெயின் மற்றும் சீக்கியத் திருமணங்களை முறைப்படுத்தி, பதிவேட்டிற்குள் கொண்டு வரப்போகும் முதல் மாகாணம் என்ற பெருமையை சிந்து பெற்றுள்ளது.

இது குறித்து பாகிஸ்தான் இந்துக் கழகத்தின் பொதுச் செயலாளர் தீபக் குமார் பாக்சன்தனி கூறுகையில், "நீண்டகால தேவையாக இருந்த இந்த மசோதா தற்போது அமலுக்கு வந்துள்ளது. இத்தனை நாட்கள்  சரிவர பதிவு செய்யப் படாமல்  பல்வேறு இந்துத் திருமணங்கள் நடந்துள்ளது" என்று கூறினார்.

இந்த மசோதாவை முன் நிறுத்திய சட்ட அமைச்சர் நிசார் அஹ்மத் குரோ, "பாகிஸ்தான் உருவானதில் இருந்து இப்படிப்பட்ட ஒரு சட்டம் கொண்டு வரப்பட்டுள்ளது இதுவே முதல் தடவை ஆகும். இந்த முடிவு இந்துத் திருமணங்கள் முறைப்படி எழுதப்படவே!" என்றார்.

சில இந்துத் தலைவர்கள், "இந்தத் திட்டம், விதவைப் பெண்களின் திருமண உரிமைகளைப் பாதுகாக்கும் விதமாக அமையும். அதாவது, துணை ஊதியம்,கணவனின் சொத்தில் ஒரு பங்கு, திருமண வயது 18 எனப் பல விதிகளை தன்னகத்தே அடக்கியது. இது, இந்து சமூகத்தில் உள்ள பலப் பிரச்சனைகளில் ஒன்றான பழைய நடைமுறைகள், குழந்தைத் திருமணம் என பலவற்றிற்கு முற்றுப் புள்ளி வைக்கும் விதமாக அமையும்" என்றும் கூறுகிறார்கள்.

சட்டப்பூர்வமான திருமணச் சான்றிதழ் இல்லாததால், இத்தனை நாள், இந்துத் தம்பதியினர்களால், வெளிநாட்டு வேலைகளுக்கு விண்ணப்பிக்க முடியாமல் போனது என்பது குறிப்பிடத்தக்கது.
இந்த மசோதா, சில விதிமுறைகளையும் வகுத்துள்ளது. அதில், திருமணம் செய்து கொள்பவர்களுக்கு குறைந்தபட்சம் 18 வயது நிறைவடைந்திருக்க வேண்டும், இருவரும் தங்களது பரஸ்பர விருப்பத்தைத் தெரிவிக்க வேண்டும், 2 பேராவது சாட்சிக்கு திருமண வேளையில் இருக்க வேண்டும்" என்பதே. இது நம்மூர் விதிமுறைகளில் இருந்து சிறிதும் மாற்றம் இல்லாத ஒன்று.

மேலும் இந்தத் திட்டத்தை விதி தவறாமல் செயல்படுத்த, பதிவு செய்யத் தவறும் தம்பதியினருக்கு 1000 ரூபாய் அபராதம் விதிக்கப்படும் என்றும் அறிவிக்கப்பட்டுள்ளது.  

இத்தனை நாள், அரசு நடவடிக்கை எடுக்காமல் இருந்த அலட்சியத்தால், வங்கிகளில் கணக்கு வைக்க முடியாத சிக்கல், விசா மறுப்பு மற்றும் அரசு சான்றிதழ்கள் பெறுவதில் குழப்பங்கள் ஆகிய பல பிரச்னைகள் முடிவுக்கு வந்துவிடும். 

மு.சித்தார்த் (மாணவப் பத்திரிகையாளர்)

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ