Vikatan.com

www.vikatan.com would like to send you push notifications.

Notifications can be turned off anytime from browser settings.

நோபல் பரிசுக்கு பெடலை அழுத்தும் ஆப்கன் பெண்கள் சைக்கிளிங் அணி!

ப்கானிஸ்தானில் ஒரு பெண் சைக்கிள் ஓட்டுவது என்பது, சமுதாயத்தைக் கெடுக்கும் ஒரு விளைவு என்ற கருத்தாகவே இருந்தது. இது போன்று, பல இடங்களில் மதத்தை முன்னிறுத்தி பெண்களின் உரிமைகள் மறுக்கப்படுவது ஆப்கான் போன்ற நாடுகளில் மிகவும் சாதாரணம். 

ஆனால் இன்று நிலைமைகள் மாறி வருகின்றன. இரு சக்கரங்கள் கொடுக்கும் சுதந்திர உணர்வை வெகு நாட்களாகவே அந்நாட்டின் சில பெண்கள் கண்டறிந்து வந்தனர்.

 ஆப்கானிஸ்தானின் இந்த தேசிய பெண்கள் சைக்கிளிங் அணியே, அந்நாட்டில் பெண்கள் இருசக்கர வாகனங்களை, பொது சமூகச் சூழல்களில் ஓட்ட வழி வகுத்து வகுத்து வருகிறது.
 
அவர்கள் சந்திக்கும் பல்வேறு தடைகளில் பாலின பாகுபாடு மிகவும் முக்கியமான ஒன்று. ஆனால், அதையும் போராடி, அவர்கள் பெடலை மிதித்து முன்னேறிச் செல்கிறார்கள் என்பது பாராட்டிற்குரிய விஷயம். சமூக நீதிக்காகவும், சமூகத்தில் படிந்துள்ள கறைகளை வெளிச்சம் போட்டுக் காட்டுவதற்காகவும் சைக்கிள் ஓட்டும் இவர்கள், தங்களை அறியாமலேயே உலகம் முழுவதும் இருக்கும் பெண்களை ஊக்குவித்து வருகிறார்கள்.
இத்தாலியைச் சேர்ந்த 118 அமைச்சர்கள் இவர்களின் சைக்கிளிங் அணியை "2016-ம் ஆண்டிற்கான நோபல் பரிசி" ற்கு பரிந்துரை செய்துள்ளனர். இதற்கு அப்பெண்களின் ஈடுபாடும் கடின உழைப்பே காரணம் என்று கூறுகின்றனர்.

40 பேர் கொண்ட இக்குழுவிற்கு சாரா ஹுசைனி என்ற பெண் தலைமை தாங்குகிறார். பல இடைஞ்சல்களையும் அச்சுறுத்தல்களையும் தாண்டி இவர்கள் பங்கேற்கிறார்கள்.
 
அணியில் இடம் பெற்றுள்ள ஒரு பெண் கூறுகையில்,  "இங்கு இருக்கும் பெரியவர்கள் ஒரு சைக்கிள்,  பெண்ணின் எதிர்காலத்தையே பாதித்து விடும் என்று கூறுவர். இது போன்ற விஷயங்களை காது கொடுத்துக் கேட்டுக் கொண்டிருந்தால் எங்களால், வீடு தாண்டி வெளியே வந்திருக்கக் கூட முடியாது" என்றார்.

இதை மையமாகக் கொண்ட "ஆப்கான் சைக்கிள்ஸ்" (AFGHAN CYCLES) என்ற ஆவணப் படமும் விரைவில் வெளியாக உள்ளது.
 
இந்த முயற்சி ஒரு புரட்சியை ஏற்படுத்துமா என்று கேட்டால், கட்டயாமாக !

பாகிஸ்தானில் மலாலா அனுபவித்த துயரத்தைப் போல், பல்வேறு பெண்கள் தினந்தினம் தங்கள் வாழ்க்கையைத் தொலைத்து வருகின்றனர். தங்களுக்கும், பல போர்களால் முடங்கிப் போன ஆப்கான் நாட்டிற்கும், இவர்கள் தேடித் தரப் போகும் பெருமை, அந்நாட்டு பெண்கள் போக்குவரத்திற்காக சைக்கிள் பயன்படுத்த வழி வகுக்கும் (கொடுக்கும்) என உலகமே நம்புகிறது.


மு.சித்தார்த் (மாணவப் பத்திரிக்கையாளர்)

எடிட்டர் சாய்ஸ்

அப்போலோ டூ எம்.ஜி.ஆர் சமாதி... ஜெயலலிதாவுக்கு அரண் அமைத்த மன்னார்குடி!

MUST READ