Vikatan.com

www.vikatan.com would like to send you push notifications.

Notifications can be turned off anytime from browser settings.

ஒபாமாவை ரால் கேஸ்ட்ரோ அவமதித்துவிட்டார்: டொனால்டு டிரம்ப் ட்வீட்!

வாஷிங்டன்: அமெரிக்க அதிபர் ஒபாமாவை கியூபா அதிபர் ரால் கேஸ்ட்ரோ விமான நிலையத்தில் சந்தித்து வரவேற்காதது அவமதிப்பு என்று டொனால்டு டிரம்ப் குற்றஞ்சாட்டி உள்ளார்.

அமெரிக்காவின் அருகில் அமைந்துள்ள தீவு நாடான கியூபாவில்,  1959–ம் ஆண்டு மக்கள் புரட்சி ஏற்பட்டது. சர்வாதிகாரி பாடிஸ்டாவின் ஆட்சிக்கு கம்யூனிஸ்டுகள் முடிவு கட்டினர். அந்நாட்டின் அதிபராக பிடல் காஸ்ட்ரோ பதவி ஏற்றார். கியூபாவுக்கு முன்னாள் சோவியத் ரஷ்யா,  தனது முழுமையான ஆதரவை அளித்தது. இதற்கிடையே, கியூபாவில் மனித உரிமைகள் மீறப்படுவதாக அமெரிக்கா குற்றம் சாட்டி வந்தது. மேலும் அந்நாட்டின் மீது கடுமையான பொருளாதார தடைகளையும் விதித்தது.

இதன் காரணமாக அமெரிக்காவுக்கும், கியூபாவுக்கும் இடையே 50 ஆண்டுகளுக்கும் மேலாக பனிப்போர் நீடித்து வந்தது. இந்த நிலையில் உடல் நலம் குன்றிய பிடல் காஸ்ட்ரோ, கடந்த  2008–ம் ஆண்டு,  தனது சகோதரர் ரால் கேஸ்ட்ரோவிடம் ஆட்சியை ஒப்படைத்தார். ரால் கேஸ்ட்ரோ பொறுப்புக்கு வந்த பின் அமெரிக்காவின் மீதான கடுமை சற்று தணிந்தது. 2014–ம் ஆண்டு உலக நாடுகள் வியப்படையும் வகையில் ஒபாமாவும், ரால் கேஸ்ட்ரோவும் இருநாடுகளும் இயல்பான உறவை தொடர விரும்புவதாக அறிவித்தனர்.

இதன் தொடர்ச்சியாக, அமெரிக்கா–கியூபா இடையே புதிய அத்தியாயத்தை ஏற்படுத்தும் விதமாக ஒபாமா, கியூபாவுக்கு பயணம் செல்ல இருப்பதாக அறிவித்தார். அதன்படி அவர் தனது மனைவி, மகள் என குடும்பத்தினருடன் 3 நாள் அரசு முறை பயணமாக கடந்த ஞாயிற்றுக்கிழமை புளோரிடாவில் இருந்து கியூபா நாட்டுக்கு ‘ஏர்போர்ஸ் ஒன்’ விமானம் மூலம் சென்றார். இதன் மூலம், 88 ஆண்டுகளுக்கு பின் கியூபாவுக்கு சென்ற முதல் அமெரிக்க ஜனாதிபதி என்ற பெருமையை ஒபாமா பெற்றார்.

ஒபாமா, அவரது மனைவி மிச்செல், மகள்கள் ஷாசா, மலியா, மிச்செலின் தாயாரான மரியன் ரோபின்சன் மற்றும் அமெரிக்க உயர் அதிகாரிகள் பயணித்த விமானம், கியூபா தலைநகர் ஹவானாவில் உள்ள ஜோஸ் மார்டின் சர்வதேச விமான நிலையத்தில் தரை இறங்கியதும், ஒபாமாவை கியூபாவின் வெளியுறவுத் துறை அமைச்சர் வந்து வரவேற்றார். மேலும், ஒபாமாவுக்கு கியூபா அரசு சார்பில் சிகப்பு கம்பள வரவேற்பு அளிக்கப்பட்டது. கியூபா மக்களும் தங்கள் பங்கிற்கு கியூபா-அமெரிக்க கொடிகளை கையில் ஏந்தியபடி ஒபாமாவுக்கு மகிழ்ச்சி பொங்க வரவேற்பு அளித்தனர்.

இந்நிலையில், அமெரிக்க அதிபர் வேட்பாளரான டொனால்ட் டிரம்ப், நேற்று ஒபாமா பயணம் குறித்து தனது ட்விட்டர் பக்கத்தில் பரபரப்பு குற்றச்சாட்டு ஒன்றை வெளியிட்டுள்ளார். அதில், ''அமெரிக்க அதிபர் ஒபாமா ஹவானா விமான நிலையத்திற்கு வந்தபோது, கியூபா அதிபர் ரால் கேஸ்ட்ரோ வந்து வரவேற்காமல் இருந்தது, ஒபாமாவை அவமதித்தது போல் இருந்தது.

போப் பிரான்சிஸ் மற்றும் பல முக்கிய தலைவர்கள் கியூபா நாட்டிற்கு சென்றபோது ரால் கேஸ்ட்ரோ நேரில் வந்து வரவேற்றார். ஆனால், ஒபாமாவை வரவேற்க ரால் கேஸ்ட்ரோ ஏன் நேரில் வரவில்லை? ஒபாமா மீது அவருக்கு மரியாதை இல்லை என்பதையே இது காட்டுகிறது" என்று குற்றஞ்சாட்டி பதிவிட்டு உள்ளார்.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ