Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

பெல்ஜியம் விமான நிலையத்தில் பயங்கர குண்டு வெடிப்பு- 21 பேர் பலி! (பதற வைக்கும் வீடியோ)

பெல்ஜியம் தலைநகர் பிரசெல்ஸ் விமான நிலையம் மற்றும் மெட்ரோ ரயில் நிலையத்தில் அடுத்தடுத்து நடந்த குண்டுவெடிப்பில் 21 பேர் உயிரிழந்தனர்; 30 பேர் படுகாயம் அடைந்தனர்.
 

பிரஸ்சல்ஸில் உள்ள சாவென்டிம் என்ற விமான நிலையத்தில் சற்று முன்னர் இரண்டுக்கும் மேற்பட்ட வெடிகுண்டுகள் வெடிக்கும் பலத்த ஓசை எழுந்ததை தொடர்ந்து, விமான நிலையம் முழுவதும் புகை மண்டலமாக காட்சியளித்துள்ளது.

இந்த பயங்கர வெடிவிபத்தில் 21 பேர் பலியாகியுள்ளதாகவும், 30 பேர் படுகாயமடைந்துள்ளதாகவும் அதிர்ச்சித் தகவல்கள் வெளியாகியுள்ள நிலையில், அதிகாரிகள் உடனடியாக விமான நிலையத்தை மூடியதுடன், அங்கிருந்த பயணிகளை அவசரமாக வெளியேற்றியுள்ளனர்.

மேலும், இந்த விமான நிலையத்திற்கு வந்த பல விமானங்கள் அண்ட்வர்ப் நகர விமான நிலையத்திற்கு திருப்பி விடப்பட்டுள்ளன. அதேசமயம், சில விமானங்கள் தரையிறங்கவும் முடியாமல், மற்ற விமான நிலையத்திற்கு திரும்பி செல்லவும் முடியாமல் லெஜ்ட் நகருக்கு மேல் இன்னும் வட்டமடித்து வருவதாக தகவல்கள் வெளியாகியுள்ளன.

சில நிமிடங்களுக்கு முன்னர் வெளியான தகவலில்,  இந்த விமான நிலையத்தில் உள்ள அமெரிக்க விமான நிறுவன உதவி மையத்திற்கு அருகில் இந்த வெடிவிபத்துக்கள் நிகழ்ந்துள்ளதாக தெரியவந்துள்ளது.

பாரீஸ் நகர தாக்குதலில் தொடர்புடைய முக்கிய தீவிரவாதி,  கடந்த வெள்ளிக்கிழமை பிரஸ்சல்ஸ் நகரில் கைது செய்யப்பட்ட நிலையில், இதே நகரில் உள்ள விமான நிலையத்தில் வெடிகுண்டுகள் வெடித்துள்ளது பரபரப்பை ஏற்படுத்தியுள்ளது.

விமான நிலையத்தில் அதிகாரிகள் சோதனை செய்ததில், வெடிக்காமல் இருந்த பல வெடிகுண்டுகளை கண்டுபிடித்து மீட்டுள்ளனர்.


தற்போது வெளியாகியுள்ள தகவலின் படி, இது தீவிரவாத தாக்குதல்தான் என அதிகாரிகள் உறுதிபடுத்தியுள்ளனர்.

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close