Vikatan.com

www.vikatan.com would like to send you push notifications.

Notifications can be turned off anytime from browser settings.

அர்ஜென்டினாவில் ஒபாமா ஆடிய நடனம்: வைரல் வீடியோ!

நியூயார்க்: அமெரிக்க அதிபர் ஒபாமா, தனது மனைவி மிச்சலுடன் அர்ஜென்டினா சென்றுள்ளார். அங்கு அவர் ஒரு பெண் நடன கலைஞருடன் டான்ஸ் ஆடி உள்ளார். அந்த வீடியோ தற்போது இணையதளத்தில் வைரலாக பரவி வருகிறது.

அமெரிக்க அதிபர் ஒபாமா, தனது மனைவி மிச்சலுடன் சீர்த்திருத்தங்கள் குறித்து விவாதிக்க அர்ஜென்டினா சென்றுள்ளார். அங்கு அவர்களுக்கு நேற்று இரவு அர்ஜெண்டினா அதிபர் விருந்து அளித்தார். அந்த விருந்து நிகழ்ச்சியில் பல முக்கிய பிரமுகர்களும் கலந்து கொண்டனர்.

விருந்து நிகழ்ச்சியின்போது, டங்கோ டான்ஸர்கள் நடனம் ஆடிக் கொண்டிருந்தனர். அப்போது, திடீர் என ஒரு பெண் நடன கலைஞர், அதிபர் ஒபாமா அருகில் வந்து அவரை நடனமாட அழைத்தார்.

அதை ஏற்று ஒபாமாவும் அவருடன் சிறிது நேரம் நடனம் ஆடினார். அந்த நேரத்தில், ஒபாமாவின் மனைவி மிச்சலும் எழுந்து சென்று ஆண் நடன கலைஞருடன் நடமாட தொடங்கினார்.

பிரசல்ஸ் தாக்குதல் சம்பவம் நிகழ்ந்தபோது கியூபாவில் பேஸ்பால் விளையாட்டை ஒபாமா ரசித்து பார்த்தது சர்ச்சையை ஏற்படுத்தியிருந்தது. இந்நிலையில் இந்த வீடியோ காட்சி தற்போது இணையத்தில் வைரலாக பரவி மேலும் விமர்சனத்துள்ளாகி உள்ளது.

இது தொடர்பாக அமெரிக்க குடியரசு கட்சி வெளியிட்டுள்ள ட்விட்டர் தகவலில், ''ஐ.எஸ். தீவிரவாதிகள் நமது நேச நாடு மீது தாக்குதல் நடத்தியுள்ளனர். ஆனால், ஒபாமாவோ நடனமாடிக் கொண்டிருக்கிறார்" என்று தெரிவித்துள்ளது.

மேலும் இதேபோல் பல்வேறு தரப்பினரும் ஒபாமாவின் இந்த செயலுக்கு தங்களின் கண்டனத்தை தெரிவித்து வருகின்றனர்.

பிரல்ஸில் நடத்தப்பட்ட தாக்குதலில் 9 அமெரிக்கர்களும் காயமடைந்துள்ளனர். இந்த தாக்குதலையடுத்து உடனடியாக நாடு திரும்பும்படி பல்வேறு தரப்பினரும் ஒபாமாவை கேட்டுக் கொண்டனர். ஆனாலும் அதனை ஒபாமா நிராகரித்துவிட்டு தனது பயணத்தை தொடர்ந்துள்ளார் என்பது குறிப்பிடத்தக்கது.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ