Vikatan.com

www.vikatan.com would like to send you push notifications.

Notifications can be turned off anytime from browser settings.

புருஸ்ஸெல்ஸ் நாயகன் அல்ஃபோன்ஸ் யூலா!

புருஸ்ஸெல்ஸ் விமான நிலையத்தில், கடந்த செவ்வாய் அன்று குண்டு வெடிப்பு நிகழ்ந்து பல உயிர்களை பலி வாங்கியது. அந்த கோர விபத்தில் படுகாயம் அடைந்த 7 பேரை, அந்த விமான நிலைய ஊழியர் அல்ஃபோன்ஸ் யூலா மீட்டு, அனைவரின் பாராட்டிற்கும் ஆளாகியுள்ளார்.

அந்த விமான நிலையத்திலிருந்து ஆப்பிரிக்க நாட்டிற்கு செல்லும் பயணிகளின் பேக்கேஜ் மற்றும் அந்த விமானங்களின் பாதுகாப்பு பணியில் ஈடுபட்டிருந்த யூலா, குண்டு வெடிக்கும் பொழுது, நுழைவு வாயிலின் அருகே இருந்தார். காயமடைந்த 7 பேரை, சம்பவ இடத்திலிருந்து அகற்றி, மருத்துவ உதவி பெறுவதற்கு அவர் உதவினார்.

பி.பி.சி -யின் ஐரோப்பிய செய்தியாளர் கேவின் லீ "குண்டு வெடிப்பின் போது யூலா பயணிகளின் உடமைகளை கட்டிக் கொண்டிருந்தார், பிறகு 7 பேரை காப்பாற்ற உதவினார்" என தனது ட்விட்டர் பக்கத்தில் தெரிவித்துள்ளார்.

"உயிரற்று பலர் கீழே கிடந்ததை பார்த்தேன், கை கால்களை இழந்து நகரவும் முடியாமல் இருந்ததையும் பார்த்தேன். படுகாயமடைந்த 7 பேர்களை மட்டுமின்றி 5 உயிரற்ற  சடலங்களையும் அப்புறப்படுத்தினேன்" என்று யூலா கேவின் லீயிடம் கூறியுள்ளார்.

பயணிகளின் ரத்தத்தோடு, விமான நிலையத்தின் டைல்ஸ்களும் சிதறிக் கிடக்கும் வீடியோக்களும் படங்களும் பரவிக் கொண்டிருப்பது குறிப்பிடத் தக்கது.

-பா. அபிரக்ஷன்
(மாணவப் பத்திரிகையாளர்)

எடிட்டர் சாய்ஸ்

MUST READ