Vikatan.com

www.vikatan.com would like to send you push notifications.

Notifications can be turned off anytime from browser settings.

மீண்டும் பஞ்சம் ஏற்பட போகிறது... எச்சரிக்கும் வட கொரியா!

வட கொரியா: பொருளாதார தடையால் மீண்டும் பஞ்சம் ஏற்பட போகிறது என்று வட கொரிய அரசு எச்சரிக்கை விடுத்துள்ளது.

வட கொரியாவில் கடந்த 1994 முதல் 1998 ஆண்டுகளில் ஏற்பட்ட கடுமையான பஞ்சம் காரணமாக லட்சக்கணக்கான மக்கள் உணவின்றி பெரிதும் துன்பமுற்றனர். உணவு இல்லாமல் தவித்த மக்கள் மரங்களின் வேர்களை வெட்டி உணவாக சாப்பிட்டனர். பல்லாயிரக்கணக்கான மக்கள் எலிகளையும், இறந்து கிடந்த மனித சடலங்களையும் உணவாக சாப்பிட்டனர். இந்த பஞ்சத்தில் சிக்கி சுமார் 30 லட்சத்துக்கும் மேற்பட்ட குடிமக்கள் பரிதாபமாக உயிர் இழந்தனர். இந்த சம்பவம் அப்போது உலகையே உலுக்கியது.

உலக நாடுகளின் எதிர்ப்புகளை மீறி வட கொரியா மீண்டும் அணு ஆயுத சோதனை, ஏவுகணையை செலுத்துவது உள்ளிட்ட நடவடிக்கைகளை மேற்கொண்டதால் அந்நாட்டின் மீது கடுமையான பொருளாதார தடைகளை விதிக்க சீனா ஒப்புக்கொண்டுள்ளது. இதன் விளைவாக வட கொரியாவில் மீண்டும் பஞ்சம் ஏற்பட உள்ளதாக தகவல்கள் வெளியாகியுள்ளன.

மேலும், தலைநகரான பியோங்யாங்கில் வசிக்கும் குடிமக்கள் அரசாங்கத்திற்கு மாதம் ஒருமுறை, ஒரு கிலோ அரிசி கொடுத்து சேமிக்க வேண்டும் என உத்தரவிடப்பட்டதாகவும் செய்திகள் வெளியாகியுள்ளன.

இந்நிலையில், வட கொரிய அதிபர் கிம் யோங், அரசாங்க பத்திரிகையான 'ரோடோங் சின்முன்'ல் ஒரு பரபரப்பு செய்தியை வெளியிட்டுள்ளார். அதில், ''குடிமக்களே, வட கொரியா நாட்டை தாக்க மீண்டும் ஒரு கடுமையான பஞ்சம் ஏற்பட போகிறது. மரங்களின் வேர்களை மீண்டும் சாப்பிடுவதற்கான சூழல் தற்போது ஏற்பட்டுள்ளது. அதனால், இந்த பஞ்சத்தை எதிர்கொள்ள குடிமக்கள் தயாராக இருங்கள்.

அதுமட்டுமில்லாமல், இந்த பஞ்சத்தில் உயிரிழப்புகள் ஏற்பட்டாலும், அதிபரையும், அரசாங்கத்தையும் குறை கூறக்கூடாது. நமது உயிரை கொடுத்தாவது அரசாங்கத்தின் பெயரை காப்பாற்ற வேண்டும்" எற்று குறிப்பிடப்பட்டுள்ளது.

எடிட்டர் சாய்ஸ்

ஜெயலலிதா வாழ்வின் சில ‘கடைசி’கள்!

MUST READ