Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

நடுவானில் விமானத்தை தாக்கிய மின்னல்...! (பதைபதைக்கும் வீடியோ)



இங்கிலாந்தில் தரையிறங்க இருந்த விமானத்தை மின்னல் தாக்கியதால்,  அதில் இருந்த பயணிகள் பீதியில் அலறினர். அதிர்ஷ்டவசமாக விமானத்தில் பயணம் செய்த அனைவரும் எவ்வித அசம்பாவிதமும் இன்றி விமானம் தரையிறங்கியது.

இங்கிலாந்து ஏர்வேஸ் நிறுவனத்துக்கு சொந்தமான இந்த விமானம்,  ஐஸ்லாந்தில் இருந்து சுற்றுலாப் பயணிகளுடன் லண்டன் ஹீத்ரோ விமான நிலையம் நோக்கி வந்து கொண்டிருந்தது. அப்போது திடீரென்று எதிர்பாராத வகையில்,  மின்னல் ஒன்று விமானத்தின் இறகு பகுதியை கடுமையாக தாக்கியுள்ளது. இதில் அந்த விமானத்தில் பயணம் செய்த பயணிகள் அனைவரும் பீதியில் அலறியுள்ளனர்.

இருப்பினும் மின்னல் தாக்கிய விமானத்தை இங்கிலாந்து ஏர்வேஸ் விமானி,  பத்திரமாக ஹீத்ரோ விமான நிலையத்தில் தரையிறக்கியுள்ளார். விமானத்தை மின்னல் தாக்கிய போது அந்த ஒரு நொடி வானம் இரத்தச் சிவப்பாக காட்சியளித்துள்ளதாக கூறுகின்றனர்.

விமானத்தில் இருந்த பலரும் மின்னலின் தாக்கத்தை உணர்ந்ததாகவும், அது விமானத்தில் மோதுவதை தங்களால் உணர முடிந்தது எனவும் அந்த விமானத்தில் இருந்த பயணிகள் அச்சத்துடன் தெரிவித்துள்ளனர்.

அந்த விமானத்தில் பயணம் செய்த அனைவரும்,  எவ்வித அசம்பாவிதமும் இன்றி விமானம் தரையிறங்கியதில் தங்களது மகிழ்ச்சியை தெரிவித்துள்ளனர்.

விமானம் பாதுகாப்புடன் தரையிறங்கியுள்ளது. இருப்பினும் முழுமையான சோதனைக்கு பின்னரே அடுத்த சேவைக்கு இந்த விமானத்தை பயன்படுத்த இருப்பதாக இங்கிலாந்து ஏர்வேஸ் நிறுவனம் தெரிவித்துள்ளது.


அதேவேளை, அன்றைய தினம் மட்டும் 3 விமானங்கள் மீது மின்னல் தாக்கியுள்ளதாக விமானிகள், நிர்வாகத்தினரிடம் தெரிவித்துள்ளனர்.

இங்கிலாந்து ஏர்வேஸ் விமானம் மின்னல் தாக்குதலை எதிர்கொள்ளும் வகையில் வடிவமைக்கப்பட்டுள்ளதால் அதிக பாதிப்பு ஏற்படுவதில்லை என கூறப்படுகிறது.

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close