Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

சுமேரியர் கால சுவையான பீர் தயாரித்த ராணுவ வீரர்!

ஜெருசலேம்: பைபிள் காலத்திற்கும் முந்தைய சுமேரியர் கால சுவையான பீர் ஒன்றை ராணுவ வீரர் ஒருவர் தயாரித்துள்ளார்.

பைபிள் காலத்திற்கும் முன்பு வாழ்ந்த சுமேரியர்கள், தானியங்களைக் கொண்டு புளிப்பு சுவை கொண்ட புதுவித பானத்தை (பீர்) தயாரித்து, முதன்முறையாக உலகிற்கு அறிமுகம் செய்தனர். ஆனால், தற்போது அந்த பீர் நடைமுறையில் இல்லை.

இந்நிலையில், ராணுவ வீரர் ஒருவர் அதேபோன்ற தானியங்களைக் கொண்டு, அதே சுவையுடன் கூடிய பீரை தயாரித்துள்ளார். இது பல்வேறு தரப்பினரிடம் பாராட்டை பெற்றுள்ளது.

ஜெருசலேமைச் சேர்ந்த ராணுவ வீரர் குத்மேன். இவர் கடந்த 10 ஆண்டுகளுக்கு முன்பாக தனக்கு தேவையான பீரை தயாரித்து பயன்படுத்தி வந்தார். இதையடுத்து, அவருக்கு சுவையான பீர் தயாரிப்பதிலும் மிகுந்த ஆர்வம் ஏற்பட்டது. இதையடுத்து, சுமேரியர்கள் கால சுவையான பீர் ஒன்றை தயாரித்துள்ளார்.

இதற்காக குத்மேன், சுமார் 10,000 ஆண்டுகளுக்கு முந்தைய சிறப்பு கோதுமையை போன்று மரபணு கோதுமையை விதைத்து, பல மாதங்கள் உழைத்து அறுவடை செய்துள்ளார். அதனுடன் ஹாப்ஸ், ஈஸ்ட் மற்றும் தண்ணீர் சேர்ந்து, பீர் ஒன்றை தயாரித்துள்ளார்.

இந்த பீர், சுமேரியர்கள் காலத்து பீர் போன்று புளிப்பு சுவையுடன் இருந்திருக்கிறது. மேலும், இவர் விளைவித்த கோதுமையில் இருந்து 16 லிட்டர் பீர் கிடைத்திருக்கிறது.

குத்மேன் தயாரித்த பீர் குறித்து தற்போது செய்திகள் வெளியாகியுள்ளது. இதையடுத்து, அதேப்போன்ற பீரை தயாரித்து தங்களுக்கும் தருமாறு ஏராளமானோர் குத்மேனிடம் கோரிக்கை விடுத்து வருகின்றனர்.

ஆனால், ''தற்போது தான் தயாரித்திருக்கும் பீரை விற்பனை செய்யவோ அல்லது அதற்கான சூத்திரத்தை பகிர்ந்து கொள்வதற்கோ  தாம் தயார் இல்லை'' என குத்மேன் தெரிவித்துள்ளார்.

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close