Vikatan.com

www.vikatan.com would like to send you push notifications.

Notifications can be turned off anytime from browser settings.

டைட்டானிக் நாயகனுக்கு வந்த 'திடீர்' சோதனை! -இஸ்லாமிய எதிர்ப்பை வெல்வாரா டி காப்ரியோ?

புகழ்பெற்ற இஸ்லாமியக் கவிஞர் ரூமி வேடத்தில், ஹாலிவுட் நடிகர் லியனார்டோ டி காப்ரியோ நடிப்பதற்கு எதிர்ப்பு கிளம்பியது. டி காப்ரியோவுக்கு எதிரான கையெழுத்து இயக்கத்தைத் தொடங்கி, அதிர வைத்திருக்கிறார் வாலரி ஜோனோவிக் என்பவர்.

தஜிகிஸ்தானின் வாக்ஸ் கிராமத்தில் 1207-ம் ஆண்டு பிறந்தவர் ஜலாலுதீன் ரூமி. பாரசீக மொழியில் இவர் எழுதிய மஸ்னவி, பறவைகளின் மாநாடு உள்ளிட்ட ஐந்தாயிரத்திற்கும் மேற்பட்ட கவிதைகள் மிகப் புகழ்பெற்றவை. 'பாரசீக ஷேக்ஸ்பியர்' என்றே ரூமி அழைக்கப்படுகிறார். ரூமியின் வழியைப் பின்பற்றி நடப்பவர்கள் உலகம் முழுவதும் உள்ளனர். தற்போது ரூமியின் வாழ்க்கை வரலாற்றைப் படமாக எடுக்க முயற்சி செய்து வருகின்றனர் ஹாலிவுட் திரைக்கதை எழுத்தாளர்கள் டேவிட் பிரான்ஜோனி மற்றும் ஸ்டீபன் ஜோயல் ஆகியோர்.  இந்தக் கதையில் ரூமி வேடத்தில் நடிக்க. 'தி ரெவனண்ட்' படத்திற்காக ஆஸ்கர் விருதை வென்ற லியனார்டோ டி காப்ரியோவைத் தேர்வு செய்துள்ளனர்.

மேலும், இந்தப் படத்தில் அயர்ன் மேன் படத்தில் நடித்த டவ்னி ஜுனியர், முதன்மையான பாத்திரத்தில் நடிக்க இருக்கிறார். ' இஸ்லாமியரைத் தவிர, வெள்ளைக்காரர் ஒருவர் இந்தப் படத்தில் நடிப்பதன் மூலம், இஸ்லாமிய மக்களுக்குச் சென்று சேரக் கூடிய அனைத்து நன்மைகளையும் அவரே பெறுகிறார். இதை நாம் அனுமதிக்கக் கூடாது. மத்திய கிழக்கு நாடுகளைச் சேர்ந்த ஒருவரே ரூமி கதாபாத்திரத்தில் நடிக்க வேண்டும்' என்ற கோரிக்கையை முன்வைத்து, கேர் 2 பெட்டிசன்ஸ் என்ற தளத்தின் மூலம் ஆதரவு திரட்டி வருகிறார் ஜோனோவிக். இதுவரையில், 13 ஆயிரத்திற்கும் மேற்பட்டவர்கள், டி காப்ரியோவுக்கு எதிர்ப்பு தெரிவித்துள்ளனர்.

' ரூமி பாத்திரத்தில் டி காப்ரியோ நடிப்பது சரியானதா?' என்ற கேள்வியை, தமிழ்நாடு முஸ்லிம் முன்னேற்றக் கழகத்தின் மாநிலச் செயலாளர் ஹாஜாகனியிடம் கேட்டோம்.

" ரூமியின் கதாபாத்திரத்தில் வெள்ளைக்காரர் ஒருவர் நடிப்பதை எதிர்ப்பதில் நியாயம் இருப்பது போலத் தெரியவில்லை. மகாத்மா காந்தியின் வாழ்க்கை வரலாற்றைப் படமாக்கியபோது, அந்தப் பாத்திரத்தில் சிறந்த முறையில் நடித்தவர் ஒரு வெள்ளைக்காரர்தான். நூறு கோடி பேர் இருக்கும் இந்தியாவில், காந்தியின் கதாபாத்திரத்தில் நடிக்க ஒருவருமே கிடைக்கவில்லையா என்ற கேள்வி எழவில்லை. அதேபோல், 1976 ம் ஆண்டு தி மேசேஜ் என்ற படத்தில், நபிகள் நாயகம் பற்றிய சித்தரிப்பில், சைகை மூலம் அவருடைய பாத்திரத்தை மிகச் சிறப்பாக நடித்திருந்தார் ஹம்ஜா என்பவர். இவர் இஸ்லாமியர் அல்ல. அவரைவிட சிறப்பாக வேறு யாரும் அந்தப் பாத்திரத்தில் நடித்திருக்க முடியாது என்பதே பேச்சாக இருந்தது.

அதேபோல், உமர்முக்தார் படம் வந்த பிறகுதான், லிபிய போராட்டமே வெளியுலகிற்கு தெரிய வந்தது. இந்தப் படத்தை இத்தாலி தடை செய்திருந்தது. ஒருமுறை லிபிய அதிபர் கடாபி, இத்தாலி சென்றிருந்தபோது, நல்லெண்ண அடிப்படையில் உமர் முக்தார் படத்திற்கான தடையை நீக்கியது இத்தாலி. இதில் உமர் முக்தார் கதாபாத்திரத்தில் நடித்தவர் ஒரு கிறிஸ்தவர். கலைகளில் சிறந்து விளங்குபவர்களுக்கு மதச்சாயம் பூசக் கூடாது. அதிலும், மிகச் சிறந்த கவிஞரான ரூமியின் கதைக்குள் சர்ச்சை எழுவதை தவிர்க்க வேண்டும். கம்பராமாயணத்தைவிட ஆறு மடங்கு பெரியது ரூமி எழுதிய மஸ்னவி. மஸ்னவிக்கு மயங்காதவர்கள் மிகக் குறைவே. அவருடைய பறவைகளின் மாநாடு கவிதை, மிகப் பெரிய வரவேற்பைப் பெற்றது. மதங்களுக்கு அப்பாற்பட்ட ஒரு மாபெரும் கவிஞனை, மதச்சாயத்திற்குள் அடக்குவது சரியானதல்ல" என்றார் நிதானமாக.

'நாய்கள் குரைத்தால் நிலவுக்கென்ன? நாய் அதன் வேலையைச் செய்கிறது. நிலவும் தனது அழகிய முகத்திலிருந்து ஒளி வீசிக்கொண்டுதான் இருக்கும். நாணல் நுழைகிறது என்பதற்காக ஓடும் நீர் அசுத்தம் அடைவதில்லை'. 

எதிர்ப்பாளர்கள் ரூமியின் இந்த புகழ்பெற்ற வரிகளை படிக்காமலா இருப்பார்கள்...?



ஆ.விஜயானந்த்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ