Vikatan.com

www.vikatan.com would like to send you push notifications.

Notifications can be turned off anytime from browser settings.

ஃபேஸ்புக்கில் தமிழ் தெரிந்த நீங்கள் ஸ்பானீஷில் கூட பதிவிடலாம்

லகம் முழுக்க கோடிக்கணக்கான மக்கள் பயன்படுத்தி வரும் ஃபேஸ்புக் தளத்தில் மொழி தெரியாதவர்கள் கூட இனி நமது பதிவை படித்து தெரிந்து கொள்ளும் வசதியை ஃபேஸ்புக் நிறுவனம் ஏற்படுத்தவுள்ளது.

வழக்கமாக ஃபேஸ்புக்கில் தமிழ் மட்டும் தெரிந்த ஒருவரால், தமிழ் மொழி தெரியாதவர்களிடம் பழக முடியாத நிலை இருந்தது. ஆங்கிலம் தெரிந்தால் யாரிடம் வேண்டுமானாலும் நட்பு கொள்ள முடியும் . இதனால் மொழி தெரியாதவர்களிடம் இருந்து வரும் ஃப்ரென்ட் ரிக்வெஸ்ட்களை நாம் பொதுவாக ஏற்பதில்லை. அதனை ரிஜெக்ட் செய்து விடுவதும் உண்டு. மொழிகளால் இருந்த அந்த தடையை உடைக்கும் வகையில் ஃ பேஸ்புக்கில் பன்மொழி கம்போஸ் டூல் அறிமுகப்படுத்தப்படவுள்ளது. 

இனி தமிழில் ஒரு போஸ்ட் பதிவிடப்பட்டால்,அந்த டூலை பயன்படுத்தி தங்களுடைய நண்பர் ஸ்பானீஷ் தெரிந்தவராக இருந்தால், அந்த பதிவை நீங்கள் ஸ்பானீஷில் வெளியிட முடியும். மலாய் தெரிந்தவராக இருந்தால் மலாய் மொழியிலும் வெளியிட முடியும். சைனீஷ் தோழி இருந்தால், அவருக்காக ஸ்டேட்டஸ் பதிவிட முடியும்.

முதல்கட்டமாக உலகில் அதிகமாக வழக்கத்தில் உள்ள 45 மொழிகளில் இந்த டூலை பேஸ்புக் அறிமுகப்படுத்துகிறது.  எந்த எந்த மொழி என்ற பட்டியல் அறிவிக்கப்படவில்லை. ஆனால் நிச்சயமாக தமிழ் அதில் இடம் பெற வாய்ப்பிருப்பதாக கூறப்படுகிறது.

தற்போது மொழி அறியாதவர்களிடம் பழக வேண்டியதில் இருக்கும் தர்மச்சங்கடங்களையும் ஃபேஸ்புக்கின் இந்த புதிய முயற்சி போக்கி விடும். இந்த டூலை தற்போது பரிச்சாத்திய முறையில் தாங்கள் பயன்படுத்தி பார்த்துக் கொண்டிருப்பதாகவும் விரைவில் அது நடைமுறைக்கு வருமென்று ஃபேஸ்புக் நிறுவனம் அறிவித்துள்ளது.

ஃபேஸ்புக் இதெல்லாம் செய்யுறது சரிதான். ஆனா நம்மாளுங்க இத்தாலி, ஜெர்மன் பொண்ணுங்ககிட்ட வம்பிழுக்காம இருந்தா அது ரொம்ப சரி!

எடிட்டர் சாய்ஸ்

MUST READ