Vikatan.com

www.vikatan.com would like to send you push notifications.

Notifications can be turned off anytime from browser settings.

நேற்று வங்கி ஊழியர், இன்று நாட்டின் பிரதமர்... இங்கிலாந்தின் 2 வது பெண் பிரதமர் தெரசா மே!

லண்டன்: இங்கிலாந்து நாட்டின் புதிய பிரதமராக தெரசா மே நேற்று இரவு பதவி ஏற்று கொண்டார்.

இங்கிலாந்து நாட்டில், சமீபத்தில் நடந்த ஐரோப்பிய யூனியனில் நீடிக்கலாமா? வேண்டாமா? என்ற வாக்கெடுப்பில் பிரதமர் டேவிட் கேமரூன் கருத்துக்கு எதிராக விலக வேண்டும் என்ற கருத்து வெற்றி பெற்றது. இதனால் டேவிட் கேமரூன், பிரதமர் பதவியில் இருந்து விலகுவதாக அறிவித்தார்.

இதனையடுத்து பிரதமர் பதவிக்கான போட்டியில் இங்கிலாந்து எரிசக்தி அமைச்சர் ஆண்டிரியா லீட்சம், உள்துறை அமைச்சர் தெரசா மே ஆகிய 2 பேர் இருந்தனர். இதில் ஆண்டிரியா லீட்சம் போட்டியில் இருந்து விலகுவதாக அறிவித்தார். இதையடுத்து, தெரசா மே இங்கிலாந்தின் அடுத்த பிரதமராக தேர்வு செய்யப்படுவது உறுதியானது.

இந்நிலையில், பிரதமர் டேவிட் கேமரூன் நேற்று தனது பதவியை ராஜினாமா செய்தார். அவரது ராஜினாமாவை ஏற்றுக் கொண்ட ராணி எலிசபெத், புதிய பிரதமராக தெரசா மேவை நியமித்தார். அதையடுத்து, தெரசா மே நேற்று இரவு இங்கிலாந்தின் புதிய பிரதமராக பதவி ஏற்று கொண்டார். 59 வயதான தெரசா மே இங்கிலாந்தின் 2-வது பெண் பிரதமர் ஆவார். இதற்கு முன்பு மார்க்கரெட் தாட்சர் முதல் பிரதமர் என்ற பெருமையை பெற்றிருந்தார் என்பது குறிப்பிடத்தக்கது.

எடிட்டர் சாய்ஸ்

MUST READ