Vikatan.com

www.vikatan.com would like to send you push notifications.

Notifications can be turned off anytime from browser settings.

வடக்கு-கிழக்கு மாகாணங்களை ஒன்றிணைக்க முதல்வர் விக்னேஸ்வரன் வலியுறுத்தல்!

கொழும்பு: இலங்கையில் உருவாக்கப்படும் புதிய அரசமைப்புச் சட்டத்தில், வடக்கு மற்றும் கிழக்கு மாகாணங்களை மீண்டும் ஒன்றிணைத்து கூட்டாட்சி முறை அமல்படுத்தப்பட வேண்டும் என்று முதல்வர் விக்னேஸ்வரன் வலியுறுத்தி உள்ளார்.

யாழ்ப்பாணத்தில் நடைபெற்ற தமிழ் மக்கள் பேரவைக் கூட்டத்தில் வடக்கு மாகாண முதல்வர் சி.வி.விக்னேஸ்வரன் பேசும்போது, ''இலங்கையில் புதிதாக இயற்றப்படவிருக்கும் அரசியல் அமைப்புச் சட்டத்தில், தமிழர்கள் பெரும்பான்மையாக வாழும் மாகாணங்களில் கூட்டாட்சி முறை அமல்படுத்த தமிழ் மக்கள் மத்திய அரசை வலியுறுத்த வேண்டும். இதற்காக, வடக்கு மற்றும் கிழக்கு மாகாணங்கள் மீண்டும் ஒன்றிணைக்கப்பட வேண்டும்.

வடக்கு-கிழக்கு ஒருங்கிணைந்த தமிழ் பேசும் பகுதி என்பது அந்தப் பகுதி மக்களிடையே வருங்கால ஒற்றுமைக்கும், சிங்களர் குடியேற்றத்தைத் தடுத்து, தமிழ் பாரம்பரியம் நிலைத்து நிற்பதற்கும் மிக்க அவசியமான ஒன்று என்பதை தமிழ் மக்கள் பேரவை மக்கள் மனதில் நிலைநிறுத்த வேண்டும்.

முஸ்லிம்கள் வட-கிழக்கு இணைப்பை ஏற்க மாட்டார்கள் என்று காரணம் காட்டி, பெரும்பான்மை சிங்கள அரசு இரு மாகாணங்களையும் இணைப்பதைத் தவிர்க்கவும், சுயாட்சி முறையை அமல்படுத்தவும் மறுக்கக் கூடாது. ஒருங்கிணைந்த தமிழர் மாகாணத்தில், முஸ்லிம் மக்களுக்கென தனி நிர்வாக அதிகார சபையை வழங்குவதில் தமிழ் மக்களுக்கு எந்தவித ஆட்சேபனையும் இருக்க முடியாது. இறுதிகட்டப் போரின்போது நடைபெற்ற மனித உரிமை மீறல்களுக்கு நியாயம் கிடைக்கச் செய்வதில் இலங்கை அரசின் பங்கை தமிழ் மக்கள் ஆணித்தரமாக வலியுறுத்த வேண்டும்" என்றார்.

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

எடிட்டர் சாய்ஸ்

பரப்பன அக்ரஹாரா சிறை முதல் அப்போலோ அறை வரை...! - ஜெயலலிதாவின் இரண்டு வருட டைம்லைன் #2YearsOfBangaloreVerdict
placeholder

தமிழகமே எதிர்பார்த்துக்கொண்டிருந்த வழக்கில், இரண்டு ஆண்டுகளுக்கு முன் இதே நாளில்தான் தீர்ப்பு வந்தது. வருமானத்துக்கு அதிகமாகச் சொத்து சேர்த்ததாகத் தொடரப்பட்ட அந்த வழக்கில், அ.தி.மு.க பொதுச் செயலாளர் ஜெயலலிதாவுக்கு, நான்கு ஆண்டுகள் சிறைத் தண்டனையும், 100 கோடி ரூபாய் அபராதமும் விதித்து, பெங்களூரு சிறப்பு நீதிமன்றம் தீர்ப்பு அளித்தது. தீர்ப்பு வந்து 731 நாட்கள் ஆகிவிட்டன. அந்த வழக்கிலிருந்து அவர் விடுதலையும் செய்யப்பட்டு, அதன்பின் ஒரு பொதுத் தேர்தலில் மீண்டும் வென்று முதல்வராகவும் பொறுப்பேற்றுவிட்டார். எல்லாம் அவருக்கு நன்றாகப் போய்க்கொண்டிருந்தபோது, ஒரு வியாழக்கிழமை இரவு உடல்நிலை சுகவீனம் அடைந்து அப்போலோவில் அனுமதிக்கப்பட்டார்.

MUST READ