Vikatan.com

www.vikatan.com would like to send you push notifications.

Notifications can be turned off anytime from browser settings.

அகதிகளுக்கான முகாம் மூடல்:ஆஸ்திரேலிய அரசு அறிவிப்பு!

ஸ்திரேலியாவுக்குக் கடல் வழியாக சென்று, அந்நாட்டில் புகலிடம் கோரும் இலங்கை உள்ளிட்ட பல்வேறு நாட்டு மக்களுக்காக இருந்த முகாம் மூடப்படுவதாக அந்நாட்டு அரசு அறிவித்துள்ளது.

இந்தியா, ஆப்கானிஸ்தான், சிரியா, ஈரான், ஈராக்கைச் சேர்ந்த ஆயிரத்திற்கும் மேற்பட்ட அகதிகள்  ஆஸ்திரேலிய தடுப்பு முகாம்களில் சிறை வைக்கப்பட்டுள்ளனர். இந்நிலையில், ஆஸ்திரேலிய மனுஸ்தீவு தடுப்பு முகாம் மூடப்படுவதாக, ஆஸ்திரேலிய குடிவரவு மற்றும் எல்லைப் பாதுகாப்பு அமைச்சர் பீட்டர் டட்டன் அறிவித்துள்ளார்.

இது தொடர்பாக அண்மையில், ஆஸ்திரேலிய அமைச்சர் பீட்டர் டட்டனுக்கும் பப்புவா நியூகினி பீட்டர் ஓ நீல்-க்கும் இடையே பேச்சுவார்த்தை நடைபெற்றது. அதனைத் தொடர்ந்து, சந்திப்பு குறித்து செய்தி வெளியிட்ட   பீட்டர் டட்டன், "இந்த தடுப்பு முகாமில் உள்ள எவரும் ஆஸ்திரேலியாவில் குடியமர்த்தப்படமாட்டார்கள்" எனக்  குறிப்பிட்டுள்ளார்.

தற்போது இந்த முகாமில் 854 பேர் அகதிகளாக உள்ளனர் என்று தெரியவருகிறது. முகாம் மூடப்படுவதையடுத்து, இவர்கள் அனைவரும் இடம் மாற்றப்படுவார்கள் எனச் சொல்லியுள்ளது  ஆஸ்திரேலிய அரசு.

இந்நிலையில்,  ஆஸ்திரேலியாவை அடைய முயன்ற ஆறு பேரைக் கொண்ட இலங்கை படகு ஒன்று மீண்டும் அந்நாட்டிற்கே திருப்பி அனுப்பப்பட்டுள்ளது. கடந்த இரண்டு ஆண்டுகளுக்கும் மேலாக, ஆஸ்திரேலியாவுக்குச் செல்ல முயன்ற அகதிகள் படகு எதுவும் அந்த நாட்டிற்குள் அனுமதிக்கப்படவில்லை என்பது குறிப்பிடத்தக்கது.

இது தொடர்பா வேற என்னலாம் நடந்திருக்குனு தெரிஞ்சுக்கலாமா?

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

எடிட்டர் சாய்ஸ்

பரப்பன அக்ரஹாரா சிறை முதல் அப்போலோ அறை வரை...! - ஜெயலலிதாவின் இரண்டு வருட டைம்லைன் #2YearsOfBangaloreVerdict
placeholder

தமிழகமே எதிர்பார்த்துக்கொண்டிருந்த வழக்கில், இரண்டு ஆண்டுகளுக்கு முன் இதே நாளில்தான் தீர்ப்பு வந்தது. வருமானத்துக்கு அதிகமாகச் சொத்து சேர்த்ததாகத் தொடரப்பட்ட அந்த வழக்கில், அ.தி.மு.க பொதுச் செயலாளர் ஜெயலலிதாவுக்கு, நான்கு ஆண்டுகள் சிறைத் தண்டனையும், 100 கோடி ரூபாய் அபராதமும் விதித்து, பெங்களூரு சிறப்பு நீதிமன்றம் தீர்ப்பு அளித்தது. தீர்ப்பு வந்து 731 நாட்கள் ஆகிவிட்டன. அந்த வழக்கிலிருந்து அவர் விடுதலையும் செய்யப்பட்டு, அதன்பின் ஒரு பொதுத் தேர்தலில் மீண்டும் வென்று முதல்வராகவும் பொறுப்பேற்றுவிட்டார். எல்லாம் அவருக்கு நன்றாகப் போய்க்கொண்டிருந்தபோது, ஒரு வியாழக்கிழமை இரவு உடல்நிலை சுகவீனம் அடைந்து அப்போலோவில் அனுமதிக்கப்பட்டார்.

MUST READ