Vikatan.com

www.vikatan.com would like to send you push notifications.

Notifications can be turned off anytime from browser settings.

ஒரு டன் சந்தனக்கட்டை ரூ.1.33 கோடி: கிறுகிறு லாபம்!

       

ரு டன் இந்திய சந்தனக்கட்டைகள் ரூ.1.33 கோடிக்கு விற்பனை ஆகிறது என்று மகிழ்ச்சியோடு தெரிவிக்கிறார் ஆஸ்திரேலிய விவசாயி பவுல் மோக்.

ஆரம்பத்தில் கரும்பு வேளாண்மை செய்தவந்த அவர், 'உலக மார்க்கெட்டில் இந்திய வகை சந்தனத்திற்கு இருக்கும் மார்க்கெட் மதிப்பு அதிகம்', அதனால் தற்போது தனது பண்ணையில் இந்திய சந்தனம் பயிரிடுவதாகக் கூறுகிறார் ஆர்வம் குறையாமல்.

இது குறித்து ஆங்கில ஊடகம் ஒன்றுக்கு அவர் பேட்டி அளித்துள்ளார். அதில் பவுல் மோக்," கடந்த 2000 ம் ஆண்டு வரையில் கரும்பு மட்டுமே விளைவித்து வந்தேன்.மேற்கு ஆஸ்திரேலியாவின் ஓர்ட் நதியின் நீர்ப்பாசனம்தான் எங்களின் வேளாண்மை ஆதாரம். அப்போதுதான் எனது தந்தை மாற்று விவசாயத்தில் ஆர்வம் கொண்டு, இந்திய சந்தன வகை மரங்கள் வளர்த்து ஆராய்ச்சி செய்துவந்தார்.அதில், மிகப்பெரிய அளவுக்கு முன்னேற்றம் கண்ட அவர்,சந்தன வகைகளில் இந்திய வகை சந்தனம் போல பார்க்கவில்லை. அபரிமிதமான வளர்ச்சி என்றார். இதனை நாம் பயிரிட்டால் என்ன என்ற எண்ணத்தையும் எனக்குள் விதைத்தார்.

       

கடந்த 15 ஆண்டுகளுக்கு முன்பு எனது பண்ணையில் சந்தனம் பயிரிட்டேன். அபாரமான வளர்ச்சி.தொட்டாலே மணக்கும் இந்திய சந்தன மரங்கள் உலக மார்க்கெட்டில் நம்பர் ஒன். ஒரு டன் விலை 2 லட்சம் டாலர்.(இந்திய மதிப்பில் ரூ.1.33 கோடி). எனது பண்ணையில் இருந்து விளையும் சந்தன மரங்கள் தாய்வான் நாட்டுக்கு ஏற்றுமதியாகிறது. நன்கு விளைந்த சந்தன மரத்தில் இருந்து எடுக்கப்படும் எண்ணெய் சீனா உள்ளிட்ட ஆசிய நாடுகளில் இயற்கை மருந்து உற்பத்தி செய்ய  பயன்படுத்தப்படுகிறது. அதனால் ஆசியாவில் சந்தனம் மார்க்கெட் எப்போதும் சரியாதது. " என்று கூறியிருக்கிறார் பவுல்.

ஆஸ்திரேலியாவின் மேற்குப் பகுதியில் ஓடும் 'ஓர்ட் நதி' 650 கிலோமீட்டர் நீளத்திற்கு செல்கிறது. அதில் 320 கிலோமீட்டர் தூரம் கிம்பர்லி மாகாணத்தில் பயணிக்கிறது. ஆண்டுமுழுவதும் வற்றாத நீர் செல்வத்தைக் கொண்டுள்ள ஓர்ட் நதி மேற்கு ஆஸ்திரேலியாவின் வேளாண்மையின் உயிர் நாடி என்கிறார்கள் அப்பகுதி விவசாயிகள்.இருபதாம் நூற்றாண்டின் சாதனையாக ஆஸ்திரேலியர்களால் கொண்டாடப்படும் 'ஓர்ட் நதி நீர்ப்பாசனத்திட்டம்' மூலம்தான் பண்ணை விவசாயம் வெற்றிகரமான தொழிலாக இருக்கிறது.

சந்தன விவசாயம் இப்போது ஆஸ்திரேலியாவின் 'பேஷனாக' இருக்கிறது என்கிறார் பவுல் மோக். "சந்தன வகைகளில் இந்திய வெரைட்டி புகழ் பெற்றது.இதனை உணர்ந்த பிறகே நான் சந்தனப் பயிர் செய்து வருகிறேன்.இப்போது எனது பண்ணையில், சந்தன மரங்கள் செழித்துள்ளன. பலவகை பறவைகள் தங்கி வாழ்ந்து வருகின்றன. எனது சந்தனப் பண்ணையைப் பார்த்து வேறு சில விவசாயிகளும் இந்திய சந்தனத்தைப் பயிரிட முயன்று வருகின்றனர்.ஆனால் அவர்கள் இதில் லாபம் பார்க்க ஆண்டுகள் பல காத்திருக்க வேண்டும்." என்கிறார் பவுல் மேலும்.

இந்திய சந்தனத்தின் மதிப்பை ஆஸ்திரேலிய விவசாயி அறிந்து வைத்துள்ளார்.

- சி.தேவராஜன்.              

   

 

    

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

எடிட்டர் சாய்ஸ்

பரப்பன அக்ரஹாரா சிறை முதல் அப்போலோ அறை வரை...! - ஜெயலலிதாவின் இரண்டு வருட டைம்லைன் #2YearsOfBangaloreVerdict
placeholder

தமிழகமே எதிர்பார்த்துக்கொண்டிருந்த வழக்கில், இரண்டு ஆண்டுகளுக்கு முன் இதே நாளில்தான் தீர்ப்பு வந்தது. வருமானத்துக்கு அதிகமாகச் சொத்து சேர்த்ததாகத் தொடரப்பட்ட அந்த வழக்கில், அ.தி.மு.க பொதுச் செயலாளர் ஜெயலலிதாவுக்கு, நான்கு ஆண்டுகள் சிறைத் தண்டனையும், 100 கோடி ரூபாய் அபராதமும் விதித்து, பெங்களூரு சிறப்பு நீதிமன்றம் தீர்ப்பு அளித்தது. தீர்ப்பு வந்து 731 நாட்கள் ஆகிவிட்டன. அந்த வழக்கிலிருந்து அவர் விடுதலையும் செய்யப்பட்டு, அதன்பின் ஒரு பொதுத் தேர்தலில் மீண்டும் வென்று முதல்வராகவும் பொறுப்பேற்றுவிட்டார். எல்லாம் அவருக்கு நன்றாகப் போய்க்கொண்டிருந்தபோது, ஒரு வியாழக்கிழமை இரவு உடல்நிலை சுகவீனம் அடைந்து அப்போலோவில் அனுமதிக்கப்பட்டார்.

MUST READ