Vikatan.com

www.vikatan.com would like to send you push notifications.

Notifications can be turned off anytime from browser settings.

டொனால்டு டிரம்ப்பை அவசர அவசரமாக காப்பாற்றிய சீக்ரெட் சர்வீஸ்

அமெரிக்க அதிபர் தேர்தலில் குடியரசுக்கட்சியின் வேட்பாளராக போட்டியிடும் டொனால்டு டிரம்ப், நேற்று மாலை நெவடா  நகரில் நடந்த பிரச்சாரக்கூட்டத்தில் பேசிக்கொண்டிருந்த போது பெரும் பரபரப்பு ஏற்பட்டது.  டிரம்ப்பிற்கு எதிராக மர்ம நபர் ஒருவர் கோஷம் எழுப்பியதை தொடர்ந்து, அவரிடம் துப்பாக்கி  உள்ளது என்றும் அவர் டிரம்ப்பை கொலை செய்ய வந்தவர் என்றும் கருதி, பதறிப்போன டிரம்ப்பின் பாதுகாவலர்கள், டிரம்ப்பை மேடையில் இருந்து அவசர அவசரமாக அழைத்துச் சென்றனர். 


மேலும் ஒரு பாதுகாவலர், மர்ம நபரிடம் துப்பாக்கி உள்ளது என கூச்சல் எழுப்பி, கூட்டத்தில் பெரும் குழப்பத்தை உருவாக்கிவிட்டார். அந்த நபரை சோதனை செய்ததில் அவரிடம் ஆயுதம் ஏதும் இல்லை. மேலும் 'Republicans Against Trump' என்னும் பதாகை மட்டுமே அவரிடம் இருந்துள்ளது . பாதுகாவலர் அவசரப்பட்டு துப்பாக்கி என கோஷமிட்டதால், குழப்பம் ஏற்பட்டு டொனால்டு டிரம்ப்பை கொலை செய்ய முயற்சி செய்ததாக உலகம் முழுவதும் செய்தி பரவிவிட்டதாக அமெரிக்க காவல்துறை செய்தி வெளியிட்டது. 

 

எடிட்டர் சாய்ஸ்

MUST READ